Popularni biblijski stihovi od PILIPI 3

Podijeli

Langatàka-ma angu dedi, mbàda ngala-manggu-nyaka nu na pa-wuangu, nda wànggu-a. Na nyuna hangia-na na pawunda-nggu, nu ba nda kunandi-anyapa na pambàda taluru-nggu dàngu hi ku-paringgitungu la patàka-nya na pa-hanggangu. Tuna nuduka hi ku-talanjiru pangalangu hanggangu la ngia patàka la pangala-nya na talu, nu na luri la awangu; nuna-duyaka na papaau wànanda i Ala lai Karitu Yehu.

Hau jua-ma-ana na parinju-nggu, jiaya ka kutanda-ya i Karitu wàngguma-a, dàngu ka kuera-nya na mbiha mendi na ma-paluri beliya Nyuna welingu la meti. Ku-rinjungu pa-mayila dànya Nyuna dàngu la pameti hama tuna Nyuna. Dàngu monu-manggunya ba pa-pahada belingu-ka napa welingu la meti.

Nda didi biaha nuda; jiapa mbuu ndàba-naka ngara mbutana, pamburi wànguma-aha wàngguka. Na mangunggu ba wànggu duku nàhu narihi pa-wilingu-pa: nu ba kutanda-ya i Karitu Yehu na Miringgu. Lumuna i Karitu-maka hi kiri jàma-nggunja mbuu ndàbada ngara mbutada. Kalàmba hàlaya wànggu-maka nàhu ka peku ngala-nggunya i Karitu

Na nyuna lumuna i Karitu, mbuu ndàbada da pautu wàngu ba wànggu làti àmangu, pamburi wànguha wàngguka nàhu.