Popularni biblijski stihovi od Roma 2

Podijeli

Ia ko iko na tamata, sa vakalewai ira era sa kitaka na veika vakaoqo, ka sai valavala vakakina, ko sa nanuma beka ko na dro rawa mai na lewa ni Kalou? Se ko sa beca beka na nona loloma levu, kei na nona vosota vakadede, kei na nona cudru vakamalua; ka ko sa sega ni kila ni sa tuberi iko ki na veivutuni na yalovinaka ni Kalou?

O koya oqo sa sega kina na nomu ulubale, o iko na tamata yadua sa dauvakalelewa; ni ko sa beitaki iko e na nomu vakalewa na tani, ni ko sai valavala tiko vakakina ko iko sa dauvakalelewa.

Ni sa sega ni dau vakaduiduitaka na tamata na Kalou.

Ni ra sa sega ni dodonu e na mata ni Kalou ko ira era sa rogoca walega na vunau, o ira ga era sa muria na vunau era na vakadonui.

o koya ena sauma na tamata yadua me vaka na nona i valavala

ia na cudru kei na lesavi vei ira era sa dauveileti, ka talaidredre ki nai vakavuvuli dina, ia ka talairawarawa ki nai vakavuvuli tawa dodonu.

Ia ko iko, me vaka na nomu yalokaukauwa kei na lomamu sa sega ni veivutuni, ko sa binia tikoga vei iko na cudru ki na siga ni cudruvi, ena vakaraitaki kina na lewa dodonu ni Kalou