मत्ती 2
2
ग्यानी माणसोन आवनो
1हिमी हेरोद राजान दाहळामा जेतार यहुदिया बेथलेहेममा येसुन जन्मो होयो, ती उगेवने भूनी गोथा ग्यानी यरुशलेममा आवीन पुछने बाज गोया, 2यहुदिन राजा जेरो जन्मो होयलो छे, कां छे? काहाकि आमुक पूरब मा तेरु तारू देखला छे एने तीनाक नोमोन कोरने आव रोया. 3यो सोमवीन हेरोद राजा एने तेरे साते आखो यरुशलेम वावा घाबराय गोया. 4तेत्यार चू माणसोन आखा प्रधान पुजारू काजे एने डायलु पुजारा काजे एखठा कोरीन तीनु काजे पुछु, मसिहन जन्मो कां होयनो जुवे? 5चे तीनाक कोया, यहुदियान बेथलेहेममा, काहाकि भविष्य कोरतान लारे यो लिखायलो छे.
6“हे बेथलेहेम, तू यु यहुदान देसमा छे, तू काहनाबी रितीसी यहुदियान होकमा गोथू नानू नि होय; काहाकि तारेमा गोथू एक अधिकारी निकवसे, जू मारी प्रजा इस्राईलोन राखवावी कोरसे.” 7तेत्यार हेरोद ग्यानी माणसो काजे मोनेन बुलावीन तीनु काजे पुछु कि तारू काहने टेम देखायलु होतु, 8एने चू यो कोयीन तीनुक बेथलेहेममा मूकल्यु, जावू, तीना पुऱ्यान बारामा खोरो-खोरो मालूम कोरु एने जेतार चू जोळ जाय ती मेसेक खोबर आपु काहाकि मे बी आवीन तीनाक नोमोन कोरिस. 9चे राजान वात सोमवीन जात रोया, एने जू तारू चे पूरब मा देखला होता चू तिंदरे ओगो-ओगोव चाल्यू; एने जां बावो होतो तिना जागा पोर पुगीण उबरोय गोयू. 10तीना ताराक देखीन चे घोना खुश होय गोया. 11चे तीना ढूरोन वाळामा पुगीण तिना बावा काजे तेरी आया मरीयमोन साते देख्या, एने उबळू पोडीन येसु काजे नोमोन कोऱ्या, एने आपना-थोयल्या छुळीन तीनाक सोनो, एने लोबान, एने गंधरस भेट चोळाव्या. 12तेत्यार सोपनामा यो जोताळ्यो कि हेरोदोन चा पोछा झुन जाता, चे दिसरे वाट्ये आपना देसोमा जात रोया.
मिस्र देसमा जाणो
13चे जाणेन ओवतेन प्रभून एक दूत सोपनामा युसूफ काजे देखाय पोळ्यु ने कोयू, उठ, इना पुऱ्या काजे एने तेरी आया काजे लीन मिसर देसोमा ढास जा; एने जेतार तोक मी तुसे काजे नि कोयो, तेत्यार तोक चांत रोयजी; काहाकि हेरोद इना पुऱ्या काजे हेरने वावु छे माराय देसे. 14तेत्यार तीनेत राती उठीन पुऱ्या काजे एने तेरी आया काजे लीन मिसरमा जात रोया. 15एने हेरोदोन माणसे तोक चांत रोया इनान कोरता कि चो वचन जो प्रभू भविष्य कोरतान लारे कोवायलो होतो पुरो होयो मे आपना पुऱ्या काजे मिसरमा गोथू बुलावलू छे.
हेरोदोन लारे नानला पुऱ्या काजे मारावनो
16जेतार हेरोद यो देख्यू, कि ग्यानी माणसे तेरे साते धुकू कोरला छे, तेत्यार चू रीसवाय गोयू, एने सिपायळा काजे मुकलीन ग्यानीन लारे खोरो-खोरो देखाळ देदला तिनी टेमोन अनसारे बेथलेहेम एने तेरे आस-पासोन जागान पुऱ्या काजे जे दुय सालोन एने तीनु गोथा नाना होता, माराव देदू. 17तेत्यार जो वचन यीर्मया भविष्य कोरतान लारे कोयलो होतो, चो पुरो होय गोयो.
18रामाहमा एक दुखोन ओवाज सोमवायू,
रोडनो एने घोनो मोटो दुख,
राहेल तेरा पुऱ्यान कोरीन रोड रोयी होती,
एने हुग रोयती नि होती, काहाकि चू हिमी नि रोयु.
मिस्र देसमा गोथा पोछा आवनो
19हेरोदोन मोरनेन ओवतेन, प्रभून दूत मिसरमा युसूफ काजे सोपनामा देखायीन कोयु, 20“उठ पुऱ्याक एने तेरी आया काजे लीन इस्राईल देसोमा जात रोय, काहाकि बावान जीव लेणे कोरता होता, चे मोर गोयला छे.” 21युसूफ उठ्यू एने तेरी आया मरीया काजे पुठी लीन इस्राईल देसोमा आव्यु. 22बाकीन यो सोमवीन कि अरखिलाउस आपना पुऱ्यान हेरोदोसोन जागे यहुदिया पोर राज कोरणे बाज रोयू, युसूफ चा जाणे बिह्यु एने सोपनामा परमेश्वरोन कोयनो सोमवीन गलील प्रदेशमा जात रोयू. 23एने नासरेथ नावोन सोहोरोमा जाय लाग्यू, काहाकि चो वचन पुरो होये, जो भविष्य कोरतान लारे कोवायलो होतो, चू नासुरी कोवायसे.
वर्तमान में चयनित:
मत्ती 2: BFBNT
हाइलाइट
शेयर
कॉपी
Want to have your highlights saved across all your devices? Sign up or sign in
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.