Popularni biblijski stihovi od 2 CESALONAIKA 2

Podijeli

Me kakua sara e dua na ka me vakaisini kemudou kina e dua; ni na yaco mada eliu na vuki tani, ka na vakaraitaki mada na tamata ni valavala ca, a luve ni veivakarusai

Ia sa kilikili kei keitou me keitou ia tikoga na vakavinavinaka vua na Kalou e na vukumudou, na veiwekani, oi kemudou sa lomana na Turaga, ni sa digitaki kemudou na Kalou mai nai vakatekivu mo dou bula ni dou sa vakasavasavataki e na Yalo Tabu, ka dou sa vakabauta na ka dina

o koya sa dauvorata, a sa vakalevui koya me uasivi cake e na ka kecega sa vakatokai me kalou, se dauqaravi; a sa tiko kina ko koya e na vale ni Kalou, a sa vakaraitaki koya me kalou.

Ia na noda Turaga ko Jisu Karisito, kei na Kalou ko Tamada, o koya ka lomani keda, ka solia vei keda e na loloma na vakacegu sa sega ni mudu kei nai nuinui vinaka, me vakaceguya mada na yalomudou, ka vakataudeitaki kemudou e na vosa kei na cakacaka vinaka kecega.

Ia e na vuku ni ka oqo, sa tala tiko na veivakacalai mana vei ira na Kalou, me ra vakadinata kina na ka lasu

sa vaka na cakacaka i Setani na nona lako mai, sa ia e na kaukauwa levu kei na veivakatakilakila kei na veika vakailasu e veivakurabuitaki, kei na ka e sega ni dodonu sa veivakacalai vei ira era sa rusa; ni ra sa bese ni lomana na ka dina, me ra bula kina.

Ni sa cakacaka vakavuni edaidai na ca: ia sa dua e tarova tikoga, ka malua me kau tani yani ko koya.