Popularni biblijski stihovi od BAROMA 12

Podijeli

Lo se ka lwa tshwana le lefatshe leno, mme fetogang ka go ntšhwafadiwa maikutlo, gore lo tlhotlhomise se e leng thato ya Modimo e e molemo, e e kgatlhang, e e botlalo.

Jaanong, ba ga etsho, ke a lo kgothatsa, ka re na le kutlwelo-botlhoko ya Modimo, gore lo neele Modimo mebele ya lona go nna setlhabelo se se tshelang, se se boitshepo, se se o kgatlhang; ke yona tirelo-Modimo ya lona e e lebanyeng.

Itumeleng mo tsholofelong; itshokeleng tlalelo; tswelelang mo thapelong.

O se ka wa fenngwa ke bosula, mme fenya bosula ka molemo.

Mo loratong lwa bakaulengwe lo ratane ka pelo yotlhe; gaisanyang ka go tlotlana.

A lorato e nne lo lo sa itimokanyeng; ilang bosula, kgomarelang molemo.

Fa go kgonega ka fa thateng ya lona, agisanyang le batho botlhe.

Baratwi, lo se ka lwa ipusolosetsa, mme sutelang bogale jwa Modimo; gonne go kwadilwe ga twe: “Pusoloso ke ya me, nna ke tla busolosa, go bua Morena.”

Se lapeng mo tlhoafalong, lo tuke mo moweng, lo direle Morena.

Gonne ke raya mongwe le mongwe wa lona ka bopelotlhomogi jo ke bo neilweng ka re: A a se ikaye mogolo go feta tshwanelo ya go ikaya, mme a a akanye go nna tekano ka fa tumelong e Modimo o e lekanyeditseng mongwe le mongwe.

Se busoloseng bosula jwa ga ope ka bosula; gopolang tse di molemo mo bathong botlhe.

Nnang bopelonngwe fela. Se batleng dilo tse dikgolo, mme tsalanang le ba ba kwa tlase. Lo se ikaye botlhale ka losi.

“Jesa mmaba wa gago, fa a tshwerwe ke tlala; mo nose, fa a nyorilwe; gonne ka go dira jalo o tla tlhatlaganya magala a molelo mo tlhogong ya gagwe.”

Tshegofatsang ba ba lo bogisang; tshegofatsang, mme lo se ka lwa hutsa. Itumeleng le ba ba itumelang, lo lele le ba ba lelang.

Abelang baitshepi ba ba tlhokang; itlwaetseng go tshola baeng.

Kana re na le ditokololo tse dintsi mo mmeleng o le mongwe fela, mme ditokololo tsotlhe ga di dire tiro e le nngwe fela, rona re mmele o le mongwe jalo mo go Keresete, le fa re le bantsi, mme rotlhe re direlana re le ditokololo.