Popularni biblijski stihovi od مزامیر ۵

Podijeli

چونکی تو، اَی خوداوند، خوروم آدمأنَ برکت دیهی و اوشأنَ تی لطفٚ اَمرأ ایتأ سپرٚ مأنستن جٚه هر طرف موحافظت کونی.

خوداوندأ، صُبٚ سر می صدایَ ایشنأوی، خروس خوأنأنٚ وخت می خوأسته‌یأنَ تی حوضور اَورم بأزین تی رافا ایسم.

ولی اوشأنی کی ترَ پناه اَوریدی همه‌تأن شاد بیبید، و تا اَبد شادی اَمرأ آواز بخوأنید. تی سایه جیر اوشأنَ حفظ بوکون تا اوشأنی کی تی نامَ دوس دأریدی، تی وأسی شادی بوکونید.

اَی خوداوند، می دوشمنأنٚ وأسی، مرَ به تی خوروم رأیأن هیدایت بوکون، و تی راستٚ رأهَ مِره هموارَ کون.

اَی تو کی می خودا و می پادشایی، می ایجگره صدایَ گوش بدن، چونکی تی ورجأ دوعا کونم.