Yupik Audio Bible (Non-Drama)

<div class="version vid1390 iso6393esu" data-vid="1390" data-iso6393="esu">
 <div class="book bkLUK">
 <div class="chapter ch8" data-usfm="LUK.8">
 <div class="label">8</div><div class="s1">Anirtullrin Arnat Kevgiuraat</div><div class="p"> 1Tamatum kinguaraani nunarpiit nunarraat-llu ullagtaarai, qaneryariurluni Agayutem qaneryaraqegtaaraanek, malingqerrluni-llu imkunek qula malrugnek cipnelegnek, 2cali-llu arnanek anirtuumallernek anernerrluitnek, apquciitnek-llu: wani-wa Mary (at'lek Magdaleni), elliinek anernerrluut malrunelgen anellrulriit; 3Joanna-llu, Chuza-m, Herod-aam pistiin nulirra; Susanna-llu, allat-llu cali amlleret; tamakut aulukaat pimeggnek.</div><div class="s1">Nauceciiyurta</div><div class="p"> 4Tua-i-llu yugugaat quyurrvikngatni nunanek-llu tamaitnek tekiqluteng elliinun, cuqyutkun qalaruciuq waten, 5&#8220;Nauceciiyurta nauceciiriyarturtuq, nauceciirillrani-llu ilait pekcaramun tut'ut, tutmaumaluteng-llu, yaqulget-llu nerait. 6Allat teggalqunun tut'ut, naugarqaarluteng-llu nalaut mecuilameng. 7Allat-llu naunerrluut akuliitnun tut'ut, naunerrluut-llu naullgutekngamegteki nauviirait. 8Allat-llu nunamun assilriamun tut'ut, naungameng mukaarkangut, atauciq yuinarnek tallimanek.&#8221; Makunek qanrumariami qayagauq, &#8220;Ciutengqellria niilli.&#8221;</div><div class="p"> 9Elitnaurain-llu aptaat cuqyutem mat'um caucianek. 10Qanertuq-llu, &#8220;Elpeci cikiumauci cauciitnarqelrianek Agayutem angayuqauvian piinek, allat tau&#865;gken cuqyutkun pimaut tua-i tangvang'e'rmeng tangerrngailameng, niitelange'rmeng-llu taringengailameng. 11Wani-wa cuqyutem kangia: naucetaarkaq Agayutem qaneryaraqaa. 12Pekcaramelnguut niitellriaruut, tuunrangayiim-llu ullagluki teguilarai qaneryaramek ircaqruitnek, ukvernayukluki anirtuumallerkaatnun. 13Teggalqumelnguut maa-inguut, niitaqameng qaneryaraq angniutek'laraat, acilqurrilameng-llu carrarmi ukvelartut, naspaamaaqameng-llu kingupialartut. 14Naunerrlugnun-llu tut'ellriit maa-inguut niitellriit, tua-i-llu yuunginanermeggni unguvam nunamiutaam arenqiallugutain, tukuutain-llu, ayarinarqelriarin-llu nauviirait atsangluaqerciigatevkarluki. 15Nunakegtaarmun-llu tut'ellriit waniwaugut imkut ircaqumegteggun piciulriit, elluatuuluteng-llu, qaneryaraq niitaqamegteggu piksuumilaraat, atsangqerrlainarluteng-llu egmianun.</div><div class="s1">Kenurraq</div><div class="p"> 16&#8220;Yuk-llu kenurraraqami camun palurusngaitaa, ingleret-llu aciatnun ellingaunaku; tau&#865;gaam kenurrarvigmun elliciqaa itellrianun tanqia tangrresqelluku. 17Iirumalriartailan alailngailngurmek, aassaqek'ngartailan-llu taringumaarkaunrilngurmek, alailngailngurmek-llu. 18Taumek niitellerci murilkiciu, piutellek cikiumaarkauguq, piilnguq-llu teguimaarkauguq piksukellrinek tuaten.&#8221;</div><div class="s1">Jesus-aam Aanii Anelgutai-llu</div><div class="p"> 19Tua-i-llu aanii anelgutai-llu elliinun tekitut, tau&#865;gaam ullagciigataat yugyiin. 20Tua-i-llu qanrutaat, &#8220;Atam aanan anelguteten-llu kegga'antut yuarluten.&#8221; 21Tau&#865;gaam kiugai, &#8220;Agayutem qaneryaraanek niitellriit atulriit-llu, maa-i aananka, anelgutenka-llu.&#8221;</div><div class="s1">Anuqem Arulairtellra</div><div class="p"> 22Tua-i-llu caqerluni erenret iliitni angyamun ek'uq ellii elitnaurani-llu, qanrutai-llu, &#8220;Agaavet qeralta nanvam akianun.&#8221; Ayagluteng-llu. 23Tau&#865;gaam tengalrainanermeggni ellii qavartuq. Tua-i-llu cayukartuq tuani nanvami, ekurluki-llu mer'em, uivagnaqluni-llu. 24Ullagluku-llu tupagtaat, qanerluteng, &#8220;Ataneq, Ataneq, akacakatartukut!&#8221; Tupiimi-llu anuqa qairet-llu inerqurai, arulairtut-llu, quunengluni-llu. 25Qanrutai-llu, &#8220;Nauwa ukverci?&#8221; Alingluteng irriut qanruyulluteng waten, &#8220;Kina una, anuqem mer'em-llu niisngaan'gu inerquatek?&#8221;</div><div class="s1">Anernerrlulgem Canrircecimallra</div><div class="p"> 26Tua-i-llu Gadarenes-aarmiut nuniitnun tekituq, Galilee-am akianun. 27Nunamun-llu tagngan yuum tuaken nunanek anvikaa. Tauna anernerrlungqertuq ak'anek aturaunani enemeteksaunani-llu tau&#865;gaam qunguni. 28Jesus-aaq-llu tangrramiu qayagpagtuq, ciuqerranun-llu palurrluni qastuluni qanertuq, &#8220;Cakciqsia elpet Jesus-aaq, Agayutem Quyinrulriim Qetunraani? Kaigavikamken nangcesqevkenii.&#8221; 29Tua-i anernerrluk anesqellruani tuaken yugmek. Pulengtaq anernerrluum tekitelaraa, auluk'laryaaqaat-llu qilleqluku-llu kalivnernek; tamakut-llu kevkaqluki anernerrluum yuilqumun ayautelaraa. 30Jesus-aam-llu aptaa, &#8220;Kituusit?&#8221; Qanertuq-llu, &#8220;Legion-aaq,&#8221; tua-i anernerrluut amlleret itervikliniatgu. 31Kaigavikaat-llu ayagcesqevkenateng petmigmun. 32Tua-i-llu sitiinkaarugaat katngat tuani ingrimi uitaut nerluteng. Kaigavikaat-llu taukunun iteryugluteng. Pisqai-llu. 33Anernerrluut-llu tuaken yugmek anngameng sitiinkaanun itertut, taukut-llu katngat pen&#772;akun atraqertut nanvamun, qecuqilluteng-llu. 34Tua-i-llu sitiinkaat tarikestait tuaten pillrat tangrramegteggu, qimagtut, nunani-llu avatiitni-llu tamana qanrutkaat. 35Tua-i-llu yuut tuaken tekitut tamana tuaten pilleq tangerrsarturluku. Jesus-aamun-llu tekicameng yuut tauna anernerrlungqelleq tangrraat Jesus-aam ciuqerrani aqumgaluni, ellangqerrluni aturangqerrluni-llu; ellait-llu irrayugtut. 36Tangvagtellrin-llu qanemcitait qaillun anernerrlungqelleq canrillrucianek. 37Gadarenes-aarmiut-llu tamarmeng kaigavikaat avatmeggnek ayaasqelluku civuurangameng. Ellii-llu angyamun ekluni utertuq. 38Tau&#865;gaam taum anernerrlungqellrem maligcugyaaqaa, tau&#865;gaam elliin pisqenritaa qanerluni, 39&#8220;Uterten nunavnun, apervikualuki-llu qaillun pitalriamek Agayutmun pillrucirpenek.&#8221; Tua-i-llu ayagluni nunarpagmi tuani tamiini qalarutkaa qaillun pitalriamek Jesus-aamun pillrucini.</div><div class="p"> 40Jesus-aaq-llu utercan yugugaat ciuniuraat nerinikngamegteggu.</div><div class="s1">Jairus-aam Pania Kaigaskiit</div><div class="p"> 41Tangerrluku-llu yuk ullautuq Jairus-aamek at'lek, agayuvigmi atanrulria. Jesus-aam-llu ciuqerranun palurtuq, unayaqaa-llu eneminun taisqelluku, 42kiingan panini qulen malrugnek cipluku allrakungelria naulluungan au&#865;gtarnaqluni.</div><div class="p">Tau&#865;gaam ayallrani, yugugaat qerrlerutaat.</div><div class="s1">Augmek Apqucilgem Canrircecimallra</div><div class="p"> 43Arnaq-llu qulen malrugnek cipluki allrakuni aunralria, yungcaristen&#772;un-llu pini tamalkuita nangellruluki, assirisciiganani-llu, 44kingunrakun taiguq aturaan-llu akuakun agturaa; egmianun-llu aunrallra taq'uq. 45Jesus-aaq-llu qanertuq, &#8220;Kia agturtanga?&#8221; Tamarmeng meciriita, Peter ilani-llu qanertut, &#8220;Tang, yugugaat quugaruskiitgen, qerrlerulluten-llu.&#8221; 46Tau&#865;gaam Jesus-aaq qanertuq, &#8220;Iliita agturaanga, elpekngamku pinim anucia wangnek.&#8221; 47Tua-i-llu arnam nallunrilucini elpekngamiu ullautuq uuleggluni, ciuqerranun-llu palurrluni yuut tamalkuita niitelluki ca pitekluku agtullruciminek, egmianun-llu anirtuumaciminek qanrutaa. 48Qanrutaa-llu, &#8220;Paniik, ukverpet anirturaaten, ayii uitanqegcimaluten.&#8221;</div><div class="s1">Jairus-aam Panian Makcecimallra</div><div class="p"> 49Cali qallasnginanrani, agayuviim atanran yuin iliit tekituq qanerluni, &#8220;Paniin tuquuq, uamtenrilgu Elitnaurista.&#8221; 50Jesus-aam niicamiu kiugaa, &#8220;Civuuravkenak, ukvera tau&#865;gaam, assiriciquq.&#8221; 51Tua-i-llu enemun tekicami, yuut itresqenritai Peter tau&#865;gaam John-aaq-llu, James-aaq-llu nasaurluum-llu angayuqak. 52Tamarmeng-llu qiagut neplirluteng pitekluku; tau&#865;gaam qanertuq, &#8220;Qianrici, tuqunrilan, tau&#865;gaam qavartuq.&#8221; 53Engelarautekaat-llu usviilkelluku, nallunrilamegteggu tuqucia. 54Tau&#865;gaam elliin unataikun teguluku, aterpaggluku qanrutaa, &#8220;Nasaurluuq, makten.&#8221; 55Ataam-llu anernenguq, nangerrluni-llu egmianun. Elliin-llu ellimertuutaa nerevkaasqelluku. 56Angayuqaak-llu alangaartuk; tau&#865;gaam elliin inerqurai kitumun qanrutkesqevkenaku tuaten pillni.</div>
 </div>
 </div>
</div>

Tamatum kinguaraani nunarpiit nunarraat-llu ullagtaarai, qaneryariurluni Agayutem qaneryaraqegtaaraanek, malingqerrluni-llu imkunek qula malrugnek cipnelegnek, cali-llu arnanek anirtuumallernek anernerrluitnek, apquciitnek-llu: wani-wa Mary (at'lek Magdaleni), elliinek anernerrluut malrunelgen anellrulriit; Joanna-llu, Chuza-m, Herod-aam pistiin nulirra; Susanna-llu, allat-llu cali amlleret; tamakut aulukaat pimeggnek.

Tua-i-llu yugugaat quyurrvikngatni nunanek-llu tamaitnek tekiqluteng elliinun, cuqyutkun qalaruciuq waten, “Nauceciiyurta nauceciiriyarturtuq, nauceciirillrani-llu ilait pekcaramun tut'ut, tutmaumaluteng-llu, yaqulget-llu nerait. Allat teggalqunun tut'ut, naugarqaarluteng-llu nalaut mecuilameng. Allat-llu naunerrluut akuliitnun tut'ut, naunerrluut-llu naullgutekngamegteki nauviirait. Allat-llu nunamun assilriamun tut'ut, naungameng mukaarkangut, atauciq yuinarnek tallimanek.” Makunek qanrumariami qayagauq, “Ciutengqellria niilli.”
Elitnaurain-llu aptaat cuqyutem mat'um caucianek. Qanertuq-llu, “Elpeci cikiumauci cauciitnarqelrianek Agayutem angayuqauvian piinek, allat tau͡gken cuqyutkun pimaut tua-i tangvang'e'rmeng tangerrngailameng, niitelange'rmeng-llu taringengailameng. Wani-wa cuqyutem kangia: naucetaarkaq Agayutem qaneryaraqaa. Pekcaramelnguut niitellriaruut, tuunrangayiim-llu ullagluki teguilarai qaneryaramek ircaqruitnek, ukvernayukluki anirtuumallerkaatnun. Teggalqumelnguut maa-inguut, niitaqameng qaneryaraq angniutek'laraat, acilqurrilameng-llu carrarmi ukvelartut, naspaamaaqameng-llu kingupialartut. Naunerrlugnun-llu tut'ellriit maa-inguut niitellriit, tua-i-llu yuunginanermeggni unguvam nunamiutaam arenqiallugutain, tukuutain-llu, ayarinarqelriarin-llu nauviirait atsangluaqerciigatevkarluki. Nunakegtaarmun-llu tut'ellriit waniwaugut imkut ircaqumegteggun piciulriit, elluatuuluteng-llu, qaneryaraq niitaqamegteggu piksuumilaraat, atsangqerrlainarluteng-llu egmianun.

“Yuk-llu kenurraraqami camun palurusngaitaa, ingleret-llu aciatnun ellingaunaku; tau͡gaam kenurrarvigmun elliciqaa itellrianun tanqia tangrresqelluku. Iirumalriartailan alailngailngurmek, aassaqek'ngartailan-llu taringumaarkaunrilngurmek, alailngailngurmek-llu. Taumek niitellerci murilkiciu, piutellek cikiumaarkauguq, piilnguq-llu teguimaarkauguq piksukellrinek tuaten.”

Tua-i-llu aanii anelgutai-llu elliinun tekitut, tau͡gaam ullagciigataat yugyiin. Tua-i-llu qanrutaat, “Atam aanan anelguteten-llu kegga'antut yuarluten.” Tau͡gaam kiugai, “Agayutem qaneryaraanek niitellriit atulriit-llu, maa-i aananka, anelgutenka-llu.”

Tua-i-llu caqerluni erenret iliitni angyamun ek'uq ellii elitnaurani-llu, qanrutai-llu, “Agaavet qeralta nanvam akianun.” Ayagluteng-llu. Tau͡gaam tengalrainanermeggni ellii qavartuq. Tua-i-llu cayukartuq tuani nanvami, ekurluki-llu mer'em, uivagnaqluni-llu. Ullagluku-llu tupagtaat, qanerluteng, “Ataneq, Ataneq, akacakatartukut!” Tupiimi-llu anuqa qairet-llu inerqurai, arulairtut-llu, quunengluni-llu. Qanrutai-llu, “Nauwa ukverci?” Alingluteng irriut qanruyulluteng waten, “Kina una, anuqem mer'em-llu niisngaan'gu inerquatek?”

Tua-i-llu Gadarenes-aarmiut nuniitnun tekituq, Galilee-am akianun. Nunamun-llu tagngan yuum tuaken nunanek anvikaa. Tauna anernerrlungqertuq ak'anek aturaunani enemeteksaunani-llu tau͡gaam qunguni. Jesus-aaq-llu tangrramiu qayagpagtuq, ciuqerranun-llu palurrluni qastuluni qanertuq, “Cakciqsia elpet Jesus-aaq, Agayutem Quyinrulriim Qetunraani? Kaigavikamken nangcesqevkenii.” Tua-i anernerrluk anesqellruani tuaken yugmek. Pulengtaq anernerrluum tekitelaraa, auluk'laryaaqaat-llu qilleqluku-llu kalivnernek; tamakut-llu kevkaqluki anernerrluum yuilqumun ayautelaraa. Jesus-aam-llu aptaa, “Kituusit?” Qanertuq-llu, “Legion-aaq,” tua-i anernerrluut amlleret itervikliniatgu. Kaigavikaat-llu ayagcesqevkenateng petmigmun. Tua-i-llu sitiinkaarugaat katngat tuani ingrimi uitaut nerluteng. Kaigavikaat-llu taukunun iteryugluteng. Pisqai-llu. Anernerrluut-llu tuaken yugmek anngameng sitiinkaanun itertut, taukut-llu katngat pen̄akun atraqertut nanvamun, qecuqilluteng-llu. Tua-i-llu sitiinkaat tarikestait tuaten pillrat tangrramegteggu, qimagtut, nunani-llu avatiitni-llu tamana qanrutkaat. Tua-i-llu yuut tuaken tekitut tamana tuaten pilleq tangerrsarturluku. Jesus-aamun-llu tekicameng yuut tauna anernerrlungqelleq tangrraat Jesus-aam ciuqerrani aqumgaluni, ellangqerrluni aturangqerrluni-llu; ellait-llu irrayugtut. Tangvagtellrin-llu qanemcitait qaillun anernerrlungqelleq canrillrucianek. Gadarenes-aarmiut-llu tamarmeng kaigavikaat avatmeggnek ayaasqelluku civuurangameng. Ellii-llu angyamun ekluni utertuq. Tau͡gaam taum anernerrlungqellrem maligcugyaaqaa, tau͡gaam elliin pisqenritaa qanerluni, “Uterten nunavnun, apervikualuki-llu qaillun pitalriamek Agayutmun pillrucirpenek.” Tua-i-llu ayagluni nunarpagmi tuani tamiini qalarutkaa qaillun pitalriamek Jesus-aamun pillrucini.
Jesus-aaq-llu utercan yugugaat ciuniuraat nerinikngamegteggu.

Tangerrluku-llu yuk ullautuq Jairus-aamek at'lek, agayuvigmi atanrulria. Jesus-aam-llu ciuqerranun palurtuq, unayaqaa-llu eneminun taisqelluku, kiingan panini qulen malrugnek cipluku allrakungelria naulluungan au͡gtarnaqluni.
Tau͡gaam ayallrani, yugugaat qerrlerutaat.

Arnaq-llu qulen malrugnek cipluki allrakuni aunralria, yungcaristen̄un-llu pini tamalkuita nangellruluki, assirisciiganani-llu, kingunrakun taiguq aturaan-llu akuakun agturaa; egmianun-llu aunrallra taq'uq. Jesus-aaq-llu qanertuq, “Kia agturtanga?” Tamarmeng meciriita, Peter ilani-llu qanertut, “Tang, yugugaat quugaruskiitgen, qerrlerulluten-llu.” Tau͡gaam Jesus-aaq qanertuq, “Iliita agturaanga, elpekngamku pinim anucia wangnek.” Tua-i-llu arnam nallunrilucini elpekngamiu ullautuq uuleggluni, ciuqerranun-llu palurrluni yuut tamalkuita niitelluki ca pitekluku agtullruciminek, egmianun-llu anirtuumaciminek qanrutaa. Qanrutaa-llu, “Paniik, ukverpet anirturaaten, ayii uitanqegcimaluten.”

Cali qallasnginanrani, agayuviim atanran yuin iliit tekituq qanerluni, “Paniin tuquuq, uamtenrilgu Elitnaurista.” Jesus-aam niicamiu kiugaa, “Civuuravkenak, ukvera tau͡gaam, assiriciquq.” Tua-i-llu enemun tekicami, yuut itresqenritai Peter tau͡gaam John-aaq-llu, James-aaq-llu nasaurluum-llu angayuqak. Tamarmeng-llu qiagut neplirluteng pitekluku; tau͡gaam qanertuq, “Qianrici, tuqunrilan, tau͡gaam qavartuq.” Engelarautekaat-llu usviilkelluku, nallunrilamegteggu tuqucia. Tau͡gaam elliin unataikun teguluku, aterpaggluku qanrutaa, “Nasaurluuq, makten.” Ataam-llu anernenguq, nangerrluni-llu egmianun. Elliin-llu ellimertuutaa nerevkaasqelluku. Angayuqaak-llu alangaartuk; tau͡gaam elliin inerqurai kitumun qanrutkesqevkenaku tuaten pillni.

Slušaj Luke 8