2 Begyu-dɩrɛ 5से लोकप्रिय बाइबिल छंद

शेयर

Ete ɛkɩ ɛ sara gɛtɛ bee kpèlè wɔ Naaman. È di Aram bɩtà bʋʋ bɛtàlɛ bɔɔndɩrɛ. Aram wogyu-dɩrɛ ee bù wɔ gepepe, gɛ ee sila wɔ, yema ɛwɔ Naaman wo koro gɛ Yahwe ɛ da, gɛ Aram bɩtà bʋʋ bɛtàlɛ be di akpa yii koro. È di gɛ bɩtà bʋʋtàlɛ-dɩrɛ, mɔ ee yeba geyeba-sɩya.

Ɛwʋ gɛ Elisa ɛ sa ɛnɩ ɛ ma dɔ̀ wɔ alan, <<San Yodan getu gaanɩ, fɔ àà kù butu fɔ disere kwarankɩ. Fɔ aa koro-kpaba gaà biri gɩ sara giinundu, gɛ waà kpa wɔ̀ koro dɩdɩɩ.>>

Ɛwʋ gɛ Naaman ɛ waran ɛ san Yodan getu fɔ gaanɩ, gɛ e gyu butu fɔ baanɩ e mulun e ye disere kwarankɩ, anlɛ gɛtɛ Elisa e wùlà wɔ fɔ, gɛ e wura geyeba gɩɩ gɛkya. Wo koro gi biri gi sara giinundu gɛ gi fere anlɛ ebi-sorobi wo koro-kpaba.

Mɔ Naaman ɛ ka owurufa e kpe e ye wakʋn gɛ ɛ dɔ̀ alan, <<I fi ɩ nya! Ǹ nyɩ̀ alɛ Wurubwarɛ wɔtabʋrʋlɛ fɔ eè ye e be yela mɩɩn bʋnʋn, fɔ èè tiri onyun tɛ Yahwe, wo Wurubwarɛ fɔ, fɔ ɛ̀ɛ̀ ka gʋlɔ wùlà geyeba sɩya fɔ, fɔ ɛ̀ɛ̀ kya mɩ geyeba fɔ.

Ɛwʋ gɛ wɔ bɛsaranyan be kpe bɛ gbɛma wɔ, gɛ bɛ dɔ̀ wɔ alan, <<Miinfonte, Gengyi ade ma ɔkɛma ɩkɩ gɛ Wurubwarɛ wɔtabʋrʋlɛ fɔ ɛ̀ daà dɔ̀ wɔ̀ alɛ mɛ fɔ, an daà mɛ yɩ? Anʋn yii koro gɛ aan talɩ a bɔ a kù anlɛ gɛtɛ ɛ dɔ̀ fɔ, fɔ àà wura geyeba gɩɩ gɛkya?>>

Duwi dɩkɩ ɛsʋgʋgyan-bi fɔ ɛ dɔ̀ wofona alan, <<Gengyi miinfonte ɛ̀ ka koro ɛ ma wùlà Wurubwarɛ wɔtabʋrʋlɛ gɛtɛ ɛ̀ sa Samariya fɔ, ɛɛ̀ kya wɔ geyeba sɩya nyagɩ.>>