Popularni biblijski stihovi od Крар 1

Podijeli

Квек Пак Руьгь акатна, куьн адан къуватдив ацӀай чӀавуз гьам Ярусалимда, гьам Ягьудатда, гьам Самариятда, гьамни дуьньядин вири пипӀера куьн зи шагьидар жеда.

– Бубади Вичин гьукумдалди тайинарнавай кӀвалахар кьиле фидай чӀаварни муьгьлетар чир хьун квез герек туш, – лагьана Ада.

Садра, илчийрихъ галаз фу недайла, Исади абуруз ихьтин эмир гана: – Ярусалимдай хъфимир, амма Бубади квез хиве кьур савкьватдал вил алаз акъваз. А савкьватдикай квез зи сивяй ван хьанай. Ягьяди инсанрив цик акахьун къачуз тунай, квев, лагьайтӀа, са кьадар йикъарилай Аллагьди Пак Руьгьдик акахьун къачуз тада.

Вичи хашунал азабар чӀугурдалай кьулухъ, Иса яхцӀур йикъан къене а илчийрин патав къвез хьанай. Ада Вичел гьакъикъатда чан алайди субутардай гьар жуьредин делилар гъиз хьанай, Ада абуруз Аллагьдин Пачагьлугъ вуч ятӀа лугьудай.

ИкӀ лугьун кумаз, Ам абуруз акваз-акваз цавуз хкаж хьана ва цифедин гапӀалдик акатна. Ам абурун вилерикай хкатна.

Цавуз килигиз амай абурун патав садлагьана лацу пекер алай кьве кас пайда хьана. – Галилейвияр, – лагьана абуру, – куьн цавуз килигиз акъвазнава хьи? Квез и Иса куь патавай цаварал хкаж жез акур хьиз, Ам гьакӀ хквенни ийида.