Popularni biblijski stihovi od EFESO 1

Podijeli

ni sa vakararamataki na mata ni yalomudou; mo dou kila kina nai nuinui sa kacivi kemudou kina ko koya, kei na kena levu ni ukuuku sa taukena ko koya vei ira sa lotu, kei na kena levu sara ni nona kaukauwa vei keda sa vakabauta, me vaka sa daucaka yaco e na nona kaukauwa vakaidina, sa qisi Karisito kina ko koya, ni sa vakaturi koya cake mai na mate, a sa vakatikora e na ligana i matau e na veiyasana vakalomalagi, sa uasivi cake sara vei ira kecega sa liu, kei ira era sa lewa, kei ira sa kaukauwa, kei ira era sa turaga, kei na yaca kecega sa cavuti e na gauna oqo kei na gauna emuri

me vaka sa digitaki keda eliu e na vukuna, sa qai tauyavutaki emuri ko vuravura, me da yalosavasava ka sega ni cala e matana e na loloma; ni sa lesi keda eliu me da vakabau me da luvena e na vuku i Jisu Karisito, me vaka na nona lewa vakayalovinaka

o koya eda sa rawata kina na bula sa voli e na nona dra, io, na vakabokoci ni valavala ca, me vaka na nona loloma levu

Me vakarokorokotaki na Kalou, na Tamai koya na noda Turaga ko Jisu Karisito, o koya sa vakalougatataki keda e na ka ni veivakalougatataki vakayalo kecega e na veiyasana vakalomalagi e na vuku i Karisito