Popularni biblijski stihovi od KOLOHI 3

Podijeli

Màta nyimi kai kawàra pa-norungu dàngga angumi, kai kawàra pa-jàmangu jàka ninya na matuu kiringu la anguna. Dàngu hàmu eti-mana duna i Miri ba najàma-nggai nyimi, jia-duya màtawa nyimimbu kai pa-jàmangu dàngga angumi.

Pahangga-nya na kanandingu-mu la maninja lai nu, màtanja da maninja la pinu tana.

Nggàra paràma biaya na pa-pahangga-danggai, màtawa kai ràma weli etingu, beri hama tuna i Miri na palumu-mi, nda mbulungu na tau bia.

Angu dedi, nyimi banjaru-na i Alakai. I Ala nambuha-nggai nyimi dàngu napindi-makai-ka nyimi hi mangu paleha-nanggai. Nuya na pakiri-na hi lupangu-ma bàdi mi-paloha-nya na mila etimi, na hàmu etimi, na karàda etimi, na malijangu etimi, dàngu na torungu-mi la mayila.

Màtawa da paaja - paajaru-na i Karitu da mambinu wàngu kanyuru ka na-tanjiku daa la etimi. Màtawa kai kawàra pa-ajaru dàngu kai kawàra panaungu wàngu manggàna-mi. Wundawa ludu pa-malangungu dàngu ludu wotungu hamanai da wili - wiliku pa-ngahu, wundawa ludu ndumana i Ala ba dàngu pamalangungu-mi daa la etimi. Nggàra biaya na papaloku-mi nyimi jàka ndia na papanii-mi, màtawa kai paloku dàngu kai panii la tamuna i Miri Yehu. Pa-malangungu-wa lai Ala Ama, rukuna na paràma-na i Yehu ndumami nyimi.

Tàka na marihi mbàtingu, jiaya: màtawa nyimi kai kawàra pa-mbuhangu, nadu na mbuhangu ba jiaya na ma-ohuru papohu-nggai nyimi mbuu ndàbami angu dedi hi lupa mi-malundungu.

Nyimi mbàda pa-paluri kariangu-kaika dàngu i Karitu. Jia-duya màtawa kai pamukarungu pangala-nja da maninja la awangu, la pangia-na i Karitu ba na-pareta dànya i Ala.

Màtawa da pabota - pabotami ka nauli-nya paraïna peku welingu lai Karitu na maninya la etimi. Nadu ba i Ala na mapaau-nggai nyimi pa-paangungu hi hama hatau-ami, ka peku lurimi la mànjaku na ma-pawelingu lai Karitu. Màtawa nyimi kai pa-malangungu.

Jiaya nu, pameti-hawa da itirungu pinu tana, na ma-titiru-ya na wikimu la pa-njuraku, la pa-iraku, la pa-itirungu, la pa-matarungu ma-akatu, dàngu la pa-malumbangu (nadu na malumbangu hama-mana na ma-lumungu maràpu).

Nadu nyimi ba mbàda meti-mika, tàka na lurimi na-kawini karia-nya i Karitu daa lai Ala.

Tàka nàhu màtawa kai wàrunja da ma-akatu hangia - hangia welingu la wikimi: àmbi mbeni-dupa, àmbi hawuwatu-dupa, àmbi karaü-nya eti na tau hawiangu. Na kareuku tolangu dàngu na tola pa-irakungu àmbu jia luhu duna welingu la ngarumi.

Àmbi maràngga panyonga dàngga angumi. Nadu na luri memangu-mi dàngu na hu - huri-naka ba mbàda pahàla-dimi-nyaka. Nyimi nàhu pa-wuangu-kaika luri bidi. Nyimi tau bidi-kaika, na pa-pabidi panga - ngalangu paraïna mawulu-kai nu i Ala, tundunya na hadana Nyuna. Na pawuku-na màta nyimi kai tanda hàmuya i Ala.

Angu dedi mini lei! Mbuha-njawa da papaha-mi. Àmbi hanggàritu-dunja.

Anakeda! Wai ngera-maminya dimi ba ngaha patau Karitu-kai la pa-manundu la ina amami, nadu ba nunaya na pahàmu eti wàna i Ala.

Angu dedi kawini papaha! Karadaku-wa la mini leimi, ka ba tuna nudu bàdi na hurimi ba ngaha patau Karitu-kai.