མཛད་པ། 16

ལེའུ་བཅུ་དྲུག

ཕོལ་ལོལ་དིང་སི་ལཱ་ཁོ་གཉིས་ཀྱི་སྐྱེན་ལེ་ཐི་མོ་ཐེ་འགྲོ་བ།

1དེ་ནས་ཡང་ཕོལ་ལོལ་དིང་སི་ལཱ་ཁོ་གཉིས་ཌེར་སྦེ་ཟེར་རི་རྒྱལ་ས་ནས་ལིས་ཏྲཱ་རྒྱལ་ས་ལེ་འགྲོ་རྒྱ། དེ་རུ་སྐྱབས་མགོན་ཡེ་ཤུ་ལེ་དད་པ་བགྱིད་མཁན་ཐི་མོ་ཐེ་ཟེར་མཁན་མི་ཞིག་འོད་དིག ཁོའི་ཨ་མ་ནི་སྐྱབས་མགོན་ཡེ་ཤུ་ལེ་དད་པ་བགྱིད་མཁན་ཡ་ཧུ་དཱ་པ་ཞིག་ཡིན་དིག ཁོའི་ཨ་ཀྱི་ནི་གེ་རིག་པ་ཞིག་ཡིན་དིག 2ལིས་ཏྲཱ་དིང་ཨི་ཀོན་ཡཱ་རྒྱལ་ས་ལེ་འོད་ཡོད་དད་པ་བགྱིད་མཁན་སྤུན་ཟླ་ཀྱ་ཀྱིས་ཁོ་ལེ་བསྟོད་ར་བཏང་པི་དིག 3ཡང་ཕོལ་ལོལ་གྱིས་ཐི་མོ་ཐེ་ཁོ་རང་གི་སྐྱེན་ལེ་ཆོས་སྤེལ་དུ་འཁྲིད་འདོད་འོད་ཕེན། ཕོལ་ལོལ་གྱིས་ཁོ་ལེ་ཡ་ཧུ་དཱ་པའི་ཆོས་ཀྱི་རྟགས་རྒྱག་ཏུ་བཅུག་པི་དིག ཅི་ལེ་ཟེར་ནི། ཡུལ་དེ་ལེ་ཡ་ཧུ་དཱ་པ་མང་པོ་འོད་དི་མ་ཟད། མི་དེ་ཀྱ་ཀྱིས་ཟང་ཐི་མོ་ཐེའི་ཨ་ཀྱི་ནི་གེ་རིག་པ་ཞིག་ཡིན་དི་ཧ་གོ་འོད་དིག 4དེ་ནས་ཁོང་གསུམ་པོ་རྒྱལ་ས་ཀྱ་བརྒྱུད་ནས་འགྲོ་རྒྱ། ཡེ་རུ་ས་གླིང་རྒྱལ་སའི་སྐུ་ཚབ་དིང་འགན་འཁུར་པ་ཀྱ་ཀྱིས་ཐག་གཅོད་བྱས་པའི་བཀའ་དེ་དད་པ་བགྱིད་མཁན་ཀྱ་ལེ་བཏད་དེ་བསྲུང་དུ་བཅུག་པི་དིག 5འོ་དེ་ལེ་བརྟེན་ཏེ། ཆོས་ཚོགས་ཀྱ་ཀྱིས་ཟང་དད་པ་བརྟན་པོ་བགྱིད་དི་མ་ཟད། མི་གྲངས་ཟང་ཉིན་རེ་བཞིན་དུ་མང་པོ་འཕེལ་ལི་དིག

ཕོལ་ལོལ་གྱིས་མཱ་ཀེ་དོན་ཡཱ་ལུང་པ་ལེ་ཞལ་གཟིགས་མཐོང་བ།

6དཀོན་མཆོག་གི་ཐུགས་ཉིད་ཀྱིས་ཁོང་ཀྱ་ལེ་ཨེ་ཞེ་ཡཱ་ལུང་པ་ལེ་དཀོན་མཆོག་གི་བཀའ་ཤོད་དུ་མ་བཅུག་ཕེན། ཁོང་ཀྱ་ཕ་རུག་ཡཱ་དིང་ག་ལད་ཡཱའི་ས་ཆ་དེ་གཉིས་ཀྱི་ས་མཚམས་ལེ་བུད་དིག 7ཡང་ཁོང་ཀྱ་མོ་སི་ཡཱ་ས་མཚམས་ནས་བྱས་ཏེ་པི་ཐིན་ཡཱ་ལུང་པ་ལེ་འགྲོ་འདོད་བྱུང་ནའང་། ཇོ་བོ་ཡེ་ཤུའི་ཐུགས་ཉིད་ཀྱིས་འགྲོ་རུ་མ་བཅུག་ཕེན། 8ཁོང་ཀྱ་མོ་སི་ཡཱ་ས་ཆ་བརྒྱུད་ནས་ཏྲོ་ཡཱ་རྒྱལ་ས་ལེ་བསླེབས་པི་དིག 9ས་ཆ་དེ་རུ་ཉིན་མ་གཅིག་སྡོད་རྒྱ། མ་ཀེ་དོན་ཡཱ་ལུང་པའི་མི་ཞིག་ཕོལ་ལོལ་གྱི་མདུན་དུ་ལངས་ཏེ། ཁྱོད་རང་མ་ཀེ་དོན་ཡཱ་ལུང་པ་ལེ་འོངས་ཏེ། ཉེད་ཀྱ་ལེ་རོགས་རམ་བགྱིད་རོགས་ཟིན་ཞུ་བ་ཕུལ་ལི་ཞལ་གཟིགས་ཞིག་མཐོང་པི་དིག 10ཞལ་གཟིགས་དེ་མཐོང་པི་རྗེས་ལེ། ད་འོ་རང་ཀྱ་མགྱོགས་པོ་མཱ་ཀེ་དོན་ཡཱ་ལུང་པ་ལེ་འགྲོ། ཅི་ལེ་ཟེར་ནི། དཀོན་མཆོག་གིས་འུ་ཀྱ་ནི་མ་ཀེ་དོན་ཡཱ་ལུང་པའི་མི་ཀྱ་ལེ་སྐྱབས་མགོན་ཡེ་ཤུའི་གཏམ་བཟང་ཤོད་རྒྱུ་ཆེད་དུ་སྐད་བཏང་གནང་པི་ངས་ཧ་གོ་བྱུང་ཟིན་སྨྲས་པི་དིག

ལི་དི་ཡཱ་ཟེར་མཁན་བུ་མའ་ཞིག་དད་པ་བྱས་པ།

11དེ་ནས་ཉེད་ཀྱ་ཏྲོ་ཡཱ་རྒྱལ་ས་ནས་གྲུ་གཟིངས་ལེ་བཞོན་ཏེ། ཤར་རེ་སཱ་མོ་ཏྲེ་ཀེ་གླིང་ཕྲན་ལེ་སླེབས་པི་དིག དེ་ནས་དེའི་སྔ་དྲོ། ནེ་ཨ་པོ་ལི་ཟེར་རི་རྒྱལ་ས་ལེ་སླེབས་པི་དིག 12དེ་ནས་ཕི་ལིབ་པི་རྒྱལ་ས་ལེ་ཕྱིན་དི་ཡིན། རྒྱལ་ས་དེ་ནི་མ་ཀེ་དོན་ཡཱ་ལུང་པའི་རྒྱལ་ས་ཆེ་ཤོས་ཞིག་ཡིན་དི་མ་ཟད། རྒྱལ་ས་དེ་ནི་རོ་མཱ་གོང་མའི་རྒྱལ་ཁབ་ཀྱི་ཁོངས་གཏོགས་ལེ་འོད་དིག དེ་ནས་ཉེད་ཀྱ་རྒྱལ་ས་དེ་རུ་ཉིན་ཁ་ཤས་བསྡད་དི་ཡིན། 13ཡང་ངལ་གསོ་བའི་ཉིན་མ་ལེ། ཉེད་ཀྱ་རྒྱལ་ས་དེའི་རྒྱལ་སྒོའི་ཕྱི་ལེ་ཕྱིན་ཏེ། ཆུ་འགྲམ་དུ་གསོལ་བ་འདེབས་ས་ཞིག་འོད་ཀྱི་དིག་བསམས་ཏེ་ཕྱིན་དི་ཡིན། དེ་ནས་ཉེད་ཀྱ་ས་ཆ་དེ་རུ་སླེབས་ཏེ་སྡོད་རྒྱ། ས་ཆ་དེ་རུ་འཛོམས་འོད་ཡོད་བུ་མའ་ཀྱ་ལེ་ཡེ་ཤུའི་སྐོར་གྱི་གཏམ་གླེང་བྱས་པི་ཡིན། 14ཡང་དེ་རྒྱ་ས་ཆ་དེ་རུ་གོས་ཅན་རྒྱ་སྨུག་འཚོང་མཁན་མིང་ལེ་ལི་དི་ཡཱ་ཟེར་མཁན་བུ་མའ་ཞིག་འོད་དིག མོ་ནི་ཐི་ཡ་ཏེ་རཱ་རྒྱལ་ས་ནས་ཡིན་དིང་། ཡང་ཆོས་སེམས་ཟང་ཆེན་པོ་འོད་ཡོད་དི་མ་ཟད་། ཉེད་ཀྱ་ཀྱིས་ཡེ་ཤུའི་སྐོར་གྱི་གཏམ་གླེང་བྱས་པི་དེ་ལེ་མོས་ཉན་པི་དིག ཡང་དཀོན་མཆོག་གིས་ཟང་མོའི་བློ་སེམས་ཁ་ཕྱེ་གནང་ཕེན། ཕོལ་ལོལ་གྱིས་བཤད་དི་གཏམ་གླེང་དེ་ལེ་མོས་ཡིད་ཆེས་བྱས་ཏེ་དད་པ་བྱས་པི་དིག 15དེ་ནས་མོ་དིང་མོའི་ནང་མི་ཀྱ་ལེ་ཁྲུས་གསོལ་བྱས་ཚར་རི་རྗེས་ལེ། མོས་ཉེད་ཀྱ་ལེ། གལ་སྲིད་ཁྱེད་ཀྱ་ཀྱིས་ང་ཇོ་བོ་ཡེ་ཤུ་ལེ་དད་པ་བྱས་པི་དེ་ལེ་ཡིད་ཆེས་འོད་ནི། ངའི་ནང་ལེ་མགྲོན་པོ་ཕེབས་ཏེ། ཉིན་མ་ཁ་ཤས་བཞུགས་རོགས་གནང་ཟིན་ཉེད་ཀྱ་ལེ་ཨུ་ཚུག་མང་པོ་བྱས་ཏེ་འཁྲིད་བྱུང་།

ཕོལ་ལོལ་དིང་སི་ལཱ་བཙོན་ལེ་བཅུག་པ།

16འོ་དེའི་རྗེས་ལེ་ཡང་ཉིན་མ་ཞིག་ཉེད་ཀྱ་གསོལ་བ་སྨོན་ལམ་འདེབས་ས་ལེ་འགྲོ་རྒྱ། གདོན་འདྲེ་ཞུགས་པའི་རྐྱེན་གྱི་གདོན་འདྲེའི་བརྒྱུད་ནས་མ་འོངས་པའི་དུས་ལེ། ཅི་འོང་མི་འོང་སྐོར་ལེ་མོ་རྒྱག་མཁན་གཡོག་མོ་ཞིག་ཉེད་ཀྱ་ལེ་ཐུག་བྱུང་། མོས་མོ་བརྒྱབ་སྟེ་རང་གི་བདག་པོ་ལེ་རྒྱུ་ནོར་མང་པོ་འབུལ་གྱོ་འོད་དིག 17ཡང་མོ་རང་ཕོལ་ལོལ་དིང་ཉེད་ཀྱ་ཀྱི་རྗེས་ལེ་འབྲངས་ཏེ་སྐད་ཆེན་པོས་ངང་ནས། མི་འདི་ཀྱ་ནི་བླ་ན་མེད་པའི་དཀོན་མཆོག་གི་ཞབས་ཕྱི་ཡིན་དི་མ་ཟད། ཁྱེད་ཀྱ་ལེ་ཐར་བའི་ལམ་སྟོན་བགྱིད་མཁན་ཡིན་དིག་ཟིན་ཟེར་ལས་ཟེར་ལས་བྱས་པི་དིག 18ཡང་མོས་འོ་དེ་གི་ཟིན་ཉིན་གྲངས་འུར་བརྒྱབ་ཕེན། ཕོལ་ལོལ་སུན་སྣང་ཆེན་པོ་བྱུང་སྟེ། ཁ་ཚུར་བསྐོར་ཏེ་མོའི་ཁོག་ལེ་ཞུགས་འོད་ཡོད་གདོན་འདྲེ་དེ་ལེ། སྐྱབས་མགོན་ཡེ་ཤུའི་མཚན་ནང་ནས་ཁྱོད་མོའི་ཁོག་ནས་ཕྱི་ལེ་ཐོན་ལེད་ཟིན་སྨྲས་ལོང་མེད། གདོན་འདྲེ་དེ་མོའི་ཁོག་ནས་ཐོན་བུད་དི་དིག 19དེ་ནས་མོའི་བདག་པོ་ཀྱ་ཀྱིས་ད་མོའི་བརྒྱུད་ནས་རྒྱུ་ནོར་འབྱོར་རྒྱུ་རེ་བ་མེད་དི་མཐོང་སྟེ། ཕོལ་ལོལ་དིང་སི་ལཱ་ཁོ་གཉིས་འཛིན་བཟུང་བྱས་ཏེ། རྒྱལ་སའི་ཁྲོམ་སྲང་ལེ་འོད་ཡོད་དཔོན་པོ་དེ་ཀྱ་ཀྱི་མདུན་དུ་བཙན་དབང་བཏང་སྟེ་དྲུད་དི་དིག 20དེ་ནས་ཁོང་ཀྱ་ཀྱིས་ཁོ་གཉིས་ཁྲིམས་དཔོན་གྱི་དྲུང་དུ་འཁྲིད་དེ། མི་འདི་ནི་ཡ་ཧུ་དཱ་པ་ཡིན་དི་མ་ཟད། འུའི་རྒྱལ་སའི་ནང་ལེ་ཟིང་ཆ་བསླངས་ཏེ། 21འུ་རོ་མཱའི་ཡུལ་ཁྲིམས་དིང་ལུགས་སྲོལ་ཅོག་འདྲ་བགྱིད་མི་ཆོག་འོད་ཟིན་འདུག་ཟིན་སྨྲས་པི་དིག 22ཡང་མི་ཚོགས་ཀྱ་ཀྱིས་ཟང་རུབ་སྟེ་ཁོ་གཉིས་ལེ་ངོ་ལོག་བྱས་པི་མ་ཟད། ཁྲིམས་དཔོན་ཀྱ་ཀྱིས་ཁོང་གཉིས་ཀྱི་གོས་ལག་བུད་དེ་རྒྱུག་རྡུང་གཞུས་ཤིག་ཟིན་བཀའ་གནང་པི་དིག 23ཡང་ཁོང་གཉིས་ལེ་རྒྱུག་རྡུང་མང་པོ་བཞུས་རི་རྗེས་ལེ་བཙོན་ལེ་བཅུག་སྟེ། བཙོན་ཁང་སྲུང་མཁན་དམག་དཔོན་ཁོ་ལེ་དགའ་མོ་བྱས་ཏེ་སྲུངས་ཤིག་ཟིན་བཀའ་བཏང་པི་དིག 24དེ་ནས་བཀའ་གསུང་ཅོག་འདྲ། བཙོན་ཁང་སྲུང་མཁན་དམག་དཔོན་ཁོས་ཟང་། ཁོ་གཉིས་བཙོན་ཁང་གི་ཕུགས་ལེ་བཅུག་ཏེ་རྐང་པ་ལེ་ཤིང་སྒྲོག་བརྒྱབ་སྟེ་བོར་རི་དིག

25ཡང་མཚན་ཕྱེད་ཀ་ཚོད་ཕོལ་ལོལ་དིང་སི་ལཱ་ཁོ་གཉིས་ཀྱིས་དཀོན་མཆོག་ལེ་གསོལ་བ་སྨོན་ལམ་འདེབས་པི་དིང་། བསྟོད་གླུ་འབུལ་གྱོ་འོད་ཕེན། བཙོན་པ་གཞན་མ་ཀྱ་ཀྱིས་ཟང་བསྟོད་གླུ་དེ་ལེ་ཉན་བསྡད་འོད་དི་དིག 26དེ་ལོང་མེད་ས་འགུལ་ཤུགས་ཆེན་པོ་ཞིག་བརྒྱབ་ཕེན། བཙོན་ཁང་གི་རྨང་གཞི་ཟང་འཁྲུགས་པི་མ་ཟད། བཙོན་ཁང་གི་སྒོ་ཡེ་རེ་ཟང་ཕྱེ་འོང་ཕེན། བཙོན་པ་ཀྱ་ཀྱི་རྐང་ལག་ལེ་འོད་ཡད་ལྕགས་ཐག་དེ་ཟང་དེ་ལོང་མེད་གྲོལ་ལི་དིག 27ཡང་བཙོན་ཁང་སྲུང་མཁན་ཀྱ་གཉིད་སད་རྒྱ། བཙོན་ཁང་གི་སྒོ་ཡེ་རེ་གདང་ངེ་འོད་དི་མཐོང་སྟེ། ད་བཙོན་པ་ཡེ་རེ་བྲོས་ཚར་རི་དིག་བསམས་ཏེ་རལ་གྲི་བཏོན་ཏེ། རང་གིས་རང་ལེ་སྲོག་རྒྱུ་བྱས་པི་དིག 28ཡིན་ནའང་། ཕོལ་ལོལ་གྱིས་སྐད་ཆེན་པོས་ངང་ནས་ཁྱེད་ཀྱ་རང་གིས་རང་ལེ་མ་གསོད་ཅིག ཉེད་ཡེ་རེ་རང་སོ་སོའི་སྡོད་ས་ལེ་བསྡད་འོད་ཟིན་སྨྲས་པི་དིག 29དེ་ནས་བཙོན་ཁང་སྲུང་མཁན་གྱིས་མི་གཞན་མ་ཞིག་ལེ། མཆོད་མེ་འཁྱེར་ལེད་སྨྲས་ཏེ། རང་བཙོན་ཁང་ནང་ལེ་འདར་འཁྲུག་འཁྲུགས་ངང་ནས་མགྱོགས་པོ་འོངས་ཏེ། ཕོལ་ལོལ་དིང་སི་ལཱ་ཁོ་གཉིས་ཀྱི་མདུན་དུ་བརྐྱངས་ཕྱག་འཚལ་ལི་དིག 30དེ་ནས་ཁོ་གཉིས་བཙོན་ཁང་ནས་ཕྱི་ལེ་འཁྲིད་དེ། ཁོས་ཁོ་གཉིས་ལེ། རྒན། ཐར་བ་འཐོབ་རྒྱུ་ཆེད་དུ་ངས་ཅི་བགྱིད་དགོས་འོད་དིག་གོ་ཟིན་དྲིས་པི་དིག 31དེ་ནས་ཁོ་གཉིས་ཀྱིས་ཁྱོད་རང་ཇོ་བོ་ཡེ་ཤུ་ལེ་དད་པ་གྱིས། དེ་ནས་ཁྱོད་དིང་ཁྱོད་ཀྱི་ནང་མི་ཡེ་རེ་ལེ་ཐར་བ་འཐོབ་ཀྱི་དིག་སྨྲས་ཏེ། 32ཁོ་གཉིས་ཀྱིས་ཇོ་བོ་དཀོན་མཆོག་གི་བཀའ་ཁོའི་ནང་མི་ཀྱ་ལེ་བཤད་དི་དིག 33ཉིན་དེའི་མཚན་མོ། བཙོན་ཁང་སྲུང་མཁན་ཁོས་ཕོལ་ལོལ་དིང་སི་ལཱ་ཁོ་གཉིས་ཕྱི་ལེ་འཁྲིད་དེ། ཁོ་གཉིས་ཀྱི་གཟུགས་པོ་ལེ་ལྕག་ཚན་བཞུས་པའི་རྨ་དེ་བཀྲུས་ཏེ་སྨན་བཅོས་བྱས་པི་དིག དེ་ལོང་མེད་བཙོན་ཁང་སྲུང་མཁན་ཁོ་རང་དིང་། ཁོའི་ནང་མི་ཡེ་རེ་ལེ་ཁྲུས་གསོལ་བྱས་པི་དིག 34དེ་ནས་བཙོན་ཁང་སྲུང་མཁན་དམག་མི་ཁོས་ཁོ་གཉིས་རང་གི་ཁྱིམ་ལེ་འཁྲིད་དེ་ཕོ་ལེ་བྱས་པི་མ་ཟད། ཁོ་དིང་ཁོའི་ནང་མི་ཡེ་རེས་དཀོན་མཆོག་ལེ་དད་པ་བྱས་པི་དེ་ལེ། ཁོང་རང་དིང་ནང་མི་ཡེ་རེ་དགའ་རི་ཆེན་པོ་འཇུ་གུ་བྱུང་པི་དིག

35ཡང་དེའི་སྔ་དྲོ་ཁྲིམས་དཔོན་ཁོས་རང་གི་དམག་མི་ཀྱ་བརྫངས་ཏེ། མི་དེ་གཉིས་བཙོན་ཁང་ནས་གློད་གྲོལ་གཏོང་ཞིག་ཟིན་བཀའ་གནང་པི་དིག 36ཡང་བཙོན་ཁང་སྲུང་མཁན་དམག་དཔོན་ཁོས་ཟང་གཏམ་དེ་ཐོས་ཕེན། ཕོལ་ལོལ་ལེ། ཁྲིམས་དཔོན་ཀྱ་ཀྱིས་ཁྱེད་གཉིས་བཙོན་ཁང་ནས་གློད་གྲོལ་གཏོང་ཟིན་བཀའ་གནང་བྱུང་། ད་ཁྱེད་གཉིས་བཙོན་ཁང་ནས་བློ་བདེ་མོ་བྱས་ཏེ་ཕེབས་ཤིག་ཟིན་སྨྲས་པི་དིག 37ཡིན་ནའང་། ཕོལ་ལོལ་གྱིས་ཉེད་གཉིས་པོ་ནི་རོ་མཱ་གོང་མའི་རྒྱལ་ཁབ་ཀྱི་མི་སེར་ཞིག་ཡིན་དི་མ་ཟད། ཉེད་གཉིས་ལེ་ནོར་འཁྲུལ་ཅི་གང་མེད་ནའང་། ཁྲིམས་དཔོན་ཀྱ་ཀྱིས་མིའི་མིག་གི་མཐོང་ས་ལེ། ཉེད་གཉིས་ལེ་ཉེས་རྡུང་བཏང་སྟེ་བཙོན་ལེ་བཅུག་པི་དིག ད་ལྟ་གསང་བའི་ངང་ནས་ཉེད་གཉིས་བཙོན་ཁང་ནས་འདོན་དི་ཡིན་དས། འོ་དེ་གི་རྩ་བ་ནས་བགྱིད་མི་ཆོག་འོད། ཁྲིམས་དཔོན་ཁོང་ཀྱ་འདི་རུ་འོང་སྟེ། ཉེད་གཉིས་བཙོན་ཁང་ནས་འདོན་དགོས་འོད་ཟིན་སྨྲས་པི་དིག 38ཡང་བཙོན་ཁང་སྲུང་མཁན་དམག་མི་ཀྱ་ཀྱིས་ཟང་། ཁོ་གཉིས་ཀྱིས་སྨྲས་པའི་ལབ་དེ་ཁྲིམས་དཔོན་ཀྱ་ལེ་ཞུས་ཕེན། ཁོང་ཀྱ་ཀྱིས་ཟང་ཁོ་གཉིས་ནི་རོ་མཱ་གོང་མའི་རྒྱལ་ཁབ་ཀྱི་མི་སེར་ཞིག་ཡིན་དི་ཧ་གོ་སྟེ། འཁྱར་སྣང་ཆེན་པོ་བྱུང་པི་མ་ཟད། 39ཁོ་གཉིས་འོད་ས་ལེ་འོངས་ཏེ་འགྱོད་སེམས་ངང་ནས་སེམས་གསོའི་ཁ་བསྒོས་བཅུག་སྟེ་བཙོན་ཁང་ནས་ཕྱི་ལེ་འཁྲིད་དེ། ཁྱེད་གཉིས་རྒྱལ་ས་འདི་ནས་ཡུལ་གཞན་ལེ་ཕེབས་རོགས་ཟིན་སྨྲས་པི་དིག 40དེ་ནས་ཁོ་གཉིས་བཙོན་ཁང་ནས་ཐོན་ཕེན། ལི་དི་ཡཱ་ཁྱིམ་ལེ་ཕྱིན་ཏེ་ཆོས་གྲོགས་སྤུན་ཟླ་གཞན་མ་ཀྱ་ཟང་ཐུག་པི་དིག དེ་ནས་ཆོས་གྲོགས་འདི་ཀྱ་ལེ་དད་པ་བརྟན་པོ་བྱས་ཏེ་སྡོད་དགོས་པའི་སྐོར་ལེ་ཁ་བསྒོས་བཅུག་སྟེ། ཁོ་གཉིས་རྒྱལ་ས་འདི་རིང་ཁ་བྲལ་ཏེ་བུད་དི་དིག །

נבחרו כעת:

མཛད་པ། 16: DLPO

הדגשה

העתק

השווה

שתפו