Popularni biblijski stihovi od Josua 1

Podijeli

Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”

Kosap ükütiu le apworausa masouen ei puken allük, kopwe ekieki usun lerän me lepwin, pwe kopwe tümwünüöchü om kopwe apwönüetä meinisin mine a mak lon. Mürin kopwe feiöch o fefeitä lon meinisin mine kopwe föri.

Kopwe chök apöchökülok o tipepwora, kopwe pwal tümwünüöchü om kopwe apwönüetä ekewe allük meinisin Moses nei we chon angang a allük ngonuk. Kosap fokun aleasolap ngeniir, pwe kopwe fefeitä lon meinisin mine kopwe föri.

Esap wor eman epwe tongeni ü ngonuk lon ränin manauom meinisin. Usun üa eti Moses, iei usun üpwe pwal etuk. Üsap tümwününgau ngonuk, üsap pwal likituk.

Kopwe apöchökülok o tipepwora. Pun en kopwe afanüa ekei aramas ngeni ewe fanü üa pwon fän akapel ngeni ar kewe lewo pwe üpwe ngeniir.

Ekewe leni meinisin ia oupwe ipwelong ie üa ngenikemi, usun üa fen pwon ngeni Moses.

“Nei chon angang Moses a mäla. Iei mine kopwe ütä iei o feila pekilan ei chanpupu Jortan, ämi me ekei aramas meinisin, pwe oupwe feila lon ewe fanü üpwe ngeni ekewe aramasen Israel.

Iwe, mürin än Moses nöün ewe Samol mi Lapalap chon angang mäla, ewe Samol mi Lapalap a üreni Josua nöün Nun we mwän, ätewe mi angang ngeni Moses

Kiän fanüemi epwe seni ewe fanüapö mi nom ör tori ewe chuk Lepanon mi nom efeng, seni ewe chanpupu watte itan Oifrat mi nom ötiu, unusen ewe fanüen chon Hit tori ewe matau watte mi nom lotou.

Nge iö a ü ngeni om allük o aleasolap ngeni alom, ese lifilifil met ka allük ngeni, ätewe epwe ninnila. Kopwe chök apöchökülok o tipepwora.”

pwe repwe pwerefetal lemenen ewe leni ia ekewe aramas ra nonom ie, o allük ngeniir, “Oupwe amolätä amötümi. Pun mürin ülüngat rän oupwe pwerela pekilan ewe chanpupu Jortan o pwerelong lon ewe fanü ewe Samol mi Lapalap a ngenikemi pwe oupwe fanüeni.”