Popularni biblijski stihovi od MARCOS 9

Podijeli

Jesusaki nïźkiś khichićha: –Am kiriyasaź nïki, xalla ni kirïñinakaki thapaź atasaćha.

Neqhśtan ni uśh ephki qhawchićha: –Amkiś kiriyućha. ¡Tshanti Yöśkin quśśiś khiśxapa yanapt'iźkalla!

Neqhśtan Jesusaki nïź thaxintanakźtan qhuya luśhśićha, nïź thaxintanakaki Jesusiźkiś śinapora pewkśićha: –¿Qhaźtikiśtan werhnakki ni yenqha ana chhetqati atchintaxo? Jesusaki ninakźkiś khichićha: –Xalla tiźta anaśum yenqhanakaki anaź ćhhulźtanami ulnasaćha, Yöśkin mayiśiźku, niźaśa ayunaśkupan chhetqatasaćha.

Niźaśa yakuki añcha walićha; ni yakuź laq'ansnasaź nïki, ¿xaqhnuź wilta wakiśqatasaxo? Yawkchiśpan anćhuk khekićha, porapat śumaź qamakićha.”

–Xaqhsilta źoñit weth thükiś tanźaxa tshi uśha, ti uśhaźtaqaś, ni oraki werhź tanźa, xalla ni werh tanśñiki, anaź werh alaxa tanźa, nïki werh kuchanźkiñiśaqaś tanźa.

Xaqhsilta meqaś anćhukakiś weth thükiś tshi tasa qhaślla onanćhaxa, niźaśa anćhuk werh kirïchiź khen, cheqpachal chiyućha ni onanñiki ni onanś tanźnakićha.

“Niźaśa ti wethkiś kirïchi qoltallanaka, xaqhsilta źoñit tshi tinakźkiśtan ujkiś thxotsqataćhaxa, xalla ninakaki xorkiś paqh thax moqźinźku qotkiś xaquntiś wakiśićha.

Niźaśa am źhukit ujkiś thxotsqatćhaxa nïki lekźna, niźaśa śinta źhukillchiś ni Yöś irpiś wathkiś luśhki waliź khesaćha, niźaśa piśk źhukchiś ni t'aqhiśiś sumchi laqhkin luśhki ana waliź khesaćha