Popularni biblijski stihovi od MARCOS 13

Podijeli

Niźaśa weriź khen thappacha ti yoqkiś źoñinakaki anćhuk ćhhaxwakićha; neqhśtan ni tukuśinskama wethkiś thurt'iñiki, liwrïtaź khekićha.

“Niźaśa anćhukki kuytaśakićha niźaśa naynayiź źelakićha, Yöśkin mayiśikan, niźaśa anćhukki ćhhul orat ni thuñi thonaćhaxa anaź śiśśa.

Niźaśa anćhukki, jilirinakźkin thätaź khen anaź llakiśakićha ćhhulu chïś khenami, niźaśa anaź pinsakićha. Niźaśa anćhukki ni oraki Yöś thaxźtakama chiyakićha; niźaśa anaź anćhukki chïćha, ans Espíritu Santuź chïćha.

Ni tsewkta pachami niźaśa ti yoqami watakićha, xalla ni weriź chïta taquśti anaź watasaćha.

“Xalla ni thonś thuñiki, niźaśa ni orami anaź jëkhmi śiśśa, ni tsewkta yoqkin źelhñi anjilanakami anaź śiśśa, niźaśa ana ni Yöś Matimi. Ans ni Yöś Eph alaxaqaź śiśśa.

“Anćhukki teqhśimi nakhumi kir kintuź śiśakićha, niźaśa anćhukki anaź tsukakićha nuźupan watśtanćha, niźaśa imaśićha ti tukuśinski.

Neqhśtan anćhukki anaź thxaxakićha, ćhhul orat thonaćhaxa ni qhuychiś źoñi ana śiśśa, śeślaqat thonaćhax uśh chika aramat thonaćhax, nït uśh wallpa qhawś orat thonaćhax, uśh wentanallat thonaćhaxa; niźaśa ana pinsanź thonasaćha anćhuk thxaxñiź tansnasaćha. Werhki anćhukakiś chiyućha, niźaśa thapa źoñinakźkiśmi chiyućha: ¡Ana thxaxakićha!”

Nación poraź qichasakićha, reyno poraź qichasakićha; thapa qhutñi yoqaki cheqhnakićha niźaśa phomsnakićha, mach'aź watakićha, źoñi poraź aphthapsnakićha. Tinakaćha t'aqhiśi qallantiśki.

Niźaśa ima tukuśiñiź irantiźkan, ti liwriñi Yöś śuma kintuki maś maśtanćha thapa nacionanakźqhutñi.

Niźaśa wakchi źoñinakaki weth thükiś thonakićha tuź khikan: ‘Werhtćha Criśtutki’, neqhśtan wakchi źoñinaka millk'untakićha.

“Niźaśa anćhukpachaź kuytaśakićha; niźaśa ni źoñinakźkiśtanpachaź ni jilirinakźkiś thäkićha niźaśa anćhukki ni akhs qhuyaran xwattaź khekićha. Neqhśtan tukkin chhichakićha ni jilirinakź tukkiś, niźaśa reynakź tukkiś weriź khen; neqhśtan wethkiśtan chiyakićha ninakźkiś.

Niźaśa q'otñi źoñinakaź thonakićha, werhki Criśtutćha khikan, niźaśa toskara Yöśkiśtan chïñi źoñiź thonakićha, niźaśa chimpunakaź päkićha, niźaśa źoñi q'otśxapa milajrunakaź päkićha, niźaśa Yöś illśtanakami q'ottaź khekićha.

“Niźaśa ni thuñiran ni t'aqhiś pacha wathtan, ti thuñiki sumakićha, niźaśa ni jïśmi anaź iya qhanakićha, niźaśa ni wara waranakami pachkiśtanź thxotskakićha, niźaśa ni pachkin aśśiś źelhñinakami cheqhnakićha.