Popularni biblijski stihovi od К Римлянам 2

Podijeli

Иўырңа нанқихтақатын анахулъҳӣт, нақамлъю лъпык катам пӣқа̄тын тама̄кут ата̄сит анахутылъҳыт. Ынка̄м сюмыҳпынӣ анагьяҳқа̄нилюку пизигӯ Кияӷныӷым нанқихтилъҳа? Лӣгикынӷисигӯ наңлъыхтаҳтуляңа Кияӷныӷым? Аӷью̄ӷаҳсигалъкаңатын таўаниңинақ қаюҳлъяк нуқытутақыхкаңатын. Сюмыҳпынӣи та̄кут сятңунӷита̄т? Лӣсимакынӷисигӯ Кияӷныӷым наңлъыкақыхкаңатын қаюҳлъяк авутыҳқысқысюкаңатын?

Тама̄кын апалъюқлъюку нанқихтикувык югның анагнӣлъқавигитутын. Нанқихныҳпыки, лъпынун нанқихтақутын аӷью̄ӷьяҳқа̄лютын қаюҳлъяк лъпыклъю лъңистун пӣқылӷӣтын.

Танӣлъңунаки Кияӷныӷым нанқихлъықӣ қамахтыңъўа̄ӷлюки югыт.

Тама̄кут нагатаӷысналӷӣт Лӣлиҳтӯсяминун, Кияӷныӷым налъҳусӣгатӣ ылъқуӷутңалъыӷминун. Иўырңа қа̄ткулъҳӣт Лӣлиҳтӯсяминун налъҳуҳқақӣ ылъқуӷутңалъыӷминун.

Нанқихлъықӣ тамаҳӣта югыт апыӷӣӷутылъҳистун.

Иўырңа иляңи югыт лъңина̄югныӷӯт. Ухпықсюгигата̄т ипапилъық сыӷлыпыста̄тун пиналютың. Ынка̄м Кияӷныӷым сякшитутыҳлъяглюки, аӷью̄ҳлъяхлъықӣ.

Иўырңа лъпык алыҳқуныҳлъюгӯтын, пиныҳлъюгӯтын; тама̄кын апалъюқлъюку авутыҳқысюгигатутын. Ынка̄ңам лъпык катам улимаңўа̄н аӷью̄лъыңылъыҳқан сыӷлыӷатаӷа̄люку Нанқихтилъҳым Аӷныӷани. Таўани Аӷныӷми Кияӷныӷым алӣҳлъықа̄к сякша̄лъынилъю, ылъқуӷутңалӷӣлъю нанқихтилъыни.