Popularni biblijski stihovi od نامَه اَفِسُسِنیا 2

اَسِی که اَما کَر دست خدا هِم، تِی مسیحْ عیسی اَسِی کَرِی خَش خَلک بُدِستِم، کَرِی که خدا از کَبلتَه آمادَه اُشکِه تا اَما تِی آنایا کَدام واسِهِم.

اَسِی که اُ وسیلَه فیض، اُ واسطَهِ ایمون نجات پیدا تُکِردِ. اِ کَر خوتو نی؛ اِ هَدیَه خدائِه، و نتیجَه اعمال نی، تا هِسکَه اُ خوش نِنازِه.

ولی خدا که رحمُش بی حَد و اندازَئِه، وَخاطر محبت گاتُش که اُ اَما اُشهاد، حتی زَمونی که تِی خطائیامو مُردَه هادِم، اُ اَما خاد مسیح زندَه شاکِه، شما اُ وسیلَه فیض خدا نجات پیدا تُکِردِ،

خدا اُ اَما تِی مسیح عیسی، خاد مسیح زندَه شاکِه و اُ اَما خاد آنا تِی جَی‌یَی آسِمونی اُشنَه،

پَ شما دِگَه نِه غریبَه و نِه بیگانَه هی، بلکه هموطن آنایایی که اُ مسیح ایمون شُهَه و اهل خونَه خدا هی؛ شما لِی شالدَه‌ای که وَ دست حَوارِنیا و انبیا نَدَ بُدِ، بَنا بُستی و مسیح عیسی خوش سنگ اصلِنِ مِ ساختمونائِه.