ᔫᓇᐅᑉ ᐊᒡᓚᖏᑦ 1
1
ᔫᓇᐅᑉ ᓈᓚᖏᓐᓂᖓ ᐊᑕᓂᕐᒥᒃ
1 #
ᐊᑕᓃᑦ ᐂᑉᐸᖏᑦ 14:25. ᐅᓪᓗᐃᑦ ᐃᓚᖓᓐᓂ ᐊᑕᓂᖅ ᔫᓇᒧᑦ ᐅᖃᕐᐳᖅ, ᐊᒥᑍᑉ ᐃᕐᓂᖓᓄᑦ ᐅᖃᕐᓗᓂ: 2“ᓂᓂᕕᒧᐊᓕᕆᑦ, ᐃᒡᓗᒐᓴᒡᔪᐊᓄᑦ ᐊᖏᔪᐊᓗᖕᓄᑦ; ᓂᐱᖅᑯᕐᑐᓗᑎᓪᓗ ᐅᖃᕐᕕᒋᒃᑭᑦ ᐱᐅᖏᑦᑐᓕᓂᖏᑦ ᒪᔪᐊᕐᒪᑕ ᓵᓐᓄᑦ.” 3ᓂᑯᕕᑉᐳᕐᓗ ᔫᓇ ᑖᕐᓯᓯᒧᑦ ᕿᒫᔪᒪᓪᓗᓂ ᐊᑕᓂᕐᒥᑦ; ᐊᑎᕐᓗᓂᓗ ᔮᐸᒧᑦ ᐅᒥᐊᕐᔪᐊᕐᓯᐅᕐᐳᖅ ᑖᕐᓯᓯᓕᐊᕐᑐᒥᒃ, ᐊᑭᓖᕗᕐᓗ ᐃᖏᕐᕋᑦᔪᑎᒋᓂᐊᕐᑕᒥᓂᒃ, ᐃᑭᕗᕐᓗ ᐅᒥᐊᕐᔪᐊᒧᑦ ᐃᖏᕐᕋᖃᑎᒋᔪᒪᓪᓗᒋᑦ ᑖᕐᓯᓯᒧᑦ, ᕿᒫᔪᒪᓪᓗᓂ ᐊᑕᓂᐅᑉ ᓵᖓᓂᑦ. 4ᐊᑕᓂᐅᓪᓕ ᐃᒪᕐᕕᒃ ᑎᓕᒃᓕᕐᕕᒋᕚ ᐊᓄᕆᕐᔪᐊᒥᒃ, ᐊᖅᑯᓇᕐᑐᐊᓘᓚᐅᕐᐳᕐᓗ ᐅᒥᐊᕐᔪᐊᖅ ᓱᕋᑐᐃᓐᓇᕆᐊᖃᕐᓗᓂ ᐊᒡᓛᑦ. 5ᐅᒥᐊᕐᔪᐊᒥᐅᓪᓗ ᓇᖏᐊᕐᓗᑎᒃ ᑐᒃᓯᐊᓚᐅᕐᐳᑦ ᐊᑐᓂᑦ ᒎᑎᒋᔭᒥᖕᓄᑦ, ᐅᒥᐊᕐᔪᐊᓪᓗ ᐅᓯᔭᖏᑦ ᐃᒋᐅᖅᑲᕐᐰᑦ ᐃᒫᓄᑦ ᐅᕿᓐᓂᕐᓴᐅᑎᑕᐅᖁᓪᓗᒍ, ᔫᓇᓕ ᐃᑎᕐᓯᒪᓪᓗᓂ ᐅᒥᐊᕐᔪᐊᑉ ᐃᓗᐊᓄᑦ ᐅᓯᕕᖓᓂ ᐃᓐᓇᖓᓪᓗᓂ ᓯᓐᓇᕆᒃᐳᖅ.
6ᑕᕝᕙ ᐅᒥᐊᕐᔪᐊᑉ ᐊᖓᔪᖅᑳᖓᑕ ᐅᐸᒃᐹ ᐅᖃᐅᑎᓪᓗᒍᓗ: “ᖃᓄᐃᒻᒪᑦ ᓯᓐᓇᕆᒃᐲᑦ? ᒪᑭᓪᓗᑎᑦ ᒎᑏᑦ ᑐᒃᓯᐊᕐᕕᒋᓚᐅᕈᒃ, ᐃᒻᒪᖄ ᒎᑎᐅᑉ ᓇᒡᓕᒋᓕᕈᓂᑎᒍᑦ ᐱᐅᓕᒐᔭᕐᐹᑎᒍᑦ ᐊᓯᐅᖁᓇᑕ.”
7ᐅᒥᐊᕐᑐᕐᑏᓪᓗ ᐃᒻᒥᖕᓄᑦ ᐅᖃᖃᑎᒌᓕᕐᐳᑦ ᐅᖃᕐᓗᑎᒡᓗ: “ᐊᑏ ᓇᓚᐅᑦᑖᓚᐅᕐᑕ ᑭᓇ ᐱᑦᔪᑎᒋᓪᓗᒍ ᐊᑲᐅᖏᑦᑐᒥᒃ ᑕᒪᑐᒥᖓ ᐱᑎᑕᐅᖕᒪᖔᑦᑕ ᖃᐅᔨᖁᓪᓗᑕ.” ᓇᓚᐅᑦᑖᓕᕐᐳᑦ ᑕᕝᕙ, ᓇᓚᐅᑦᑖᕈᑎᐅᓪᓗ ᔫᓇᐅᑉ ᐊᑎᖓ ᓇᓚᐅᑉᐹ. 8ᑕᕝᕙ ᑖᒃᑯᐊ ᐅᖃᐅᑎᕚᑦ: “ᐅᖃᐅᑎᓚᐅᕐᑎᒍᑦ ᑭᓇ ᐱᑦᔪᑎᒋᓪᓗᒍ ᐊᑲᐅᖏᓐᓂᕐᒥᒃ ᑕᒪᑐᒥᖓ ᐱᑎᑕᐅᖕᒪᖔᑦᑕ, ᓱᓇᓕᕆᔨᐅᕖᑦ? ᓇᑭᓐᖔᕐᓯᒪᕕᓪᓗ? ᓇᓂᓗ ᓄᓇᖃᕐᐲᑦ? ᐃᓅᖃᑎᑎᓪᓗ ᑭᓱᒥᐅᑕᐅᕚᑦ?”
9ᐅᖃᐅᑎᕔᓪᓗ: “ᐄᑉᕈᐃᖑᕗᖓ, ᓯᕘᕋᒋᕙᕋ ᐊᑕᓂᖅ ᕿᓚᐅᑉ ᒎᑎᖓ ᐃᒪᕐᒥᒃ ᓄᓇᒥᒡᓗ ᐱᓐᖑᑎᑦᓯᓯᒪᔪᖅ.”
10ᐊᖑᑎᓪᓗ ᑖᒃᑯᐊ ᑲᑉᐱᐊᓱᒃᑐᐊᓘᓪᓗᑎᒃ ᐅᖃᐅᑎᕚᑦ: “ᓱᓇᐅᕙ ᑕᒪᓐᓇ ᐱᓇᓱᐊᕐᑍᑦ?” ᖃᐅᔨᓚᐅᕐᒪᑕ ᔫᓇᐅᑉ ᕿᒫᓇᓱᐊᕐᓂᖓᓂᒃ ᐊᑕᓂᕐᒥᑦ ᐅᖃᐅᑎᓚᐅᕐᒪᒋᑦ. 11ᑖᒃᑯᐊᓗ ᔫᓇ ᐊᐱᕆᕚᑦ, “ᓱᓇᒥᒃ ᐅᕙᑦᑎᓐᓅᑦ ᐱᓂᐊᕐᕕᐅᔪᒃᓴᐅᕖᑦ ᐃᒪᖅ ᐅᕐᓱᐊᓕᖁᓪᓗᒍ?” ᒪᓪᓕᓕᕐᐸᓪᓕᐊᑐᐃᓐᓇᓚᐅᕐᒪᑦ.
12ᔫᓇᐅᓪᓗ ᐅᖃᐅᑎᕔᑦ: “ᑎᒍᓯᓐᖓ ᐃᒋᓪᓗᖓᓗ ᐃᒫᓄᑦ ᐃᒪᖅ ᐅᕐᓱᐊᓕᖁᓪᓗᒍ ᐃᓕᑦᓯᓐᓄᑦ; ᖃᐅᔨᒪᒐᒪ ᐅᕙᖓ ᐱᑦᔪᑎᒋᓪᓗᖓ ᐊᖅᑯᓇᕐᓯᐅᕐᑐᐊᓘᑎᑕᐅᒐᑦᓯ.”
13ᐊᖑᑎᓪᓗ ᑖᒃᑯᐊ ᐊᒃᓱᕈᕐᓗᑎᒃ ᐃᐳᓐᓇᓱᐊᕐᐳᑦ ᓄᓈᕋᓱᐊᕈᒪᓪᓗᑎᒃ, ᓴᐱᓕᕐᐳᓪᓕ ᒪᓪᓕᓕᕐᐸᓪᓕᐊᓂᖓ ᐱᑦᔪᑎᒋᓪᓗᒍ, ᐊᒡᒍᕋᕋᒥᒃ. 14ᑐᒃᓯᐊᕐᕕᒋᕚᓪᓗ ᐊᑕᓂᖅ ᐅᖃᕐᓗᑎᒃ: “ᐊᑕᓃᖅ ᐊᓯᐅᓐᖏᑲᓚᐅᕐᑕᑐᖅ ᐃᓅᑉ ᐆᒪ ᐃᓅᓯᖓ ᐱᑦᔪᑎᒋᓪᓗᒍ; ᐊᐅᒡᓗ ᐸᓯᔭᒃᓴᐅᖏᑦᑐᖅ ᐃᓕᓂᐊᕐᓇᒍ ᐅᕙᑦᑎᓐᓄᑦ, ᐃᕝᕕᑦ ᐊᑕᓃᖅ ᖁᕕᐊᒋᔭᕐᓂᒃ ᐱᓂᐊᕋᕕᑦ.” 15ᑐᒃᓯᐊᕇᕋᒥᒡᓗ, ᔫᓇ ᑎᒍᓪᓗᓂᑦᔪᒃ ᐃᒋᑉᐹᑦ ᐃᒫᓄᑦ, ᐃᒪᖅ ᑕᕝᕙ ᐃᒃᑑᓕᔮᕈᓐᓃᕐᐳᖅ. 16ᐊᖑᑎᓪᓗ ᑖᒃᑯᐊ ᐊᑕᓂᕐᒥᒃ ᓯᕘᕋᒻᒪᕆᓕᕐᐳᑦ, ᑐᓂᕐᕈᓯᕐᕕᒋᓪᓗᒍᓗ; ᐊᑕᓂᖅ ᐊᖏᒻᒪᕆᒃᕕᒋᕚᑦ.
17 #
ᒫᑎᐅᓯ 12:40. ᐊᑕᓂᐅᓪᓗ ᐱᖁᔨᓂᖓᒍᑦ ᐃᒪᕐᒥᐅᑕᕐᔪᐊᖅ ᔫᓇᒥᒃ ᐄᓯᖁᕚ, ᔫᓇᓗ ᐃᒪᕐᒥᐅᑕᐅᑉ ᐊᕿᐊᕈᐊᓃᓚᐅᕐᐳᖅ ᐅᓪᓗᑦ ᐱᖓᓱᑦ ᐅᓐᓄᐊᓪᓗ ᐱᖓᓱᑦ ᓈᓪᓗᒋᑦ.
वर्तमान में चयनित:
ᔫᓇᐅᑉ ᐊᒡᓚᖏᑦ 1: EAIB
हाइलाइट
कॉपी
तुलना
शेयर
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.