Popularni biblijski stihovi od NAI VAKATAKILA I JONI 6

Podijeli

Ia ka'u a vakaraica, ka raica, sa dua na ose vulavula ca: ia na yaca i koya sa vodo tiko kina ko Mate, ka sa muri vata kaya ko Etesi. A sa soli vua me rawa nai kava ni kena wase ko vuravura, me vakamatei e nai seleiwau, kei na viakana, kei na mate ca, kei na manumanu kila kei vuravura.

Ka raica, au a qai kunea na ose vulavula: ia sa taura na dakai titi ko koya sa vodo tiko kina; a sa soli vua e dua nai sala-vakaturaga; a sa lako yani ko koya e na gumatua, ka me gumatua vakalevu.

IA ni sa cecega ko koya nai kalima ni drega, au sa raica e ruku ni cabocabo-ni-soro na yalodra era a vakamatei e na vuku ni vosa ni Kalou, kei na vuku ni nodra i tukutuku

era sa kaci e na domo levu, ka kaya, sa vakaevei na kena dede, na Turaga yalododonu ka dina, ni ko sa sega ni lewa ka cudruvaka na neimami dra vei ira era sa tiko e vuravura? A sa soli vei ira yadua nai sulu vulavula; a sa kainaki vei ira, me ra cegu tiko mada vakalailai, me oti mada mai ko ira na nodra i tokani kei na wekadra, era na vakamatei mada me vakataki ira.

A sa dua tani tale na ose sa lako yani, sa damudamu: a sa soli vua sa vodo tiko kina me kauta tani e vuravura na sautu, ka me ra veiraravui tikoga: a sa soli vua nai seleiwau levu.

ni sa qai yaco mai na siga dina ni nona cudru; ia ko cei ena yatedei me na tu dei rawa?

IA ka'u sa raica ni sa cecega ko koya nai kaono ni drega, ka raica! sa tavuki vakalevu na vanua: a sa loaloa sara na mata-ni-siga me vaka nai sulu vutika ni manumanu loaloa, a sa liadra na vula; a sa qeqera ki vuravura na veikalokalo ni lomalagi, e vaka na lolo sa qeqera na vuana ni sa sega ni dreu, ni sa kurea na cagi kaukauwa.

IA ni sa cecega ko koya nai katolu ni drega, au sa rogoca nai katolu ni ka bula sa kaya, Lako mai. Ia ka'u a raica, ka raica, sa dua na ose loaloa; ia ko koya sa vodo tiko kina, sa taura nai vakarau e na ligana. Au a rogoca e dua na domo e na kedratou maliwa na ka bula e le va, sa kaya, Me volitaki nai vakarau witi e na dua na pene, ka tolu nai vakarau parile e na dua na pene; ka raica mo kakua ni vakacacana na waiwai se na waini.

A sa lako tani yani na lomalagi me vaka nai vola balavu sa vivigi vata; a sa kau tani mai na nodra i tutu na ulu-ni-vanua kecega kei na yanuyanu kecega. Ia ko ira na tui kei vuravura, kei na tamata era kena turaga, kei na tamata vutuniyau, kei ira na vu-ni-valu, kei ira na tamata qaqa, kei ira kece na bobula, kei ira kecega nai taukei, era sa vunitaki ira e na veiqara kei na veiuluvatu e na veiulu-ni-vanua