Popularni biblijski stihovi od Efesios 3

Ndá ijie chjéheni kjuasáya Díos kixin jehe chꞌan chónta chꞌan kaín kjuachaxin la ko a̱ntsí tsjajon chꞌan ke ti kjuancheheni chꞌan, kjónté na̱xa̱ kjuénka̱yáxinhñani chrókjuajon chꞌan, kixin ó kjuajon chꞌan ti kjuachaxin kuènté chꞌan ichꞌe ixra̱ nkaya a̱séni. Kjuasáye Díos kixin Ìnchéni Cristo Jesús kjuínchekaá ti ni̱nko, mé xi̱kaha ticháxi̱n tsjikosáyeheni chꞌan nkochríxín. Mé xi̱kaha tso̱hen.

Tjáncháha̱ Itꞌéni Díos chónta kaín kjuachaxin kixin ti Ncha̱kuén chꞌan chrókꞌue̱tue̱hen ti a̱sánra kixin a̱ntsí chróchontara ti kjuachaxin kuènté chꞌan. Kixin xi̱kaha Cristo chrókjuákꞌe nkaya a̱sánra kixin tinkachónkira chꞌan landá a̱ntsí chrótjue̱héra kichuara la ko ndoá chrókꞌuejora éxi ijnko inta ni̱nka tsíkji nuèé. Mé xi̱kaha jahara la ko kaín ti sin tinkáchónki Ìnchéni mé chrókiénxinra nkexrín tonxín, kjíji̱nxi̱n, ni̱nkaxín la ko nte̱toxín ti tjue̱he Cristo ti jeheni. Tjáncháha̱ Díos kixin chrókónohara a̱ntsí nkexrín imá tjue̱he Díos ti jeheni, kjónté tsjachahya chojni tsienxín kaín tíhi. Ndá xi̱kaha jína tsochontara kaín ti kjuachaxin tsjajon Díos.

Méxra̱ kjuasáye Cristo kjuajon chꞌan kjuachaxin kixin jína tso̱chjineheni Díos kixin tinkáchónkini chꞌan.