Ecsodus 15
15
CAN MOSHEH, ECSODUS XV.
Cyfieithiad Newydd yn nes at drefn yr Hebraeg.
1Canaf i Iehofah, canys uchel yr ymddyrchafodd;
March a’i farchog a fwriodd Efe yn y mor.
2Fy nerth a’m cân yw Iah,
Ac aeth i mi yn iachawdwriaeth.
Hwn yw fy Nuw, a molaf Ef;
Duw fy nhad, a dyrchafaf Ef:
3Iehofah, gwr rhyfel yw;
Iehofah yw Ei enw.
4Cerbydau Pharaoh a’i lu a daflodd Efe yn y mor;
A’r dewis o’i gadbeniaid a foddiwyd yn y Mor Coch:
5Yr eigion a’u gorchuddiodd;
Disgynasant i’r dyfnderau, fel carreg.
6Dy ddeheulaw, O Iehofah, sydd fawrydig mewn gallu,
Dy ddeheulaw, O Iehofah, a chwilfriwiodd y gelyn.
7Ym mawredd Dy ogoniant y tynni i lawr Dy wrth-ymgodwyr,
Danfoni Dy lid — ysa efe hwynt fel sofl!
8Trwy chwythad dy ffroenau pentyrwyd y dyfroedd,
Sefyll fel carn a wnaeth y ffrydiau;
Cydymlynodd y dyfnderau ynghanol y mor.
9Dywedodd y gelyn, ‘Erlidiaf; goddiweddaf;
Rhannaf yr yspail; gorlenwir fy enaid a hwynt;
Tynnaf fy nghleddyf; difetha fy llaw hwynt;’
10Chwythaist a’th wynt, gorchuddiodd y mor-hwynt,
Soddasant, fel plwm, yn y dyfroedd mawrydig!
11Pwy fel Tydi, ymhlith y duwiau, O Iehofah?
Pwy fel Tydi; yn fawrydig mewn sancteiddrwydd,
Yn ofnadwy mewn moliant, yn gwneuthur rhyfeddodau.
12Estynaist Dy law, llyngcodd y ddaear hwynt!
13Arweiniaist, yn Dy drugaredd, y bobl hyn a waredaist;
Tywysaist hwynt a’th nerth i’th anneddle sanctaidd,
14Clywodd y bobloedd — crynant;
Gwewyr a ymaflodd ym mhreswylwyr Pelesheth.
15Yna y dychrynwyd tywysogion Edom;
Hyrddod Moab, ynddynt yr ymaflodd cryndod;
Toddodd holl breswylwyr Canaan:
16Syrthiodd arnynt fraw ac arswyd;
Gan fawredd dy fraich tawsant fol carreg,
Nes myned trosodd o’th bobl, O Iehofah,
17Nes myned trosodd o’r bobl hyn a brynaist;
Dygi hwynt, a phlenni hwynt ym mynydd Dy etifeddiaeth,
Lle Dy drigfa, yr hwn a wnaethost O Iehofah,
Cyssegr, Arglwydd, yr hwn, a sefydlodd Dy ddwylaw.
18Iehofah a deyrnasa byth ac yn dragywydd.
21Ac attebodd Miriam iddynt#15:21 [sef y gwyr yn adnod 1.]
Cenwch i Iehofah, canys uchel yr ymddyrchafodd;
March a’i farchog a fwriodd Efe yn y mor.
वर्तमान में चयनित:
Ecsodus 15: CTB
हाइलाइट
शेयर
कॉपी
Want to have your highlights saved across all your devices? Sign up or sign in
Cyfieithiad Briscoe 1894. Cynhyrchwyd y casgliad digidol hwn gan Gymdeithas y Beibl yn 2020-21.