2 കൊരിന്ത്യക്കാറാര് 3
3
പുദ്യ ഒപ്പ്‌കെ്ട്ട് പഡ്യുള്ള ബേലെക്കാറാര്
1ബേ്റെ ആള്‌ഗ സെയ്‌ര പാസെ എമ്മ ണിമ്മ് പട്ട്‌ക്ക് ബര്‌ഗാട്ടി എമാണ ഉജാത്തി കാട്ട്‌റ എ്ള്‌ത്ത് ആരാറ്റോഡെ ഏറ്റ് ബരുഡൊ എന്തുണ്ട? ഇല്ലെ ബേ്റെ ആള്‌ഗ പട്ട്‌ക്ക് എമ്മ പോഗാട്ടി ണിമ്മോഡെ ഇര്‌ന്ത് അച്ച്‌ള എ്ള്‌ത്ത് ഏറ്റ് പോഡൊ എന്തുണ്ട? 2എമ്മ സാമിദ് ബേലെക്കാറാര് എന്ത് കാട്ട്യ ഒരു എ്ള്‌ത്ത്‌ദ്‌മ് തേവില്ലെ. എന്ത്‌ക്കെന്റ ണിമ്മ്‌ദ് പെ്ളേപ്പ്‌ണ കാണ്‌ഗാട്ടി എമ്മ സാമിദ് ണല്ല ബേലെക്കാറാര് എന്ത് ആള്‌ഗാക്ക് പഡിക്ക്യാമ് ണെപ്പ്‌കെ്ഡേസ്യാമ് മുഡ്യു. 3എമ്മ സെയ്‌ദ ബേലെന പറ്റി ണല്ല കാര്യഗണ സൊല്ലികൊണ്ട് ക്‌റ്‌സ്‌ത്ത് താനെ എ്ള്‌ദിന എ്ള്‌ത്ത്‌ണ പാസെത്തെ ണിമ്മ. ഈ എ്ള്‌ത്ത് മസിലി എ്ള്‌ദിന എ്ള്‌ത്തല്ല, ഉജുറുള്ള സാമിണിഗാല് എ്ള്‌ദിന എ്ള്‌ത്ത്‌ത്തെ. അദ് മോസെ കല്ല് പലാഗേക്കെ എ്ള്‌ദിന എ്ള്‌ത്തല്ല, മന്‌സാര് മനേസ്സ്‌ക്ക് എ്ള്‌ദിന എ്ള്‌ത്ത്‌ത്തെ.
4സാമിത്തെ ക്‌റ്‌സ്‌ത്ത്‌ണ ബെത്ത് എമാക്ക് ഇച്ചെ സൊല്ല്യ ഉള്ള ഒറേപ്പ്‌ണ തന്താദ്. 5എന്ത്‌ക്കെന്റ എമാക്ക് ഇര്‌ക്ക ഉക്കിമെനാലെ എമ്മ ഈ കാര്യഗ സെയ്‌രേര് എന്ത് അല്ല എമ്മ സൊല്ലുറാദ്. സാമിത്തെ ഈ കാര്യഗ സെയ്യ എമാണ ഉക്കിമെ ഉള്ളവാര് ആക്കിനാദ്. 6സാമി എമാണ മന്‌സാരോഡെ ബെത്ത പുദ്യ ഒപ്പ്‌കെ്ട്ട്‌ദ് ബേലെക്കാറാര് ആക്കിനാ്. ഈ ഒപ്പ്‌കെ്ട്ട് എ്ള്‌ദി ബെത്തിര്‌ക്ക സട്ടല്ല, സാമി തന്ന് ണിഗാല്‌ണ കൊഡുക്ക ഒപ്പ്‌കെ്ട്ട്‌ത്തെ ഇദ്. എ്ള്‌ദി ബെത്ത സട്ട സാവു ബര്‌സ്‌ദ്. ആന സാമിണിഗാല് ഒപ്പ്‌കെ്ട്ട് ഉജുറുണ കൊഡുക്ക്‌ദ്.
പുദ്യ ഒപ്പ്‌കെ്ട്ട്‌ദ് മദ്‌പ്പ്
7ആന കല്ല് പലാഗെഗാക്കെ കൊത്തി എ്ള്‌ദി തന്ത പള്യ ഒപ്പ്‌കെ്ട്ട്‌ണ മീ്റി ണഡാന്ത അദ് സാവു ബര്‌സ്‌ദ്. ഈ സട്ടണ മോസെ എ്ഡ്‌ത്ത് ബര്‌ഗാട്ടി ഇസ്‌റേല് ആള്‌ഗാക്ക് ണോഡ്യ മുഡ്യാത്തത്താറ ബെ്ഡിപ്പ് മോസെ മൂഞ്ചിലിര്‌ന്ത്‌ദ്. പ്‌റ അദ് കൊറേന്ത് പോയികൊണ്ടെ ഇര്‌ന്ത്‌ദ്. 8അച്ചാനാക്കി സാമിണിഗാല്‌ദ് പുദ്യ ഒപ്പ്‌കെ്ട്ട് ബെ്ഡിപ്പുള്ളാദ് ആയിര്‌ക്കു. എന്ത്‌ക്കെന്റ അദ് ഉജുറുണ കൊഡുക്ക്‌ദ്. 9പള്യ ഒപ്പ്‌കെ്ട്ട് ആള്‌ഗണ കുറ്റക്കാറാര് എന്ത് ബിദിക്ക്‌ദ്. അദ്‌ക്ക് മദ്‌പ്പ് ഇര്‌ക്ക്‌ദ്. ആന പുദ്യ ഒപ്പ്‌കെ്ട്ട് ആള്‌ഗണ ണേര്‌മെക്കാറാര് ആക്ക്‌ദ്. അദ് അദ്‌ണ ബ്‌ഡ എത്തറാഗൊ മദ്‌പ്പുള്ളാദ്‌ത്തെ. 10അദ്‌ണാലെ പള്യ ഒപ്പ്‌കെ്ട്ട്‌ണ ബ്‌ഡ പുദ്യ ഒപ്പ്‌കെ്ട്ട്‌ക്ക് റമ്പ മദ്‌പ്പ് ഇര്‌ക്ക്‌ദ്. 11ഇല്ലാദെ ആര പള്യ ഒപ്പ്‌കെ്ട്ട്‌ക്ക് മദ്‌പ്പ് ഇര്‌ക്കദാനാക്കി എപ്പേക്ക്‌മ് ഇര്‌ക്ക പുദ്യ ഒപ്പ്‌കെ്ട്ട്‌ക്ക് എത്തറ മദ്‌പ്പ് ഇര്‌ക്കു.
12പള്യ ഒപ്പ്‌കെ്ട്ട്‌ണ ബ്‌ഡ പുദ്യ ഒപ്പ്‌കെ്ട്ട്‌ക്ക് റമ്പ മദ്‌പ്പ് ഇര്‌ക്ക്‌ദ് എങ്ക ണെഞ്ചഡെ എമാക്ക് ഇര്‌ക്കാദ്‌ണാലെ എമ്മ റമ്പ ദയ്യിര ഉള്ളവാര്‌ത്തെ. 13തന്ന് മൂഞ്ചില്യ ബെ്ഡിപ്പ് കൊറേന്ത് പോരാദ് ഇസ്‌റേല്‌ക്കാറാര് കാണാദെ ഇര്‌ക്ക്യ ബേ്ണ്ടി മോസെ കുക്കുഡ്യെ സൂഡി തന്ന് മൂഞ്ചിന മറേസിനാ്. അയ്യി മോസേന പാസെ അല്ല എമ്മ. 14ആന ഇദ്‌ണ തെര്യാത്ത ഇസ്‌റേല്‌ക്കാറാര് കല്ല് ണെഞ്ച്‌ക്കാറാര് ആയി തള്ളിനാര്. അവാര് പള്യ ഒപ്പ്‌കെ്ട്ട്‌ണ പഡിക്കാട്ടി മോസെ മൂഞ്ചിന മറേസിര്‌ന്ത പാസെ അവാര് മനേസ്സ് സത്ത്യണ ണെപ്പ്‌കെ്ഡേസാദെ മറേന്തിര്‌ക്ക്‌ദ്. ആന ക്‌റ്‌സ്‌ത്ത്‌ണ ണമ്പ്‌ഗാട്ടി ഈ മറെ ണീങ്കി പോദ്. 15ഇപ്പ്‌മ് മോസേദ് ബുക്ക്‌ണ പഡിക്കാട്ട്യെല്ല അവാര് മനേസ്സ്‌ണ അയ്യി മറെ മറേത്തിര്‌ക്ക്‌ദ്. 16ആന ഒരുത്താ് ആണ്ടവാ് സാരി തില്‌മ്പ്‌ഗാട്ടി അയ്യി മറെ ണീങ്കി പോദ്. 17ആണ്ടവാ് ണിഗാല്‌ത്തെ, ആണ്ടവാന്‌ദ് ണിഗാല് ഇര്‌ക്ക പട്ടിലി ആണ്ടവാ് ആസെപഡി ണഡാക്ക്യ തഡെ ഒന്റുമില്ലെ. 18ഇച്ചെ ണമാണ മറേത്തിര്‌ക്ക മറേന ആണ്ടവാ് എ്ഡ്‌ത്തെക്കിനാ്. അച്ചെ ണമ്മ അവാന സൊക്കാന ണെപ്പ്‌കെ്ഡേസികൊണ്ട് മദ്‌പ്പ്‌ക്ക് മേല് മദ്‌പ്പുള്ളവാരായി അവാന്‌ദ് ഉരുവണ പാസെ ആയികൊണ്ട് ഇര്‌ക്കാമ്. ഇച്ചെ ണമാണ ആക്ക്‌റാദ് ആണ്ടവാന്‌ദ് ണിഗാല്‌ത്തെ.
נבחרו כעת:
2 കൊരിന്ത്യക്കാറാര് 3: സാമിദ് സേദി
הדגשה
שתפו
העתק
רוצים לשמור את ההדגשות שלכם בכל המכשירים שלכם? הירשמו או היכנסו
New Life Literature