Lacid Bible © Bible Society of Myanmar, 2009. Recording of Lacid New Testament ℗ 2017 Hosanna

Lacid - BSM Version (NT) Non Drama

Lacid - BSM Version (NT) Drama

<div class="version vid390 iso6393lsi" data-vid="390" data-iso6393="lsi">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s">Baptisma Sara: Yohan Tarha" Kho" Zi</div><div class="p"> 1Hau: yo, hau: boin: moo Baptisma sara: Yohan nyid thu' lo wigi 2&#171;Mougkhung: mungdain: ju" lo nyid bye: yoomo nheigloem: thid' loo: ge'&#187; ga: Yuda dain" pyoid yoo moo tarha" kho" nyid. 3Lapi: Esaia tid da" dang: gi</div><div class="q">&#171;dain" pyoid yoo moo nyho: da" thui: gi</div><div class="q2">hau: Aseing khyoo: ri soin' nyheing too" ge'</div><div class="q2">guid" da" khyoo: ri soin' nyheing koid ge'&#187;&#8250; ga: wigi tid to" yug nyang: nghoid bye.</div><div class="p"> 4Hau: Yohan koem gi gola-ug moug" yo' yo, da" byimi void lho: shooyid bicu" cu" ci:- nya: da" zoo: noem gi siyoo mo jhen" khyeig nyoug yo' byoo: yhid: nghoid nyid. 5Hau: uri Yerusalem mo mo, Yuda mung" mo mo, yo' Yodan gyid lang thei: tab' he: tab' mo mo, Yohan jhangmoo zheng: ju re. 6Nyang: nya: youg noo yooboo ri thoid shed boem wigi Yohan da" lo, moo Yodan gyid lang mo baptisma ri zheung: kham: yu boem.</div><div class="p"> 7Akhid" Pharishe" yo' Saduke myoo" sho' mo, baptisma kham: yu wa ga: ju" re" boem zi Yohan lhoem: myang lang" nyang: bang: ri Yohan tid zigi &#171;Akhyeing" da" myuno, Byumyu" yi we"- Mangso dang: khoo' da" zi thung" shau" zoo: wa da" yooboo shed: gyoin noo gyoin mo yo" phang: thu' loo" goo" baja" ga: nanu" ri hang" tid poin" go" lha". 8Houg: yoomo nheigloem: thid da" ashi" zei: ge' 9Abraham gi ngoonu" da" nya: phoo nghoid ga: wigi ajho: nyid goo. Nanu" ri ngoo tid kyoo" ba:- Mangsoo gi he: da" lug loem: mo Abraham nya: zoo: yo" phain" thu' byid: wa. 10Akhid" nyang: hau: da" voozung: gi shi" gam poem: moo zhung: too" bye. Houg" su" wigi ge da" ashi" azei: da" shi" gam jo, moo jo, ri thug lheing: pyam lho: myikhyoem' moo du" zei pyam' wa. 11Ngoo gi nheigloem: thid' goo" baja" ein: nanu" ri gyid moo baptisma ri byid: bye. Nghoidloug we' nga" thang: moo ju" ri" wa su: gi nga" tho' mo yoem: je boo su: nghoid wigi nya: da" khyid: baid' voin byid: wa zilang" ngoo amoin: yi. Hau: yug gi gyeungshang: Venyi: moo we' myi: moo we' nanu" ri baptisma byid: wa su: nghoid. 12Nya: da" lo, moo gug khyoo' lhang" khang" dakhyam" ci: wigi nya: gug boem ri geig khyo' kyeing yu" lho: mo da" gug shi" rigi nya: da" gug jhi: moo kaid' too" wa. Amo da" gug shi" rigi ayo" said da" myi: moo nghe' pyam' wa&#187; ga: tid.</div><div class="s">Yesu Baptisma Yu Da" Khyoo:</div><div class="r">(Mar 1:9-11; Luk 3:21,22)</div><div class="p"> 13Hau: da" ayo, moo Yesu gi Yohan da" lo, mo baptisma yu wa ga: Galile mung" mo wigi Yodan gyid lang yam moo nyid da" Yohan jhangmoo ju" ri" bye. 14Nyang: koem gi &#171;ngoo loem: she' re" jang" mo baptisma yu wa ca" nyid da:. Nang loem: she' nga" jhangmoo dare" rhe"&#187; ga: nyang: ri lhoem: tid da.</div><div class="p"> 15Houg: ri Yesu gi &#171;akhid" nyang: houg: zei: byid: we' deung main" da" khyoo: ja: khang" moo" ri zei: byeung" wa zigi ge nyid bye:&#187; ga: nyang: ri tid. Houg: lang" hau: moo" nyang: ri zei: byid: bye.</div><div class="p"> 16Akhid" Yesu baptisma bain kham: yu lang" gyid thoem" mo to' thu' lo" da" uri yu" ge' mougkhoung: khoem" duang: bang" lo" lho: Mangso da" Venyi: gi pheing" kyoug" su" dang: gyoo" lo wigi nya: tho' moo zhoung: jo, zi nyang: myang. 17Hau: tho' moo gootu: &#171;he: yug gi ngoo vho: ngei da" nga" jheddab zooshang: nyang: nghoid bye:&#187; ga: mougkhoung: mo thui: myeing thu' lo.</div>
 </div>
 </div>
</div>

Hau: yo, hau: boin: moo Baptisma sara: Yohan nyid thu' lo wigi «Mougkhung: mungdain: ju" lo nyid bye: yoomo nheigloem: thid' loo: ge'» ga: Yuda dain" pyoid yoo moo tarha" kho" nyid. Lapi: Esaia tid da" dang: gi
«dain" pyoid yoo moo nyho: da" thui: gi
hau: ASEING khyoo: ri soin' nyheing too" ge'
guid" da" khyoo: ri soin' nyheing koid ge'»› ga: wigi tid to" yug nyang: nghoid bye.
Hau: Yohan koem gi gola-ug moug" yo' yo, da" byimi void lho: shooyid bicu" cu" ci:- nya: da" zoo: noem gi siyoo mo jhen" khyeig nyoug yo' byoo: yhid: nghoid nyid. Hau: uri Yerusalem mo mo, Yuda mung" mo mo, yo' Yodan gyid lang thei: tab' he: tab' mo mo, Yohan jhangmoo zheng: ju re. Nyang: nya: youg noo yooboo ri thoid shed boem wigi Yohan da" lo, moo Yodan gyid lang mo baptisma ri zheung: kham: yu boem.
Akhid" Pharishe" yo' Saduke myoo" sho' mo, baptisma kham: yu wa ga: ju" re" boem zi Yohan lhoem: myang lang" nyang: bang: ri Yohan tid zigi «Akhyeing" da" myuno, Byumyu" yi we"- Mangso dang: khoo' da" zi thung" shau" zoo: wa da" yooboo shed: gyoin noo gyoin mo yo" phang: thu' loo" goo" baja" ga: nanu" ri hang" tid poin" go" lha". Houg: yoomo nheigloem: thid da" ashi" zei: ge' Abraham gi ngoonu" da" nya: phoo nghoid ga: wigi ajho: nyid goo. Nanu" ri ngoo tid kyoo" ba:- Mangsoo gi he: da" lug loem: mo Abraham nya: zoo: yo" phain" thu' byid: wa. Akhid" nyang: hau: da" voozung: gi shi" gam poem: moo zhung: too" bye. Houg" su" wigi ge da" ashi" azei: da" shi" gam jo, moo jo, ri thug lheing: pyam lho: myikhyoem' moo du" zei pyam' wa. Ngoo gi nheigloem: thid' goo" baja" ein: nanu" ri gyid moo baptisma ri byid: bye. Nghoidloug we' nga" thang: moo ju" ri" wa su: gi nga" tho' mo yoem: je boo su: nghoid wigi nya: da" khyid: baid' voin byid: wa zilang" ngoo amoin: yi. Hau: yug gi gyeungshang: Venyi: moo we' myi: moo we' nanu" ri baptisma byid: wa su: nghoid. Nya: da" lo, moo gug khyoo' lhang" khang" dakhyam" ci: wigi nya: gug boem ri geig khyo' kyeing yu" lho: mo da" gug shi" rigi nya: da" gug jhi: moo kaid' too" wa. Amo da" gug shi" rigi ayo" said da" myi: moo nghe' pyam' wa» ga: tid.


Hau: da" ayo, moo Yesu gi Yohan da" lo, mo baptisma yu wa ga: Galile mung" mo wigi Yodan gyid lang yam moo nyid da" Yohan jhangmoo ju" ri" bye. Nyang: koem gi «ngoo loem: she' re" jang" mo baptisma yu wa ca" nyid da:. Nang loem: she' nga" jhangmoo dare" rhe"» ga: nyang: ri lhoem: tid da.
Houg: ri Yesu gi «akhid" nyang: houg: zei: byid: we' deung main" da" khyoo: ja: khang" moo" ri zei: byeung" wa zigi ge nyid bye:» ga: nyang: ri tid. Houg: lang" hau: moo" nyang: ri zei: byid: bye.
Akhid" Yesu baptisma bain kham: yu lang" gyid thoem" mo to' thu' lo" da" uri yu" ge' mougkhoung: khoem" duang: bang" lo" lho: Mangso da" Venyi: gi pheing" kyoug" su" dang: gyoo" lo wigi nya: tho' moo zhoung: jo, zi nyang: myang. Hau: tho' moo gootu: «he: yug gi ngoo vho: ngei da" nga" jheddab zooshang: nyang: nghoid bye:» ga: mougkhoung: mo thui: myeing thu' lo.

Slušaj MATHE 3