Popularni biblijski stihovi od Pwärätä 6

Podijeli

Iwe, üa nenengeni o üa küna eman oris mi sawepwech, nge ewe mi mot won a iteni mäla o ewe lenien sotup a tapw me mürin. A wor ar nemenem won eu lerüanün chon fanüfan ar repwe niirela ren maun, mailengita, samau me manmwacho.

Iwe, üa nenengeni o üa küna eman oris mi pwechepwech, nge ewe mi mot won a amwöchü efoch likapich, a pwal angei epa mwärämwär. Iwe, a feila, a pwora o win.

Mürin ewe Lam a ülei ewe alimuen pwau. Iwe, üa küna fän ewe rongen asor ngünün chokewe mi ninnila pokiten ar arongafeili än Kot kapas o eäni allükülük lon ar pwärätä itan.

Ra kökkö fän mwelier mi leüömong, “Äm Samol mi Unusen Manaman, ka pin o let. Ifa langatamen fansoun tori om kopwe apwüngü ekewe aramas won fanüfan o kopwe ngeniir chappen ar nikeemila?” Mürin Kot a ngeni eman me eman leir echö üf mi pwechepwech o a üreniir, pwe repwe mwo asösö ekis chök fansoun mochomoch, tori epwe unus iteiten chiechier kewe chon angang me pwiir kewe repwe ninnila usun chök ir.

Iwe, pwal eman oris mi parapar a towu, nge ewe mi mot won a mwümwü ngeni an epwe aworato maun won fanüfan, pwe aramas repwe nifengeniir. A angei efoch ketilas mi langatam.

Pun ewe rän mi lap a war, ewe ränin ar song, nge iö epwe tongeni ü ngeni?”

Iwe, üa nenengeni pwe ewe Lam a ülei ewe awonuen pwau. A fis eu chechechin fanü mi fokun lapalap. Akkar a fokun rochola usun chök mangaku mi chol seni tuk, nge ewe maram a fokun parala usun chök paren cha. Iwe, ekewe fü ra turutiu won fanüfan usun chök föün ewe irä fiik resamwo nup ra turutiu, lupwen eu asepwäl mi pöchökül a amworeretiu.

Mürin ewe Lam a ülei ewe aülüngatin pwau, iwe, üa rongorong ewe aülümanün mönümanau a apasa, “Etto!” Iwe, üa nenengeni o üa küna eman oris mi chochol, nge ewe mi mot won a amwöchü eu kilo lon pöün. Iwe, üa rongorong och mi wewe ngeni eu möngüngü mi feito seni lein ekewe föman mönümanau a apasa, “Liwinin ruu paun pilawa mi amas seni föün wiich iei ükükün peiofen eman chon angang lon eu rän, pwal liwinin wonu paun pilawa mi amas seni föün parli iei ükükün peiofen eman chon angang lon eu rän. Nge kosap afeiengaua ekewe irä olif me ekewe irän wain!”

Läng a numufengen usun chök echö toropwe a numufengen o morola, nge ekewe chuk meinisin me ekewe fanüen leset ra mwöküt seni lenier. Mürin ekewe kingen fanüfan, ekewe sounemenem me meilapen sounfiu, ekewe chon pisekisek me ekewe mi wor maner, pwal ekewe aramas meinisin, ekewe amanau me ekewe mi ngas ra aopeer lon ekewe föüimw pwal fän säpereperen ekewe achau won ekewe chuk.