1
Proverbios 19:21
El Nuevo Testamento, Salmos y Proverbios
poeNTplus
Nchónhña nkehe tjenka̱yáxin chojni sichꞌe sin, kjánchó jehó Itꞌéni Díos mé tsochronka ti nkehe tso̱hen.
2
Proverbios 19:17
Ti nkexro nchekjen ti chojni nóa la éxi chrókjuinchekjen sin Itꞌéni Díos nkojín nkehe, la jehe chꞌan tsje̱nke̱he chꞌan ti jehe sin kixin ti nkehe jína kjuíchꞌe sin.
3
Proverbios 19:11
Ti nkexro chónta kjuaxrexinkaon jína la tjokahya tónínkaon. Ti chojni chónta kjuasáye la tꞌitjáñehe ti nkehe nduáhya kjuíchꞌe ijnko chojni.
4
Proverbios 19:20
Tihín ti kjuaxrexinkaon jína la titekaoan, ndá chrꞌéxi̱n tso̱noha ti nkehe jína.
5
Proverbios 19:23
Ti tsjikosáyeheni Itꞌéni Díos la tíha tsjajon kjuachón, la kjuaxróxin tsꞌejójuani la í tso̱kohya ninkehó kjuachrakon.
6
Proverbios 19:8
Ti nkexro kꞌuitja kjuaxrexinkaon jína la tjue̱he a̱sén. Ti nkexro jína xráxinkaon ti nkehe kꞌuitja la jína tsjakꞌe.
7
Proverbios 19:18
Tjenduéhe xja̱an ti na̱xa̱ chájan, kjánchó jehya imá chrókónínkakohen hasta chrókꞌóñá xjan.
8
Proverbios 19:9
Ti chojni nduáhya chronka la tsjasóte sin la kaín ti chojni xrico kjuachꞌia la tsꞌitjáña.