Popularni biblijski stihovi od Kolosenses 3

Podijeli

Dai kïïga abïr gïn kabakada xïïxkadï soi gïn buidadagi ïgai daidi abïr oigïldada. Gï agai xi oigïldagi aapimï ix makïdï soi gïn buidadagi ïpïan dukai ix dui Suxi Kristo aidïxi gïn oigïrhi gïn soimaaxkamiga tudu.

Gïn tïgito abïr ajiopada ixtumaxi oidaga tïbagiana tudu dai mai xu ixtumaxi oidaga tami oidigi daama.

Bïïxi gïn bhai ïrhiarakïdï abïr ibuada bïïxi ixtumaxi ibuadagi aapimï tudu. Dai xïxkadï ibuadagi aapimï ïmo aaduindagai gïn amu bïïtarï abïr kïïga ibuada xadutudaitai Diuxi. Saidi ïr Diuxi bïïtarïkagi gïn aaduindaga tudu dai mai xu xi mosïkaxi gïn amu bïïtarï.

Daiñi, xibi aapimï buaboitudadami kaxi ïr ïko bubaidadï Diuxi. Ïkobai darasaka aapimï Diuxi bïïtarï tudu dai gïn oigïdai ïgai. Kaxkïdï abïr soi gïn ïrhiada nïiditai jaa ix makïdï soimaaxi taatamadagi daidi abïr kïï tutiaka buidïrï jaa odami ïpï. Maiti abïr gïgïrdukïdï gïn ïrhiada daidi abïr kïï bhai maaxkami buidadagi jaa mai omarhigakatai buidïrï. Maiti abïr otoma ojodada go jaa xïïxkadï mai kïï ibuadagi ïgai.

Gïn tïgito abïr ajiopada aatagidï Suxi Kristo dai abïr dagito sai ïgai ñokidï gïn tïanïdagi gïn tïgibudagïrï dai saidi gïn tïanïdagi gobai bïïxi ix tumaxiïrï ibuadagi aapimï ïpï. Podukai abïr bhïiyi kïïgadukami tïgibudagai daidi aipako abïr gïn mamaatïturhiada aapimï dai aipakoga abïr gïn mamaakada ñoki. Dai bïïxi gïn ibhïdakïdï abïr ganïyi go naana maaxi nïidadï Diuxi ix makïdï aagai xïïxi ïr gïdukami Diuxi. Daidi abïr gamamaakada ïmo Diuxiatanamїidaragai Diuxi bïïxi gïn ibhïdagakïdï. Dai bïïxkïrï xïxkadï ñokadagi aapimï xiïpï xïxkadï ibuadagi aapimï ixtumaxi abïr Suxi Kristo bïïtarï ibuada ka urabakatai aapimï ïgai. Dai gïn tïgitobïrai ïpï sai Suxi Kristo ka bhai dui gïn bïïtarï sai biakana aapimï oigaragai xi Diuxiatanamïidana tïdagi Diuxi gïr Oga kaxkïdï dudatai abïr potïda ïgai.

Bïïxi ixtumaxi ibuadagi aapimï abïr ibuada kïïga oigïdaitai jaa tudu. Gobai ïgai dai bïïxi adaama gï agai xi ibuadagi aapimï. Ix gïn oigïdada aapimï aidï gia kïïga gïn uraba óídakamu aapimï tudu.

Gin aaduñi, bïïna daraka aapimï Suxi Kristo dai kaxkïdï kaxi gïn duakaturhi Diuxi ïmo utudui oidaragai bïïtarï. Dai kaxkïdï bïïna dakatai aapimï ïgai abïr biaka ïrhiada ixtumaxi oidaga amïka xako daja ïgai. Tïbagiana daja Suxi Kristo tudu sïïrhixapadïrï Diuxi xakoga kabami bia ïgai xadutudaragai.

Gin aaduñi, Diuxi gïr báí tïsaidi ïmo tukugai dukamikagi aatïmï ïmo aadunumïkatai aatïmï. Kaxkïdï kïïga abïr gïn tïgito nïijada ixtumaxi ibuadagi aapimï. Oijadabïrai tudu go ibhïxtaragai dai urabaragai ix makïdï gïr maa Suxi Kristo. Sai gobai ïgai dai gïr tïanïna tudu. Dai dudatai abïr aagiada Diuxi sai bhai gïn ïrhidi aapimï ïgaikïdï ïpï.

Kaxkïdï abïr dagitoda ixtumaxi ibuadana aapimï aidïxi oidiña aapimï gïn ïkidadï oidakaraga. Maiti abïr ïmadï bopoda tudu ix makïdï maiti ïr gïn aduñi dai maiti abïr tïtïgito ajiopada podukai ïpï. Maiti abïr ibuada ïrhiada buirudagai tudu. Dai maiti abïr koimudadï tutiaka. Tomaxorai ix makïdï koimudadï tutiakagi ïpïan dukamikana ix makïdï Diuxi dukai nïidi ixtumaxi ix makïdï maiti ïr Diuxi. Ïgai bamioma namïakami dukai nïidi ixtumaxi oidaga tami oidigi daama dai mai pokaxi namïakami dukai nïidi ïgai Diuxi.

Kaxkïdï tudu ka koidadï duu bii aatïmï gïr ïïkidadï oidakaragai bïïtarï dai xibi bia aatïmï ïmo utudui oidakaragai bïïnaka darakatai aatïmï Suxi Kristo. Aatïmï bïïnaka daraka Suxi Kristo tudu dai Suxi Kristo bïïnaka daja Diuxi dai bia gïr utudui oidakaragai. Suxi gia kïïga maatï ix maaxika agai gïr utudui oidakaragai dïï aatïmï gïr bïïtarï mai maaxi kia.

Dïï gia xibi ka ayi xi dagitoagi aapimï bïïxi gobai. Xibi ka maiti abïr bhakokïrïda tudu. Maiti abïr gïn dagitoagi xi gïn maitana go bhamudagai tudu. Dai maiti abïr soi buidada ïrhiada jaa. Dai maiti abïr galnaxi ñokada buidïrï. Maiti abïr galnaaxi ñoki aagada toma lïïchi tudu.

Kaxi maiti abïr yaatagïda jaa ïpï. Kaxkïdï tudu ïkioma galtutuigatakana aapimï oiditai gïn ïkidadï oidakaraga dïï gia xibi ka maigobai dáí aapimï go ïïkidadï oidakaragai ïmadï go soimaaxi ix makïdï ibuadana aapimï oiditai gobai tudu. Xibi ka bhïiyi aapimï go utudui oidakaragai dai ka utudutudaimi aapimï. Xibi Diuxi ix makïdï gïn idui aatabuayi aapimïrï dai ka ïpïan tuigakami bijimi aapimï Diuxi. Gïn utudutuldaimi Diuxi sai podukai kïïga maatïkana aapimï ïgai dai kïïga ïmadaiña aapimï ïpï.

Dai aapimï kïkïïrhi, abïr kïïga oigïdada gïn oñiga dai maiti abïr bhakokoda ïgai bui dai bhaiyoma abïr kïïga bhai maaxi buidada.

Dai aapimï arhi kïïga abïr ïïgiada gïn dïïdï bïïxi ixtumaxiïrï gïn tïanïdagi ïgai. Kaxkïdï tudu xïïxkadï ïïgiadagi aapimï gobai ïr ïmo bhai ïrhiaragai Gïr Nukadakami bïïtarï.

Aapimï oki, abïr kïïga ïïgiada gïn kukuna. Kaxkïdï tudu gï agai xi pobuadagi aapimï oki urabakatai aapimï Suxi Kristo.