Popularni biblijski stihovi od 2 Juan 1

Podijeli

Daiñi, aidï abhiadïrï xi buaboitu aapimï ka maatïkana aapimï sai Diuxi gïr tïjai tïsai gïr oigïdada aatïmï aipakoga. Dai xïxkadï ïïgiadagi aatïmï Diuxi ixtumaxi gïr tïjai ïgai gobai maaxitudai sai oigïdai aatïmï Diuxi.

Daiñi aapimï buaboitudadami, tomax makïdï aapimï ix makïdï gajiadïrï dagitoagi ixtumaxi gïr maatïturhi Suxi Kristo ïgai mai bia urabaragai Diuxi ïmadï. Dïï gia bïïxkatai ix makïdï mai dagitokatai oijadagi ixtumaxi gïr maatïturhi Suxi Kristo, ïgai gia bia urabaragai Diuxi gïr Oga ïmadï dai ïmadï Suxi Kristo ix makïdï ïr go Maradï Diuxi.

Maiti abïr gïn dagito sai gïn bupuirumadagi ïgai tudu. Daiñi, kabami gïr aajagïiña aatïmï gïn soiña ïrhiditai saidi bïï sudakami bhïiyagi aapimï gïn maitïki ix makïdï gïn maaki ïrhidi Diuxi oiditai aapimï ixtumaxi ïr buaboi. Dïï gia xi gïn dagitoagi aapimï xi gïn bupuirumadagi go yaatabogami ïgai aidï gia ka mai bïï sudakami bhïiyi antaada aapimï gïn maitïki. Gïn nukadabïrai tudu saidi bïï sudakami bhïna aapimï gïn maitïki.

Daiñi, xi gïn oigïdadagi aapimï aipakoga gobai gïn soiñamu sai mai oijadana aapimï go bupuirumadami ix makïdï aipakoga ajiopai oidigi daama. Muidu ïgai tudu. Pokaitiña ïgai sai mai ïmo odami dukai dibia Suxi Kristo tami oidigi daama. Yaatabogami ïgai tudu daidi ïr buidïrï bïïtïkami ïgai Suxi Kristo.