Popularni biblijski stihovi od متّی ۲

Podijeli

بأزین بوشوییدی خانه دورون، زأکَ، اونٚ مار مریمٚ اَمرأ بیده‌ییدی، سوجده کودنٚ وأسی زیمینٚ سر بکفتید و او زأکَ پرستش بوکودیدی. بأزین خوشأنٚ صوندوقچه‌یأنَ وأکودیدی و طلا و کُندر و مُرَ پیش‌کشی وأسی اونَ تقدیم بوکودید

عیسی، هیرودیسٚ پادشایی زمان، بیت‌لحمٚ یهودیه میأن بدونیا بمو. بأزین چن‌تأ ستاره‌شنأس، مشرق زیمینٚ جأ بموییدی اورشلیم و وَورسه‌ییدی: «او زأکی کی یهودٚ پادشاهه کویه ایسَه؟ چونکی اونٚ ستاره‌یَ، مشرقٚ جأ بیده‌ییمی و بموییم کی اونَ پرستش بوکونیم.»

وختی اوشأن ستاره‌یَ بیده‌ییدی جٚه خوشحالی آرام و قرار نأشتیدی.

و چونکی خوداوند، اوشأنَ خوابٚ میأنی هوشدار بدَه‌بو کی هیرودیسٚ ورجأ وأنگردید، ایتأ رأیٚ دیگرٚ جأ، خوشأنٚ سرزیمین وأگردستید. وختی کی ستاره‌شنأسأن بوشوییدی، خوداوندٚ فرشته خوابٚ میأن یوسفَ ظاهیرَ بوسته و بوگفته: «ویریز، زأی و اونٚ مارَ اوسأن، فرار بوکون بوشو مصر و هویه بِیس تا ترَ وأخبرَ کونم، چونکی هیرودیس زأکٚ دونبأل گرده کی اونَ بوکوشه.»