Popularni biblijski stihovi od Josua 6

Podijeli

Nge ewe Samol mi Lapalap a üreni Josua, “Nengeni, üa atolonga Jeriko fän nemeniom fiti an king me nöün kewe sounfiu mi pöchökül o pwora.

Iwe, lon ewe otun, lupwen oupwe rongorong tikin ekewe rappwa pwe ra tikitam, ekewe aramas meinisin repwe leüömong le arükak. Iwe, tittin ewe telinimw epwe turutiu, nge ekewe aramas repwe töfochofocholong lon seni en me awenewenen lenian.

Oupwe karis lükün pwelin ewe telinimw, pwe ekewe sounfiu meinisin repwe pweli ewe telinimw fän eu. Oupwe föri iei usun lon ükükün wonu rän.

Füman souasor repwe uwei fisu rappwa seni mächän ätemwänin sip me mwen ewe pworofel. Nge lon afisuen rän oupwe karis lükün pwelin ewe telinimw fän fisu, nge ekewe souasor repwe ettiki ekewe rappwa.

Iwe, asamalapen ewe telinimw Jeriko ra kapüngüla pwe ekewe aramasen Israel resap tongeni tolong lon. Esap wor eman a tongeni towu ika tolong.

Nge lupwen ekewe souasor ra ettiki ekewe rappwa lon afisuen fansoun ar karis, Josua a üreni ekewe aramas, “Oupwe arükak. Pun ewe Samol mi Lapalap a ngenikemi ewe telinimw.

Iwe, ewe telinimw me mettoch meinisin mi nom lon repwe pin fän iten ewe Samol mi Lapalap pwe repwe katala. Chilon chök Rahap ewe fin lisowu me meinisin mi nom ren lon imwan repwe manau, pun a aopa ekewe chon künö sia tiniir.