Popularni biblijski stihovi od Yohana 6

Podijeli

Yëësu akabhahonshora igha, “Öni nö-öni ibhyakorya bheno bhekohaana abhantö öbhöhöru. Ömöntö wowonswe igho ono akuusha ku-öni, na ukunkumya, tariighwa röndë umweko hë. Ghwiki tariighwa inyonta kora hake hë.

Umwika uwa Waryobha we akohaana abhantö öbhöhöru. Esemoko iya ömöntö, teena obhotoro bhwobhwonswe bhoora hë. Amangʼana ghano mbatëëbhëri, na-agha Umwika uwa Waryobha, kora ngaana öbhöhöru ubhwa amakora ghonswe igho.

Motakaakoranga emeremo ko okoghera iya ukunyoora ibhyakorya bheno bhekosareka, kasi mokorenga emeremo ko okoghera iya ibhyakorya bheno bhëköghëndërrya okobha-ho kora nkohaana bhërë abhantö öbhöhöru ubhwa amakora ghonswe igho. Ibhyakorya bhiyö, mbyo öni Omoona uwa Ömöntö nkohaana abhantö, ko bhoora Taata Waryobha yaangʼaana obhotoro ubhwa okokora ghayö.”

Keno Taata akutuna ni-igha, kera ömöntö ono akomanya igha öni m-moona uwa Taata Waryobha ndë, na ukunkumya, ni-igha abhe na öbhöhöru ubhwa amakora ghonswe igho. Uyö öni nindimuryökya urusikö urwa umuhiko.”

Yëësu akabhahonshora igha, “Amangʼana ghano Waryobha akutuna mokore n-gaano hano, munkumi öni, ono naatomwa nawe.”

Abhantö bhonswe igho bhano Taata akongʼaana, mbaraashe ku-öni. Umukumya ono akuusha ku-öni, tinkumwanga hë.

Simööni Peetero akamohonshora igha, “Omonene, nkö-öwë toraabhate? Uwe noona amangʼana ghano ghakotohaana öbhöhöru ubhwa amakora ghonswe igho.

Öni nö-öni ibhyakorya ibhya öbhöhöru bheno bhyaarwa mu-ryobha. Ömöntö ono araaraaghere ibhyakorya bhiyö, nkobha arë na öbhöhöru ubhwa amakora ghonswe igho. Ibhyakorya bheno ndaahaane abhantö bhonswe igho ko okoghera iya öbhöhöru, nö-möbhërë ughwane.”

Taaho ömöntö ono akotora ukuusha ku-öni, hano atatangatirwë na Taata Waryobha ono yaantoma. Na ömöntö uyö, we ndiryökya urusikö urwa umuhiko.

Ko bhoora ibhyakorya ibhya Waryobha m-beno bhikurwa mu-ryobha, na ibhyakorya bhiyö, nö-öni ono nkohaana öbhöhöru abhantö bhonswe igho abha ko-kebhara.”

Öni nö-öni ibhyakorya bheno bhekohaana abhantö öbhöhöru.

Mbe Yëësu akaghegha emekaate ghiyö, akakumya Waryobha, akatwenera abhantö bhano bhaarenga bhaikaayë. Akakora ighoigho na sinswë syonswe, kera ömöntö akanyoora ko okorengʼaana na bhono yaatunanga. Hano abhantö bhonswe igho bhaaighötirë, Yëësu akatëëbhya abheegha abhaaye igha, “Mokomani ebhesansa bhyonswe igho ibhya ibhyakorya bheno bhetamirë, okore bhetakaasareka.”

Hano abheegha abha Yëësu bhaarenga bhahikirë obhotambë ubhwa sikiromiita isaano handë isansabha igho, bhakamaaha Yëësu araghenda ko-manshë kighörö, haangʼë na ubhwato, bhakoobhoha. Yëësu akabhatëëbhya igha, “Motakoobhoha nö-öni!”