Popularni biblijski stihovi od LUKA 6

Podijeli

Tuku atu fua a mea a koutou ki nisi tino, ka ko te Atua ka tuku atu ne ia a mea ki a koutou; ka maua ne koutou se fua katoatoa, se manuia lasi, ka 'ligi atu ki otou lima a mea katoa e mafai ne koutou o puke. Ko te fua e fakaaoga ne koutou ki nisi tino, ko te fua foki eiloa tena ka fakaaoga ne te Atua ki a koutou.”

A te tagata 'lei, e fakaasi mai ne ia a mea 'lei mai i te fakaputuga o mea 'lei kola e tausi i tena loto; ka ko te tino masei, e fakaasi mai ne ia mea ma'sei mai fakaputuga o mea ma'sei i tena loto, a te gutu o te tino e faipati mai i ei a mea kola e fonu i tena loto.”

Ikai! Alofa ki otou fili, kae fai faka'lei ki a latou; avatu tupe ke kaitalafu kae sa fakamoemoe ke toe fakafoki mai. Ka maua ne koutou se taui lasi, kae kafai koutou mo fanau a te Atua Tafasili i te Maluga, i te mea i a ia e alofa ki tino kola e galo i a latou te loto fakafetai, pela foki mo tino ma'sei.

Ke a'lofa atu koutou, e pela eiloa mo te otou Tamana e alofa.”

“Sa fakamasino ki nisi tino, ko se fakamasino ei koutou ne te Atua; sa fakamasei ki nisi tino, ko se fakamasei ei koutou ne te Atua; fakamagalo atu ki nisi tino, ko fakamagalo ei koutou ne te Atua.

“Kae fai atu au ki a koutou kola e fakalogo mai ki a au. Alofa ki otou fili, fai faka'lei ki tino kola e takalia'lia ki a koutou, fakamanuia atu ki tino kola e fetu ki a koutou, kae 'talo foki mo tino kola e fai mea se 'lei mo koutou.

Pela mo te mea e ma'nako koutou ke fai atu ne nisi tino ki a koutou, ke fai foki eiloa ne koutou pena ki a latou.

Kafai se tino e 'pa ne ia tou kalafau e tasi, toetuku atu te isi kalafau ke 'pa ne ia; kafai se tino e ave ne ia tou peleue, tuku atu foki mo ia se tilima. Tuku ki tino katoa kola e akai atu ki a koe ki ne mea, kae kafai e ave ne se tino sau mea, sa toe fai ki ei ke fakafoki mai.

“A te lakau ola 'lei e se fua mai ne ia ne fuataga ma'sei, pela foki te lakau ola masei, e se fua mai ne ia ne fuataga 'lei.

A lakau katoa e iloa i olotou fuataga; e se mafai ne koutou o tau mai ne fuataga o mati mai lakau makai'kai, e se mafai foki ne koutou o tau mai ne kaufui vine i se lakau talatala.