Popularni biblijski stihovi od Маттэ 26

Podijeli

– Шъумычъыеу шъусакъ, псэкӀодшӀэным шъудимыхьыхынэуи Тхьэм шъуелъэӀу. Гур фай, ау пкъым ылъэкӀырэп.

Джащыгъум ахэмэ ариӀуагъ: – СилӀыкӀыным нэсэу инэу сыгу хэкӀы. Шъумычъыеу шъусакъэу гъусэ шъукъысфэхъу.

ЕтӀанэ тӀэкӀу ӀукӀоти, чӀыгум бгъэгукӀэ зыридзыхи, Тхьэм елъэӀузэ, къыӀуагъ: – Ся Т, амал иӀэмэ, мы къин щэчыным ишъуалъэ сӀых. Ау сэ сызыфаер мыхъоу, о узыфаер орэхъу.

Мы сэнэпсыр сэ слъэу Тхьэм ежьыррэ ицӀыфхэмрэ азыфагу дилъхьэгъэ зэзэгъыныгъэр къэзгъэшъыпкъэжьырэр ары. ЦӀыфыбэхэм ишӀуагъэ якӀынэу, лъэу сэ къыскӀэкӀыщтыр ары, япсэкӀодхэр афэгъунхэм пае.

Ахэр шхэхэ зэхъум, Исус хьалыгъур къыштагъ, Тхьэм щытхъу фишӀи, зэгуичи, игъогу рыкӀохэрэм арити, къыӀуагъ: – Ма, шъуштэ, шъушхы, мы хьалыгъур сэ спкъы ары.

ЕтӀани шъуалъэр къышти, Тхьэм щытхъу фишӀи, арити, къыӀуагъ: – Шъо зэкӀэми мыщ итым щыщ шъуешъу.

Ащ ыужым Исус игъогу рыкӀорэ нэбгырищымэ адэжь къыгъэзэжьи, чъыехэу къарихьылӀэжьыгъ. – Адэ сыхьат закъо шъусигъусэу шъумычъыеу, шъусакъын шъулъэкӀыгъэп, ара? – ыӀуи, Исус Петрэ риӀуагъ.

ШъосэӀо, джы щегъэжьагъэу сэнэшъхьэпсым сешъожьыщтэп, ся Тэ и Тетыгъошхо сыхэтэу икӀэрыкӀэу сыкъызыжъудешъожьыщт мафэм нэсыфэ.

Джащыгъум Исус къыриӀогъэгъэ гущыӀэхэр Петрэ ыгу къэкӀыжьыгъэх: – Атакъэр Ӏоным ыпэкӀэ, сэ сызыщыщыр умышӀэу гъогогъуищэ къэпӀощт. Ар ыгу къызэкӀыжьым, Петрэ щагум дэкӀи, лъэшэу гъыгъэ.

Шъукъэтэдж! НекӀо, мары ахэмэ сязгъэубытыщтыр къэблэгъагъ!

Джащыгъум Исус ащ риӀуагъ: – О уичатэ сапӀэм илъхьажь, сыда пӀомэ, чатэм еӀэрэ пстэури чатэм екӀодылӀэжьыщт.