Popularni biblijski stihovi od Blasi Sturka 2

Podijeli

Baku bamna mairin ba dukiara waitna ba ai aisika bara ai yaptika sin swibia, bara ai mairka ra asla prawbia, bara witin nani wal ai tânka brih, wal ai wîna kumi takbia.

Ningkara Dawan Gâd win: “Yamni apia sa upla ba yakan kabia. Bamna upla kum paski yabamna witin wal baku, ai hilpka pana pana dauki kaia ba dukiara.”

Bamna Dawan Gâd bui upla ba tasba yuya pali wina paskan, bara raya kaia payaska ba kakma unta nani ra puhbi dingkan. Baku sika upla ba ai rayaka mahka brin.

bamna waitna ba mairin ra kaikan ba ra, naku win: “¡Naha lika yang wînki wina wînka sa bara dusi nani wina dusa! Bamna witin ai nina ba, ‘mairin’ mâkan kabia, kan witinka ba waitna wina brih paskan sa.”

Bara Gâd bui witin yu 7 wark daukan yua ba holikira kulkata, kan baha yua ba witin ris brin ai warkka aiska paskan ba wina.

Waitna bara mairin ba witin nani wâlsut susu kan, sakuna baku ba dukiara wal ai swira lukras kata.