مزامیر ۱۵
۱۵
کی ایسه کی تی موقدّسٚ کوه دورون ساکن ببه؟
داوودٚ مزمور.
۱ اَی خوداوند، کی ایسه تی خیمه میأن مهمان ببه؟
کی ایسه کی تی موقدّسٚ کوه دورون ساکن ببه؟
۲ او کسی کی بدونٚ عیب و ایراد قدم اوسأنه،
دوروستکارم ببه
خو دیلٚ جأیم راست گب بزنه،
۳ کی خو زوانٚ اَمرأیم غیبت نوکونه
و خو همسادهیَ بدی نوکونه
و سرکوفت زِئنَ در موردٚ خو دور و اَطرافییأن قوبیل نوکونه،
۴ هَطویم شرورٚ آدمأنَ بی ارج و قورب دأنه
و حورمت نهِه اوشأنییَ کی خودا جأ حیساب بریدی؛
کی خو قولَ وفا بوکونه
هر چقدم اونٚ رِه ضرر ببه؛
۵ کی خو پولَ کسی نوزول فئنده
و بیگوناهٚ ضد، رشوه فئنگیره؛
اونی کی اَ کارأنَ کونه
هیوخت جٚه خو جا سر تکان نوخوره.
Trenutno odabrano:
مزامیر ۱۵: گیلکی (رشتی)
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2010-2019 Gilak Media