Popularni biblijski stihovi od IWUKA 10

Podijeli

Mndumii-Ruwa kawia Mose, “Ida na ko Farao; kyamba inyi njechiumiṟa mrimafo foke, kundu njiidime iloṟa shichano shako kiidi kyawo; Na iyo noidime ihamba madunyi ha mana opfo, na madunyi ha mchuku opfo, nyi mbonyi njiki njilewutia Misri na shichano shako njileloṟa kiidi kyawo; wawuteho imanya ke inyi nyi Mndumii-Ruwa.”

Mndumii-Ruwa kawia Mose, “Hoṟoya owoko lopfo ruwehu, kuwade meema orukenyi lo Misri, wandu wawade wade meemenyi.” Kyasia Mose kahoṟuo owoko loke woambuya huye ruwehu; kukawada meema fuputikanyi puti orukenyi lose lo Misri ko mkonu iṟaṟu, mndu na odoye walaidime iwonana, manya mndu nalaidime ikure o handu awei ko mkonu iṟaṟu; kyaindi wana wa Waisraeli wose wawewode ngeela orio handu wawei hose.

Kyasia Mose kahoṟuo ndichi iya yake huya oruka lo Misri, na Mndumii-Ruwa kaende otanu kuwuka ora lo ngamenyi huya oruka, mkonu puti, na kio taṟaṟaa; koikitambaṟuka otanu lulya lo ora lo ngamenyi lukaende nzihe. Na nzihe tso tsikarunduka huya oruka lose lo Misri, tsikalaa orukenyi lose lo Misri, tsiwenjiwawo iki kiwicho-wicho; kulalemekaepfo nzihe cha itso kiheri kyo kyose, manya numa ya itso kochiwoneka tsingi cha itsopfo.