Popularni biblijski stihovi od Numero 20

Podijeli

Piru migkaǥi is NENGAZEN diyà te ki Moises wey ki Aaron te, “Tenged te wazè kew medsarig kedì pinaaǥi te kebpaahà te kegkewaǥas ku ziyà te etuvangan te menge Israilihanen, kenè kew iyan ebpekepengulu te keduma kayi te menge etew pehendiyà te tanà he ibeǥey ku kandan.”

“Kuwaa nu sikan is tuked nu ne tiǥuma niw zuen te suled nu he si Aaron is langun he menge etew. Ne zutun te edtengteng dan, ne keǥiyi nu is batu he mebeǥey te wahig, ne edtudà is wahig su wey niw meveǥayi te wahig is menge etew su wey zan mekeinum duma te menge uyaǥen dan.”

Ne imbayew ni Moises sikan is tuked din ne midlagkut din te kezezuwa sikan is batu, ne midlepew zutun is wahig, ne mid-inum is menge etew wey is menge uyaǥen dan.

Ne hein nekuwa zin en, midtiǥum dan ki Aaron is langun he menge etew ziyà te egkesineruwan te vatu, ne migkeǥiyan sikandan ni Moises te, “Pemineg kew is menge mesinukulen, kinahanglan be he ebeǥayan dey sikiyu te wahig puun kayi te vatu?”