Varumi 1
1
1Paulo, mutugwa wa Yesu Kristo, wa langwa a ve mutumwa, wahulwa kigira ivangeli ya Nyasaye, 2ya ya tanga kulagira mu minwa gyavaprofeti veve mu mangoda ma takatifu, 3ku Mwana wewe Yesu Kristo wivulwa mu visukululwi vya Daudi ku lugano lwomubiri, 4kandi wa lang aminywa kuva Mwana wa Nyasaye netsingulu, ku lugano lwa roho wobutakatifu, nelisimuguka kutwula mu vakudzu; Yesu Kristo Mwami wetu. 5Muye kwa nyola tsimbabasi nobutumwa, kuduka ku lihuiira lyelisuuvira mu tsihiri tsyosi, kigira lieta lilye; 6tsya mwinye mwosi mu veye ku, mu langwa mu ve va Yesu Kristo. 7Ibaruwa yange yiyi i dukire vosi ava veye mu lidala lya Romi, avayanze va Nyasaye, ava langwa va ve avatakatifu. Tsimbabasi tsi ve ku mwinye, nemirembe gyi twulanga ku Dada wetu kandi ku Mwami Yesu Kristo.
8Ntanga kusantidzira Nyasaye wange ku Yesu Kristo kigira mwinye mwosi, kigira lisuuvira lyenyu li lwadzangwa mu lirova lyosi. 9Kigira Nyasaye, wa ntumekira mu mwoyo gwange mu ivangeli yo Mwana wewe, a veye mulolekidzi wange kuli mbongera kumutala mu lisaala lyange kazozo, 10nsaala mbula ni ga nyalika kalunu ku tsinzira tsyosi mu bulaliri bwa Nyasaye, ndadza ku mwinye. 11Kigira nkayirwa ligali kulola mwinye, nduke kumuha kihaanwa kya roho, mu duke kuva nobuluviriri; 12kigira inze na mwinye ku konyane nelisuuvira, mundu sa mulala nowakye, lyenyu nelyange. 13Si nyenya mwinye mu vule kumanya, vamitu, hali kanyingi nsaavira kuudza ku mwinye (ninze nzigalirangwa kali kuduka kalunu), nduke kwama makuyu mu mwinye kandi, kuli ga veye mu Tsihiri tsindi. 14Mbeye neligovi ku Vagreki na Vayovoyi, ku vageeri kandi ku va ta li avageeri. 15Kigira yaga, kuli ga mbeye nago, inze nzetegeki kwilwadza ivangeli ku mwinye ava veye mu lidala lya Romi. 16Kigira si mbeye soni nevangeli, kigira i veye tsingulu tsya Nyasaye i duke ku buhonnyi ku vosi ava suuvira, kutanga ku Vayuda kandi ku Vagreki. 17Kigira kuyo ubulungi bwa Nyasaye bu lang'aminyangwa kutwula ku lisuuvira kuduka ku lisuuvira: kuli ga ng'odwa, U veye nobulungi a hindiranga kigira lisuuvira.
18Kigira ubutima bwa Nyasaye bu lang'aminyangwa kutwula migulu ku livula kutia Nyasaye lyosi noku budamano bwosi bwavandu avigaliranga ageligali mu budamano. 19Kigira ga nyala kumanywa ga Nyasaye ga lang'aminywa muvo: kigira Nyasaye ya ga lang'aminya kuvo. 20Kigira vindu vivye vi ta loleka kutwula inyinga yelirova lya lombwa, vi loleka ligali, kigira vi manyekana ku vyalombwa, navyo vi veye tsingulu tsitsye tsyemihiga nemihiga nobunyasaye bwibwe; va vule kuva nekya va tivula. 21Kigira kali va manya Nyasaye, si va mwidzominya kuli a veye Nyasaye, kandi va msantidza; navutswa va girunkanywa kuva vutswa mu tsiganagani tsyavo, nemyoyo gyavo gyobusiru gya gwa kisundi. 22Mu livola lyavo avene ku veye avageeri, va gwa avasiru, 23ni va girunkannya ubukumi bwa Nyasaye u vula kuva nobwoneku, ni va vika ho kilwananyi kyomundu wobwoneku, nekyamanyonyi, nekyetsinyama tsyepg virenge vine, nekyevindu vi mola hasi.
24Kigira yaga Nyasaye ya va leka mu likayirwa lyemyoyo gyavo lidamano, kukola kifwabwi va duke kwononnya ubukumi bwemibiri gyavo avene navene: 25kigira va kirannya ageligali ga Nyasaye ububehi, ni va sigamira nokutumekira kyalombwa mbugono bwa Umulombi, widzominyangwa mihiga nemihiga. Amini.
26Kigira yaga Nyasaye ya va leka mu likayirwa lyetsisoni. Kigira avakali vavo va girunkannya ubutumiki bwomwima gwene bulahi, ni va kola bu ta li bwomwima: 27kandi avasatsa vavo va li ndiyo, va leka butumiki bwomwima bwavakali, ni vaaduka kuli muliru mu likayirwa lyavo avene navene, avasatsa avene navene va kola aga ta duka, ni va nyola mu mibiri gyavo amadanyi ga dukana neligota lyavo.
28Kandi kuli va sula kuva na Nyasaye mu limanya lyavo, Nyasaye ya va leka nomwoyo gwokuvihiriridza, va kole vindu vi ta dukana. 29Ni vizula kirage kyosi, nobudamano, nokukayirwa vindu vyavandi, nobwoneku; avizula imbodoka, nobwiiti, netsimbemba, nobugadi, namanyego; avamonyi, 30avahuudziridzi, ava dunyira Nyasaye, avobutindi, avoluyai, aviidzominya, avekonga mu vindu vidamano, ava ta tia avivuli vavo, 31ava ta li nelimanya, avononnya lilagana, ava ta li nobuyanzi bu dukana, ava ta li netsimbabasi. 32Ava manya amalago ga Nyasaye, ndi, ava kola vindu yivi va dukana nelikudza, na si va kola yivi vutswa, navutswa va yanzana nava vi kolanga.
वर्तमान में चयनित:
Varumi 1: MBE
हाइलाइट
शेयर
तुलना
कॉपी
Want to have your highlights saved across all your devices? Sign up or sign in
©Bible Society of Kenya, 1967
