Popularni biblijski stihovi od 1Tesalonicenses 4

Podijeli

Dai bhodïrï aatïmï ix makïdï kia duduakakagi taiyakoga iimimu ïgai ïmadï dai mïï buidïrï ayimu aatïmï Suxi Kristo ïbïltapi dai aidï gia ka ïmadï darakamu aatïmï bïïxkïrï bïïtarï.

Aidï gïïgïr iñakidamu Suxi Kristo tïbanïkai tïbagiañdïrï tudu. Dai aidï gï kaidatudamu ïpï Diuxi tïtïañikarudï bhaitï kïakamigadï. Dai ganïjida agai ïgai Diuxi trompetagadïkïdï ïpï. Daidi duakatuldamu Diuxi go buaboitudadami ix makïdï ka koi.

Ipïrhidi Diuxi sai mosïkaxi ïgai bïïtarï óídakana aapimï ïko darakatai soimaaxkamiañdïrï. Maiti ipïrhidi ïgai sai abhana bopodagi aapimï jaa ix makïdï maiti ïr sïïrhi tudu. Dai bhaiyoma ipïrhidi sai maatïkagi aapimï ixdukatai tïanïdagi gïn tukuga sai mai ïïgiada aapimï xïïxkadï gïn bapainxadagi gobai soimaaxkami amakoga. Ipïrhidi ïgai sai xadutuada aapimï ïïgi gïn tukuga tudu sai Diuxi bïïtarïkana gobai dai sai podukai gïn tukugakïdï xadutuada aapimï jaa ïpï.

Dïï gia aatïmï gia kïïga buaboitudai sai Suxi Kristo muu dai ïpamu duaka. Dai kaxkïdï buaboitudai aatïmï ïpï sai Diuxi duduakatuldamu ix makïdï uraba daraka Suxi Kristo. Dai buaboitudai aatïmï ïpï sai ix makïdï duakatu Diuxi oidamu Suxi Kristo xïïxkadï dibiagi ïgai ïpamu.

Gïn abïnakida rïrhidi aatïmï sai gaagagi aapimï ix dukatai kïï bhai maaxkami dukai óídakagi dai maiti gï agai xi gïn bapasadagi xako maiti gïn ajïakagi. Daidi buadabïrai ïïgi gïn aaduindaga tudu sai podukai biakana aapimï ix dukatai óídakagi. ¿Mai ix podukai gïn mamaakaiña aatïmï ñoki baasïkioñdïrï abhiadïrï?

Diuxi gïr báí mai xu sai soimaaxi ibuadagi aatïmï tudu dai bhaiyoma gïr báí sai ïgai bïïtarïkana aatïmï.