མཛད་པ། 22
22
ལེའུ་ཉི་ཤུ་རྩ་གཉིས།
ཕོལ་ལོལ་གྱིས་རང་སྐྱོབ་ཀྱི་གཏམ་བཤད་པ།
1དེ་ནས་ཕོལ་ལོལ་གྱིས་མི་ཚོགས་དེ་ཀྱ་ལེ། ཁྱེད་རྒན་མི་དིང་སྤུན་ཟླ་ཀྱ། ད་ལྟ་ངས་ཁྱེད་ཀྱ་ལེ་འདི་རུ་གནས་ཚུལ་ཅི་བྱུང་བའི་སྐོར་ལེ། གསལ་བཤད་བགྱིད་ཀྱི་ཡིན་གསན་རོགས་དང་ཟིན་ཞུས་ཕེན། 2མི་ཚོགས་དེ་ཀྱ་ཀྱིས་ཕོལ་ལོལ་གྱིས་ཡ་ཧུ་དཱ་པའི་སྐད་ནང་ལེ་ལབ་ཟེར་རི་ཐོས་ཏེ་ཁུ་སིམ་མེས་བསྡད་དི་དིག དེ་ནས་ཕོལ་ལོལ་གྱིས་མི་ཚོགས་དེ་ཀྱ་ལེ། 3ང་ནི་ཡ་ཧུ་དཱ་པ་ཞིག་ཡིན་དི་མ་ཟད། ང་སྐྱེས་ས་དེ་ནི་ཀི་ལིག་ཡཱ་ཟེར་རི་ལུང་པའི་ཊར་སཱུ་རྒྱལ་ས་དེ་ཡིན། ཡིན་ནའང་། ཡེ་རུ་ས་གླིང་རྒྱལ་ས་ལེ་ཚར་ལོང་བྱུང་སྟེ། ང་རང་སློབ་དཔོན་གཱ་མཱ་ལི་ཨེལ་གྱི་དྲུང་དུ། འུའི་མེས་མེས་ཀྱ་ཀྱི་ཆོས་ཁྲིམས་དེའི་སྐོར་ལེ་ངས་ཧུར་བརྩོན་བྱས་ཏེ་སྦྱངས་པི་དེ་ནི། ཁྱེད་ཀྱ་ཀྱིས་ཟང་ཧུར་བརྩོན་ཆེན་པོས་ངང་ནས་སྦྱངས་ཏེ། དཀོན་མཆོག་ལེ་དད་གུས་བྱས་པི་ཅོག་འདྲ། ངས་ཟང་དཀོན་མཆོག་ལེ་དད་གུས་བྱས་པི་ཡིན། 4ཡང་ངས་ཡེ་ཤུའི་ཐར་ལམ་འདི་ལེ་ཞུགས་མཁན་མི་ཀྱ་ཀྱི་སྲོག་གཅོད་རྒྱུ་ཆེད་དུ་གནོད་འཚེ་བསྐྱལ་ལི་མ་ཟད། སྐྱེས་ཕོ་མོ་སུ་ཞིག་ལེ་ཡིན་ནའང་། དེ་ཀྱ་ལེ་བཙན་དབང་བཏང་སྟེ་འཛིན་བཟུང་བྱས་ཏེ་བཙོན་ཁང་ལེ་ཟང་བཅུག་མྱོང་འོད། 5གནས་ཚུལ་འདི་ལེ་མཆོད་པ་འབུལ་མཁན་གཙོ་བོ་དིང་། ཆོས་ཀྱི་གྲོས་ཚོགས་རྒན་མི་ཡེ་རེས་ངའི་དཔང་པོ་བགྱིད་ཐུབ་འོད་དིག ཁོང་ཀྱ་ཀྱིས་དཱ་མེ་སེག་རྒྱལ་སའི་ནང་ལེ་འོད་ཡོད་དད་པ་བགྱིད་མཁན་སྤུན་ཟླ་ཀྱ་ལེ་གནོད་འཚེ་གཏོང་ཆོག་གི་ཆོག་མཆན་གྱི་ཡི་གེ་དེ་ང་ལེ་གཏད་འོད་ཕེན། ངས་ཟང་ཡེ་ཤུའི་རྗེས་འབྲང་པ་ཀྱ་ལེ་ལྕགས་ཐག་གིས་བསྡམས་ཏེ་ཡེ་རུ་ས་གླིང་རྒྱལ་ས་ལེ་ཁྲིད་འོངས་ཏེ་ཉེས་ཆད་གཏོང་རྒྱུ་ཆེད་དུ། ངས་དཱ་མེ་སེག་གྱི་རྒྱལ་ས་ལེ་ཕྱིན་དི་ཡིན། 6ཡང་ང་དཱ་མེ་སེག་གི་ཉེ་འགྲམ་ལེ་སླེབས་རྒྱ། དེ་ལོང་མེད་ཉིན་གུང་ཚོད་ལེ་དཀོན་མཆོག་གི་ཞིང་ཁམས་ནས་འོད་ཟེར་ཆེན་པོ་ཞིག་ངའི་ཕྱོགས་བཞི་ལེ་ཤར་ཕེན། 7ང་ས་ལེ་འགྱེལ་བྱུང་། དེ་ནས་གསུང་སྐད་ཞིག་གིས། སོ་ལོ། སོ་ལོ། ཁྱོད་ཀྱིས་ཅི་ལེ་ང་ལེ་གནོད་འཚེ་སྐྱེལ་ལི་ཡིན་དོ་ཟེར་རི་ཐོས་བྱུང་། 8ངས། ཇོ་བོ། ཁྱེད་རང་སུ་ཡིན་དོ་ཟིན་དྲིས་ཏེ། ཁོང་གིས་ང་ནི། ད་ལྟ་ཁྱོད་ཀྱིས་གནོད་འཚེ་སྐྱེལ་ས་ནཱ་ཙ་རེལ་ཡུལ་གྱི་ཡེ་ཤུ་ཟེར་མཁན་དེ་ཡིན་ཟིན་གསུངས་བྱུང་། 9ངའི་ལམ་རོགས་ཀྱ་ཀྱིས་ཟང་འོད་ཟེར་དེ་མཐོང་ནའང་། ང་ལེ་གསུངས་པའི་སྒྲ་དེའི་དོན་དག་དེ་ཁོང་ཀྱ་ཀྱིས་ཧ་མ་གོ་པི་དིག 10ཡང་ངས། ཇོ་བོ། ངས་ཅི་བགྱིད་དགོས་འོད་དི་གོ་ཟིན་ཞུས་ཏེ། ཁོང་གིས་ཁྱོད་རང་ཡར་ལངས་ཏེ་དཱ་མེ་སེག་རྒྱལ་ས་ལེ་རྒྱུགས་དང་། དེ་རུ་ངས་ཁྱོད་ལེ་ཅི་བགྱིད་དགོས་འོད་མེད་དེ་སྟོན་གྱི་དིག་ཟིན་གསུངས་བྱུང་། 11ཡིན་ནའང་། འོད་ཟེར་ཆེན་པོ་དེའི་རྐྱེན་གྱིས་ངའི་མིག་མཐོང་རྒྱུ་མེད་མེད་བྱུང་ཕེན། ལམ་རོགས་ཀྱ་ཀྱིས་ངའི་ལག་ག་ནས་འཇུས་ཏེ་དཱ་མེ་སེག་ལེ་འཁྲིད་རོགས་བྱས་བྱུང་།
12རྒྱལ་ས་དེ་རུ་མིང་ལེ་ཨ་ནན་ཡཱ་ཟེར་མཁན་མི་ཞིག་འོད་དིག ཁོ་རང་ཆོས་ཁྲིམས་ཅོག་འདྲ་ཆོས་སེམས་ཆེན་པོ་འོད་དི་མ་ཟད། རྒྱལ་ས་དེ་རུ་སྡོད་མཁན་ཡ་ཧུ་དཱ་པ་ཀྱ་ཀྱིས་ཟང་། ཁོང་ལེ་བརྩི་བཀུར་བགྱིད་འོད་དིག 13དེ་ནས་ཁོང་རང་ངའི་རྩ་ལེ་འོངས་ཏེ། ཨ་ཇོ་སོ་ལོ། ཁྱོད་ཀྱི་མིག་མཐོང་ནུས་པར་ཤོག་ཟིན་སྨྲས་ལོང་མེད། ངའི་མིག་མཐོང་རྒྱུ་འོད་ཡོད་བྱུང་སྟེ། ངས་ཁོང་མཐོང་བྱུང་། 14དེ་ནས་ཁོང་གིས་ང་ལེ། འུའི་མེས་མེས་ཀྱ་ཀྱི་དཀོན་མཆོག་གི་ཐུགས་དགོངས་དེ་ཧ་གོ་རྒྱུ་དིང་། སྐྱེས་བུ་རྣམ་དག་པ་ཁོང་མཇལ་རྒྱུ་ཡིན་དི་མ་ཟད། ཁོང་གི་གསུང་སྐད་དེ་ཐོས་རྒྱུ་ཆེད་དུ་ཁྱོད་རང་བདམས་གནང་པི་དིག 15ཅི་ལེ་ཟེར་ནི། ཁྱོད་ཀྱིས་ཅི་མཐོང་པི་དིང་ཅི་ཐོས་པི་དེ་ཀྱ་མི་ཡེ་རེ་ལེ་བཤད་དེ། ཁོང་ལེ་བདེན་དཔང་བགྱིད་རྒྱུ་ཆེད་དུ་ཡིན་དིག 16ད་ལྟ་ཁྱོད་རང་མགྱོགས་པོ་ཡར་ལོངས་དང་། ཁྱོད་ཀྱི་སྡིག་ཉེས་དེ་གསལ་རྒྱུ་ཆེད་དུ་ཡེ་ཤུའི་མཚན་ནང་ལེ་ཁྲུས་གསོལ་གྱིས་ཤིག་ཟིན་སྨྲས་བྱུང་།
17དེའི་རྗེས་ལེ་ང་ཡང་དང་ཕར་རང་འཇགས་ཡེ་རུ་ས་གླིང་རྒྱལ་ས་ལེ་ལོག་ཕྱིན་ཏེ། མཆོད་ཁང་ཆེན་མོ་ལེ་གསོལ་བ་སྨོན་ལམ་འདེབས་རྒྱ་ང་ལེ་ཞལ་གཟིགས་གནང་སྟེ། 18ཁྱོད་ཀྱིས་ང་ལེ་བདེན་དཔང་བྱས་པི་དེ་ལེ། མི་ཀྱ་ཀྱིས་ཁས་ལེན་མི་བགྱིད་འོད་ཕེན། ད་ཁྱོད་རང་མགྱོགས་པོ་ཡེ་རུ་ས་གླིང་རྒྱལ་ས་ནས་ཐོན་ཏེ་རྒྱུགས་ཤིག་ཟིན་གསུངས་བྱུང་། 19དེ་ནས་ངས་ཇོ་བོ་ལེ། དེ་སྔོན་ངས་ཁྱེད་ལེ་དད་པ་བགྱིད་མཁན་མི་ཀྱ་ཚོགས་ཁང་རེ་རེ་ནང་ལེ་ཉེས་རྡུང་བཏང་སྟེ་བཙོན་ཁང་ལེ་བཅུག་པི་ཡིན། དོན་དེའི་སྐོར་ལེ་ཡ་ཧུ་དཱ་པ་ཀྱ་ཀྱིས་དགའ་མོ་ཧ་གོ་འོད་དི་མ་ཟད། 20མི་ཀྱ་ཀྱིས་ཁྱེད་ལེ་དཔང་པོ་བགྱིད་མཁན་སེ་ཏེ་ཕཱན་ལེ་རྡོ་རུབ་བཏང་སྟེ་གསོད་རྒྱ། ངས་ཟང་མོས་མཐུན་བྱས་ཏེ་དེ་རུ་བསྡད་དེ། ཁོང་ཀྱ་ཀྱི་ཁ་གྱོན་དེ་ཟང་ངས་བསྲུངས་པི་ཡིན་ཟིན་ཞུས་པི་ཡིན།#22.20 སྐུ་ཚབ་ཀྱ་ཀྱིས་མཛད་པ་ལེའུ་ 7 ཨང་ 58 ནང་ལེ་གཟིགས་རོགས། 21ཡིན་ནའང་། ཇོ་བོ་དཀོན་མཆོག་གིས་ང་ལེ། ད་ཁྱོད་རང་རྒྱུགས་དང་། ངས་ཁྱོད་རང་ཡ་ཧུ་དཱ་པ་མིན་པའི་ཐག་རིང་གི་ཕྱིའི་མི་ཀྱ་འོད་ས་ལེ་རྫོངས་ཀྱི་ཡིན་ཟིན་གསུངས་བྱུང་ཟིན་སྨྲས་པི་དིག
ཕོལ་ལོལ་རོ་མཱའི་མི་སེར་ཡིན་དི་སྐོར།
22དེ་ནས་ཕོལ་ལོལ་གྱིས་སྨྲས་པའི་ལབ་དེ་མི་ཚོགས་དེ་ཀྱ་ཀྱིས་ཐོས་ལོང་མེད་སྐད་ཆེན་པོ་བརྒྱབ་ཏེ། མི་འདི་སོད་ཅིག མི་འདི་ཅོག་འདྲ་ཞིག་འཇིག་རྟེན་འདི་རུ་གསོན་པོ་སྡོད་མི་འོས་པ་ཞིག་ཡིན་དིག་ཟིན། 23ངར་སྐད་རྒྱག་གི་མ་ཟད། ཁ་གྱོན་བུད་དེ་གནམ་ལེ་ཐལ་བ་གཏོར་གྱོ་འོད་དིག 24དེ་ནས་དམག་མི་སྟོང་དཔོན་གྱིས་ཕོལ་ལོལ་དམག་ཁང་ནང་ལེ་འཁྲིད་དུ་བཅུག་པི་མ་ཟད། མི་ཚོགས་ཀྱིས་ཕོལ་ལོལ་ལེ་ངར་སྐད་རྒྱག་དགོས་དོན་ཅི་ཡིན་མིན་དེ་ཧ་མ་གོ་ཕེན། ཁོ་ལེ་ལྕག་ཚན་གཞུས་ཏེ། མི་ཚོགས་ཀྱ་ཀྱིས་ཁོ་ལེ་འདི་གི་འུར་སྒྲ་རྒྱག་དགོས་དོན་ཅི་ཡིན་མིན་གྱི་སྐོར་ལེ་འདྲི་གཅོད་བགྱིད་དགོས་པའི་བཀའ་གནང་པི་དིག 25དེ་ནས་ཕོལ་ལོལ་བསྡམས་ཏེ་ལྕག་ཚན་གཞུ་རྒྱ། ཕོལ་ལོལ་གྱིས་རང་གི་མདུན་ལེ་ལངས་འོད་ཡོད་དམག་མི་བརྒྱ་དཔོན་ཁོང་ལེ། ཁྱེད་ཀྱ་ཀྱིས་ཁྲིམས་ཅོག་འདྲ། རོ་མཱའི་མི་སེར་ཞིག་ལེ་ཉེས་པ་འོད་མེད་ཅི་གང་ཧ་མ་གོ་སྟེ་ལྕག་ཚན་གཞུ་ཆོག་གྱོ་འོད་དི་གས་ཟིན་ཞུས་པི་དིག 26དེ་ནས་དམག་མི་བརྒྱ་དཔོན་ཁོས་ལབ་དེ་ཐོས་ཕེན། དམག་མི་སྟོང་དཔོན་གྱི་དྲུང་དུ་འོངས་ཏེ། མི་འདི་ནི་རོ་མཱའི་མི་སེར་ཞིག་ཡིན་དིག ད་ཁྱེད་ཀྱིས་ཅི་གི་བགྱིད་ཀྱི་དོ་ཟིན་ཞུས་པི་དིག 27དེ་ནས་དམག་མི་སྟོང་དཔོན་ཁོ་རང་ཕོལ་ལོལ་འོད་ས་ལེ་འོངས་ཏེ། ཁྱོད་རོ་མཱའི་མི་སེར་ཞིག་ཡིན་དས། ང་ལེ་ཤོད་ཅིག་སྨྲས་ཕེན། ཕོལ་ལོལ་གྱིས་ང་ནི་ངོ་ཐོག་རོ་མཱའི་མི་སེར་ཞིག་ཡིན་ཟིན་སྨྲས་པི་དིག 28ཡང་དམག་མི་སྟོང་དཔོན་ཁོས་ང་རང་ཟང་དངུལ་མང་པོ་གཏད་དེ་རོ་མཱའི་མི་སེར་གྱི་ཁོངས་གཏོགས་ལེ་འོད་ཡོད་མི་ཞིག་ཡིན་ཟིན་སྨྲས་པི་དིག དེ་ནས་ཕོལ་ལོལ་གྱིས་ང་རང་ནི་སྐྱེས་དུས་ནས་ཕེན་རོ་མཱའི་མི་སེར་ཞིག་ཡིན་ཟིན་སྨྲས་པི་དིག 29དེ་ལོང་མེད་ཕོལ་ལོལ་ལེ་འདྲི་གཅོད་བགྱིད་མཁན་དམག་མི་ཀྱ་ཟང་། ཕོལ་ལོལ་མདུན་ནས་ཕར་ཚོད་ཕྱི་ནུས་བརྒྱབ་པི་དིག དེ་ནས་དམག་མི་བརྒྱ་དཔོན་ཁོས་ཟང་། ཕོལ་ལོལ་ནི་རོ་མཱའི་མི་སེར་ཞིག་ཡིན་དི་ཧ་གོ་པི་མ་ཟད། ཐག་པས་བསྡམས་འོད་ཕེན་འཁྱར་སྣང་ཆེན་པོ་བྱུང་པི་དིག#22.29 ཁྲིམས་ར་ལེ་འདྲི་གཅོད་མ་བྱས་ཏེ་བཙོན་ལེ་འཇུག་རྒྱུ་དེ་ནི། རོ་མཱ་གོང་མའི་རྒྱལ་ཁབ་ཀྱི་ཁྲིམས་ནང་ལེ། ཁྲིམས་འགལ་ཡིན་དིག 30དེའི་སྔ་དྲོ་ཡ་ཧུ་དཱ་པ་ཀྱ་ཀྱིས་ཕོལ་ལོལ་ལེ་ནག་ཉེས་བཙུགས་པའི་རྒྱུ་མཚན་དེ་ཅི་ཡིན་དི་དམག་མི་སྟོང་དཔོན་གྱིས་ཧ་གོ་ཕེན། ཕོལ་ལོལ་བཙོན་ཁང་ནས་གློད་བཀྲོལ་བཏང་པི་མ་ཟད། ཡ་ཧུ་དཱ་པའི་མཆོད་པ་འབུལ་མཁན་ཀྱ་དིང་། ཡང་ཆོས་ཀྱི་གྲོས་ཚོགས་ཀྱི་མི་ཡེ་རེ་འཛོམས་དགོས་པའི་བཀའ་གནང་སྟེ། ཕོལ་ལོལ་མི་ཚོགས་དེ་ཀྱ་ཀྱི་མདུན་ལེ་འཁྲིད་དུ་བཅུག་པི་དིག །
נבחרו כעת:
མཛད་པ། 22: DLPO
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
© 2023 Wycliffe Bible Translators, Inc. All rights reserved.