Popularni biblijski stihovi od 1 Korintios 7

Podijeli

Odami ix makïdï ïr gïn kukunakami maiti gï aagai ix daidagi aduñdï ix abhana boiyagi tudu. Mosïkaxi ix maiti ipïrhiada ïgai ix ïmapi bopodagi chïki tasai sai kïïgioma gadaanïna ïgai Diuxi, aidï gia bhaiga ïgai xi aatagadagi dai bhaiduñagi ñoki ix mai ïmapi bopobagi dïï mosïkaxi chïki tasai bïïtarï. Dai gokiïrï ka nato daanïkai ïgai Diuxi chïki tasai aidï gia gï agai ix ïmapi bopodagi ïgai. Tadu báí go diabora sai soimaaxi ibuadana ïmai ïmadï.

Xibi aagamu aanï gobai ix makïdï ibuayi kïkïïrhi ïmadï oki gïn kukuntakai. Gokïdï go kïïrhi gï agai ix ibuadagi ix tumaxi ïr sïïrhi oñigadï bïïtarï dai mai daidagi ix abhana boiya ïgai. Dai podukai ïpï go oki gï agai xi ibuadagi ixtumaxi ïr sïïrhi kunadï bïïtarï dai mai daidagi ix abhana boiyagi ïpï. Gokïdï go oki mai bia sïïrhikami ix tïanïdagi ïïgi tukugadï dai podukai ïpï go kïïrhi mai bia sïïrhikami ix tïanïdagi ïïgi tukugadï ïpï. Gokïdï bïï goka bia sïïrhikami ix ïïgiada aduñdï tudu.

Sïïrhikïdï gïïpi aa namïki Diuxi dai gïn sabïrhi tudu dai kaxkïdï xibi ïr pipioñigadï aapimï Diuxi dai ka mai bia sïïrhikami ix ïïgiadagi tïgibudadï oidigi daama óídakami.