Popularni biblijski stihovi od 1е Коринфянам 15

Podijeli

Ынка̄ңам, пиниқыхкамни ухпықа̄лгутымни, кая̄лъқӣлъыҳқаҳпут ипапыстаӷутаңаның, ухпылъыси аӷулӣтыслъюки, нӯхаҳтафқа̄фси, қӯнпың қыпҳаҳтыху Атанӷым қыпҳақа̄. Лӣсимакаҳси Атаныҳқун қыпҳалъыҳси аваңинъыӷитуқ.

Ынка̄ңам игамсиқаюгвикақаҳпут Кияӷнық қаюҳлъяк кая̄лъқӣстыкақӣлъю Атанымтыхун Иисус Христосыкун.

Китумун алңунак пӯҳтыстыхпынаси илякумта̄ңумакуфси сыӷлытун пикаюгмың, атуқсягулъықаҳси сяңўа̄ пӣқыхкаңат.

Иўырңа Кияӷныӷым наңлъыхталъҳакун апостолыңӯңа. Наңлъыхталъҳа хўаңамнун аваңинъыӷитуқ. Қыпҳаӷатаӷаҳтуңа тамаҳӣтның апостолыт, иўырңа хўаңамның пиңунӷитақа, Кияӷныӷым наңлъыхталъҳакун пӣқуңа.

«Туқу, кая̄лъқӣлъҳын на̄гу? Туқу, аҳтуӷьяҳқа̄нӷилъҳын ақниҳқӯсин хўаңкунъун на̄гу?» Туқулъҳым аҳтуӷьяҳқа̄нӷилъыни алъхыҳтақа̄ сыӷлыҳқылъыӷмың ақниҳналюта, ынка̄м сыӷлыҳқылъҳым Лӣлиҳтӯсят аҳтуӷьяҳқа̄нӷилъқӣ.

Уңипа̄таҳлъямси қайвиҳсимаңилңуӷмың: қамахлъюта туқуна̄нӷитукут, иўырңа қамахлъюта алъяңуҳсяҳқа̄гукут, сюкатыпихлъюта қунқалъылъҳыстун киңулиҳпигақ қалӷиҳтақ нагақуқумтыху. Таўани қалӷиҳталъыӷми ухпықат қамахлъютың туқуляӷа̄ткат уңуваҳтӯсяҳқа̄гут нутаӷамың югусилиӷлютың туқуяҳқа̄нӷилңуӷмың. Та̄хкын хўаңкуталъю паниның уңувалӷӣни нутаӷамың югусиңаӷаҳта̄лъықукут.

Туқулъық алъхықа̄гуқ ата̄сикун юхкун, Адамыкун. Таўатыҳпигақ уңуваҳтыстылъық туқулъыӷмың алъхықа̄гуқ иляңакун юхкун, Христосыкун. Адамыкун қамахлъюни туқуяҳқа̄гуқ, иўырңа қамахлъютың Христосымылңӯт уңуваҳтысяҳқа̄гут туқулъыӷмың.

Югусипут пагулямың улима̄ӷыт алъяңуҳсяҳқапыста̄ӷӯт на̄фқысяҳқа̄нӷилңуӷмың. Укут югусипут туқукаюгыт симиӷьяҳқа̄гут югусимың туқуяҳқа̄нӷилңуӷмың.

Христос умӣлгуяҳқа̄гуқ кынляңа кая̄лъқылъыӷминун қамахтыңъўа̄ӷлюки аҳтуӷьяҳқа̄нӷилъҳыт қа̄ткусюгигалңӯт Кияӷныӷмун, туӷныӷа̄тлъю иглыӷутистыт, югытлъю иглыӷутистыт илялъюки. Христос умӣлгуяҳқа̄гуқ кынляңа Кияӷныӷым кая̄лъқылъҳанун қамахтыңъўа̄ӷлюки Христосым аңуяги. Киңулиҳпигақ аңуяк туқулъҳӯқ Кияӷныӷым кая̄лъқысяҳқа̄. Христосым тӯныхкагу Атаныҳпагулъық Кияӷныӷмун Атамун та̄хкын кынля ка̄лъықуқ. Игақңа̄қ Акузитни Игақыхкани: «Кияӷныӷым сяңўа̄ тамаҳа̄н итыга̄н асиңанун лъӣҳтысяҳқақа̄». Хўатын писӣгуқ, Кияӷныӷым сямун тамаҳа̄нун қа̄ткыстысяҳқақа̄ Христос. Иўырңа Кияӷныӷым қа̄ткусяҳқа̄ҳтыстыкумигу сяңўа̄ тамаҳа̄н Христосымун, қа̄ткусяҳқа̄ҳсяҳқа̄нӷитуқ, лъңаның катам. Таўатын пикан, та̄хкын Иӷнық лъңаның катам асилӣҳсяҳқа̄гуқ Кияӷныӷмың. Ынңа̄талъ Кияӷныӷым сяңўа̄ тамаҳа̄н иглыӷулъықа̄.