Gyenesise BƆ OLI MOA
BƆ OLI MOA
Dumaa GYENESISE bo kyire: “AHYƐASEƐ.” Nwomaa ne ka kyɛbɔ Ɛdangama Nyameɛ si bɔle ewiase ne kuro sona nwo dwirɛ. Ɔka atee bɔ bɔne ne amaneɛnwunɛ fale so wale wiase ɔ, ɔne kyɛbɔ Nyameɛ ne kuro sona bɛtena ɔ. Yɛkɔhora yɛkɔhyɛ GYENESISE nwomaa ne anu nyɔ: Bɔ oli moa ɔ: Kyɛbɔ Nyameɛ si bɔle wiase, ɔne daa ama bɔ beli moa nemɔ nwo dwirɛ. Na ɔka Adam ne Hawa, Kein ne Abel, Nowa ne nzueyilɛ bɔ obu fale aseɛ so amukoraati ne, yeɛ afei Babilɔn abandenden ne anwo dwirɛ Ti 1—11. Bɔ ɔtɔ so nyɔ: Ɔka Yisrael mbanyi bɔ beli moa nemɔ nwo dwirɛ. Odi moa ka Abraham bɔ onyane gyidie ná ɔyɛle sotie mane Nyameɛ nwo dwirɛ. Na afei ɔfa ɔwa Yisake, ye anomaa Yakob (bɔ besa bɛfrɛ ye Yisrael), yeɛ Yakob mma buru ne nyɔ nemɔ nwo dwirɛ koso toa so. Yakob awa Yosef nwo dwirɛ hia paa, ofikyɛ ɔnate ye so yeɛ Yakob ne ye mma ngaa ne b’abusua mukoraa betu bɛhɔle Misraim ɔ Ti 12—50.
Nwomaa ne maa yɛnwu ye pefee kyɛ Nyameɛ yeɛ ɔbɔle wiase ɔ, na wahyɛ yɛ bɔ kyɛ ɔngɔto yɛ asaworam. Nakoso sɔ Nyameɛ komapɛ ne ala obua ndɛen, ɔtwe asoserɛfoɛ so, na ɔboka bɛ bɔ bedi ye dwirɛ so ɔ.
Nu Dwirɛ
Nyameɛ bɔ ewiase ne kuro sona 1.1—2.25
Bɔne ne amaneɛnwunɛ bohyɛlɛ 3.1-24
Fi Adam so kodwu Nowa so 4.1—5.32
Nowa ne nzueyilɛ ne 6.1—10.32
Babilɔn abandenden ne 11.1-9
Fi Sem so kodwu Abram so 11.10-32
Abusua kure mbanyi paa nemɔ: Abraham, Yisake, Yakob 12.1—35.29
Yisɔ boso ama 36.1-43
Yosef ne oliɛma mɔ 37.1—45.28
Yisraelfoɛ wɔ Misraim 46.1—50.26
वर्तमान में चयनित:
Gyenesise BƆ OLI MOA: EBP
हाइलाइट
शेयर
कॉपी
Want to have your highlights saved across all your devices? Sign up or sign in
Esahie Bible © Bible Society of Ghana, 2018.