Popular Bible Verses from Cɑ̈gø 1

Akööb Jwøk kinni, “Gwøg wɑ dhɑnhø e bɑ ngïjee, e pɑ̈r ki kïddee. O ójyɑ̈ɑ̈ge kì kömi rijji nɑm, kí kömi winyyi mɑl, kí lɑ̈yy geki dhög kí dyëg kì piny bëne, kí gïg-ɑ mulli kì kömi piny.” Kɑ dhɑnhø cwɑ̈j yi Jwøk e bɑ ngïje, pɑ̈r ki kïdi Jwøk keny-ɑ ɑ́cwɑ̈je gøn. Dhɑnhø ɑ́cwɑ̈j yi en ɑ́ jɑlø kí dhɑjø.

Kɑ ge kwëng yi Jwøk kinni, “Nywøl wun, kɑ wu ngënyi wun; pɑ̈ng wun piny, kɑ jɑɑg wun, kɑ rijji nɑm jɑɑg wun, kí winyyi mɑl, kí gïg-ɑ nëënø bënn møg-ɑ mulli kì kömi piny.”

Kì ri cɑ̈gø cøn, Jwøk ɑ́cwɑ̈j-ɑ mɑl kí piny.

O piny ɑ́bëëd e bong ngïje o bɑ ölø, o wɑ̈thi pï bɑ muudhø yøw, o wëyi Jwøk kwöd ɑ́ yømø kì kömi pï.

Akööb Jwøk kinni, “Wiy bëëd e dɑ cɑr.” Kɑ dɑ cɑr.

Kɑ Jwøk gïg-ɑ ɑ́gwøg yi en lidhe bënn, kɑ gï yode ge døøj cɑrø. Kɑ böörø obëënø, kɑ mwøl ólunyø bëënø, bene bïkyeel cyɑ̈ng.

Kɑ lidh yi Jwøk kinni cɑr døøj, ɑdɑ̈ɑ̈nge cɑr geki muudhø.

Kɑ gï köbbe kinni, “Wu ɑ́mëggɑ lùm-ɑ nyi nywøl ki nying bënn, kí yenh-ɑ nyi nywøl bënn, ge ɑ́mëggɑ wun gɑ gïncɑm.

Kɑ cɑr cɑg yi Jwøk ɑ́ “Dicɑ̈ng,” kɑ muudhø cɑge ɑ́ “Wɑ̈r.” Kɑ böörø obëënø kɑ mwøl ólunyø bëënø, bene cyɑ̈ng-ɑ mɑl.

Akööb Jwøk kinni, “Wiy bëëd e dɑ kɑɑm me dɑ̈ɑ̈ng pï gɑ kɑ̈jj ɑ́ryew.”

Kɑ lɑ̈yy geki winyyi mɑl kí gïg-ɑ mulli kì piny bënn møg-ɑ nëënø, mëggɑ lùm-ɑ mɑr bënn gɑ gïncɑɑm gen.” Kɑ løg-ɑ kinøw.

Akööb Jwøk kinni, “Wiy bëëd e dɑ gïg mënyø kì mɑl, o ge dɑ̈ɑ̈ng gen dicɑ̈ng geki wɑ̈r. O ge bëëd gen gɑ ngïjji møg nyi kwɑɑn cyɑ̈ng geki runn kí cyɑ̈nggi kwër.

Akööb Jwøk kinni, “Wiy piny twïye ki lùm kí yenh, o kwï gen nywøl gen kí nying mø bɑ köödh. O köödhi lùm geki yenh bënn, nyi nywøl gen ki nywøl mø bɑ kïddi gen ceth.” Kɑ løg-ɑ kinøw.

Codhe, ɑgwøøg kɑɑmɑni yi Jwøk, kɑ kwï pï cïbe wïj kɑɑmɑni, kɑ møg-ɑ kyeelø cïbe piny.

Piny ɑ́twïy ki lùm mø ri gen di nywøl mø bɑ köödh, kí yenh mø nywøl ki nywøl mø ri gen di köödh. Köödhø nyi twïy ɑ́ kïdi yɑdh, wɑlɑ̀ kïdi lum-ɑ di köödhe. Kɑ lidh yi Jwøk kinni gïgɑni døøj bënn.

Kinøw, ɑgöög Jwøk ki cɑrr mø døngø gɑ ɑ́ryew. Agwøge cɑr-ɑ dwøng o jɑɑge dicɑ̈ng, o cɑr-ɑ thinh jɑɑge wɑ̈r. Kɑ kyell gwøge thyew.

Akööb Jwøk kinni, “Wiy pïg-ɑ thɑ mɑl cøng gen ri gen kej ɑ́kyel, o bëëd e dɑ keny thwøwø me nënni.” Kɑ pï ri gen cøng gen. Kɑ keny-ɑ thwøwø cɑg yi Jwøk ɑ́ “Piny,” kɑ pïg-ɑ ɑ́cøng ri gen kej ɑ́kyel cɑge gɑ “Nɑ̈mmì.” Kɑ lidh yi Jwøk kinni gïgɑni døøj.

Kɑ ge kwëng yi Jwøk kinni, “Nywøl wun kɑ wu ngënyi wun kɑ pï pɑ̈ng wun kì nɑm, kɑ winy ngënyi gen kì kömi piny.”

Akööb Jwøk kinni, “Wiy piny pɑ̈nge yi lɑ̈yy geki dhög kí dyëg, e men nywøl-ɑ kïde. Wiy bëëd e dɑ lɑ̈yy-ɑ døngø, kí lɑ̈yy-ɑ thønhø, kí møg-ɑ mulli; men dɑ kïde.” Kɑ løg-ɑ kinøw.

Akööb Jwøk kinni, “Wiy yethi pï pɑ̈ng gen yi gïg nëënø, kɑ winy pɑ̈rri gen kì yij yømø kì kömi piny.”

Codhe, kɑ lɑ̈yy-ɑ døngø gwøg yi Jwøk geki lɑ̈yy-ɑ thønhø, kí møg-ɑ mulli, men nywøl-ɑ kïde. Kɑ lidh yi Jwøk kinni gïgɑni døøj bënn.