Popularni biblijski stihovi od EFESO 5

Podijeli

O koya oqo mo dou qai vakadamurimuria na Kalou, me vakataki ira na gone ni toko; ka dou ia tikoga nai valavala ni loloma, me vaka sa loloma talega na Karisito vei kemudou, a sa soli koya e na vukuda mei madrali kai soro vua na Kalou me ka boi vinaka.

O koya mo dou qai raici kemudou vinaka, mo dou i valavala vakayalomatua, mo dou kakua ni vakataki ira na lialia, mo dou vakataki ira ga na vuku, mo dou volia me nomudou na gauna, ni sa ca na veisiga oqo.

Ia dou kakua ni mateni e na waini, ni sa ia kina na ka vakasisila; dou vakasinaiti ga e na Yalo Tabu; ka dou veivosaki vakai kemudou e na same kei na sere kei na meke vakayalo, ka dou seretaka na sere e laga vinaka e na yalomudou vua na Turaga: ka dou vakavinavinaka tiko e na vuku ni ka kecega vua na Kalou kei na Tamada e na yaca ni noda Turaga ko Jisu Karisito

O koya mo dou qai kakua ni sesewa, mo dou kila ga na loma ni Turaga.

Oi kemudou na tagane vakawati, lomani ira na watimudou, me vaka sa lomana nai soqosoqo lewe ni lotu na Karisito, a sa soli koya e na vukuna

Ni dou a butobuto eliu, ia dou sa qai rarama e na Turaga; mo dou ia tiko nai valavala ni gone ni rarama

ka dou dui veivakamalumalumutaki kemudou vakai kemudou e na rere vei Karisito.

Oi kemudou na yalewa vakawati, mo dou dui vakamalumalumutaki kemudou vua na watimudou, me vaka vei koya na Turaga.

Ia mo dou dui lomana yadua na watina me vakataki koya; ia na yalewa, me vakarokorokotaka na watina.

Na ka oqo ena biuta kina na tagane na tamana kei na tinana, a rau na dua vata kei na watina, a rau na lewe dua bauga.

Ia dou kakua ni malele vata kei ira sa dauia nai valavala butobuto sa sega ni yaga, ka dou vunauca ga.