Popularni biblijski stihovi od Macce 7

Podijeli

Kiimaat, ɗu hey onse ; waakaat, ɗu hey hote ; laɓɗaat, ɗu hey rangsiɗasse.

Laam ɓo' nu kiim ɗah, a hey onse, ɓo' nu waak ɗah, a hey hote, te ɓo' nu laɓiɗ ɗah, a hey rangsiɗasse.

Weɗ tah ɓoyi na sikɗuke woo kiŋ ngo wii, a pesohee wa, a mandan na ƴaar ñaañiɗ yi taɓah kahan ce ŋ ɗafuk atoh

Kon, in ci ɗu waaɗ ne ɓooɓi haɓɗiɗ ɗu ca jen, tumɗaat ɓa ca. Ineem weɗ waasiŋ Musaa nakoh na woosuuɗ ci.

Waaye yahndeeri na ɓayohe ŋ kipes ki, wa ɓengiɗ, waasiŋ wa sewwa te ɓi hota laayɗi.

Aasohaat yahndeeri ɓengiɗi laam yahndeeri angiɗi na ɓayohe ŋ boom te waasiŋ wa yooɓpa ; laayiɗ na aasohe nga.

Nik ne ɗu ɓi baahaaɗiici, e ɗu min on kuɓuuciŋ ɗu in baahiɗ ɗah, ŋ woyisɗi ɗa Baabiŋ ɗu yi ŋ Eel ci, a onanɗi in baahiɗ ɓi na kiimee ɗe wa e ?

Kinaat markoh ɓo' in, mbaa ɗu heyɗi markohse in. Laam findi ɗu na atte'ohe, Kooh atte'ohan ɗu ɗaa te ɓeesohaani ɗu na ɓeesɗohohe, weɗ ɗu ɓeesɗohsan.

Waaye ɓoyi na sikɗuke woo kiŋ ngo te a pesohuu wa, a mandan na ƴaar naandiɗ yi taɓah kahan ce ŋ ɗafuk beeñ

Wa ye tah fu markee ɓoli ŋ hasiŋ morom fu, te wa ndooɗ yakak nik ŋ hasiŋ ɗa ? Wala fu min na woyoh morom fu ne : “ Faɗa ŋ nihsiɗ ɗa ɓoli ŋ hasiŋ ɗa ”, te ndooɗi yakki weɗɗi ŋ hasiŋ ɗa ?

Wortukaat ɓooɓi na tume haf ɓa woosuuɗ, ŋ ɗooƴiŋ ɓa, ɓa ɓaakoɓ saahiɗ. Waaye ɓa haye nga ɗu ɗah, ɓa na haye soosiɗ findi mbaal. Ɗu na hee ɓa inhisohe in ci pesohaaɗ ciŋ ɓa na rime. Reseñ miniɗ ɓeenohu ŋ ñaaɓaaɓ e ? Wala ndun miniɗ ɓeenohu ŋ ñalkook ?

Kidig nu baah ɗah, wa na raake rim baahiɗ. Waaye kidig nu baahɗi ɗah, na raake rim baahaaɗi.

Kidig baahiɗ minɗi raak rim baahaaɗi te kidig baahaaɗi minɗi raak rim baahiɗ.

Kidig nu raakɗi rim baahiɗ ɗah, wa na ƴoɓse ƴoɓu, wa njafu ŋ yongkaah.