Popularni biblijski stihovi od Filipi 1

Podijeli

Üa fokun lükü, pwe Kot ewe mi popuetä lomi ei angang mi mürina epwe pwal sopwela tori an epwe wesöchüela lon ewe Ränin än Kraist Jesus epwe liwinsefälito.

Ngang üa iotek pwe ämi chen epwe fokun lalapala lefilemi, oupwe pwal silei mine a let o weweöchiti mettoch meinisin, pwe oupwe tongeni filätä mine a fokun mürina. Mürin oupwe limöch, esap pwal wor och mine oupwe mwäl won lon ewe Ränin än Kraist epwe liwinsefäl.

Pun me rei Kraist ai manau, nge mäla ai feiöch.

Ngang üa kilisou ngeni ai Kot fansoun meinisin lupwen ai chechemenikemi.

Iwe, iei ewe mettoch mi aüchea, pwe lapalapen manauemi epwe fich ngeni ewe Pworausen Manau usun Kraist. Mürin ese lifilifil ika ngang üpwe tongeni feila churikemi ika üsap, nge üpwe rongorong pwe oua üppos lon eu chök popun, oua pwal achocho le ütä lon eu chök tip fän iten ämi lükü ewe Pworausen Manau.

Üa fokun ösüküsükü o apilükülükü pwe üsap achanü, pwe üpwe föri wisei, nge fansoun meinisin epwe wor ai tipepwora, fokun lon ei fansoun, pwe üpwe alinga Kraist lon unusen manauei, ese lifilifil ika üpwe manau ika üpwe mäla.

Pun Kot a ngenikemi ewe wis mi aüchea pwe oupwe angang ngeni Kraist, sap chök ren ämi oupwe lükü i, nge pwal ren ämi oupwe riaföü fän itan.