लूका 14
14
सब्त दे देन चंगाई
1“पी यीशु बसां दे धयाडै, फरीसियें दे प्रधान दे कर रुट्टी खाणे दे लेई गीया; ते ओ उसी मारने च लगे दे हे। 2उत्थें एक मानु ओदे सामने हा, जेदा शरीर सोजी गेदा हा। 3एस गल्ल उपर यीशु ने कनून दे उस्ताद ते फरीसियें गी आखया, यहूदीयें दे बसां दे धयाडै चंगा करना ठीक ऐ जां नेई?” 4लेकन ओ चोप्प रे। ओस बेलै ओनें उसी छुईयै चंगा कित्ता ते उसी जाना दिता। 5ते उंदे कन्ने आखया, “थुआड़ा चा ऐसा कोन ऐं, जेसदा पुत्तर जां बैल खू बेच डूबी जा ते ओ उसी बसां दे देन फोरन बार नेई कढे? 6ओ इनें गल्लें दा जबाब नेई देई सके।”
सदें दा आदर-खातर
7जेलै यीशु ने दिखया के सदे दे लोक केस चाली अगें-अगें बैठदे न तां एक मसाल च उन्दे कन्ने आख्या, 8जेलै कोई बियाह दी धाम लेई तुसेंगी सदै, तां अगें आली कुर्सीयें उपर नेई बैठयो, कुतै ऐसा नेई उवै, के धामे आले थुआड़े कोलां बी कुसे बड्डे मनुक्ख गी सदे दा उवै। 9ते जिन्नें तुगी ते उसी दौनी गी सदे दा ऐ, आईयै तुगी बोलै, एकडे गी जगा दे, ते पी तो शरमिन्दा ओईयै सारे कोलां नीची जगा च बैठना पवैए। 10लेकन जेलै तू बुलाया जां तां सारे कोलां नीची जगा च जाईयै बैठ, के जेलै ओ, जेस ने तुगी बुलाए दा ऐ अवै, ते तुगी आखे, ए दोस्त, अगें जाईयै बैठ, ओस बेलै तेरे कन्ने बैठने आले दे सामने तेरी इज्जत ओग। 11“किके जेड़ा कोई अपने आप गी बड़ा बनाग, ओ निक्का कित्ता जाग; ते जेड़ा कोई अपने आप गी निक्का बनाग, ओ बड़ा कित्ता जाग।”
फल थोना
12ओस बेलै ओनें अपने सदने आले गी बी आखया, “जेलै तू दिने जां राती दी धाम करें, तां अपने दोस्तें जां प्राऐं जां रिश्तेदारें जां मीर मल्लेदारें गी नेई बुला, कुतै ऐसा नेई उवै के ओ बी तुगी धामे च सदन, ते तेरा दिते दा बरतन तुगी बापस देई ओड़े। 13लेकन जेलै तू धाम करें तां गरीबें गी, ढून्डें गी, लंगड़ें गी ते अन्नें गी बुला। 14ओसलै तू तन्न ओगा, किके उन्दे कोल तुगी बदला देने गी केछ नेई, लेकन तुगी तर्मियें दे जिंदा ओनें उपर एस दा फल मिलग।”
बड्डे पोज दी मसाल
15उन्दे बिचा एक रुट्टी खाणे आले ने ए सुनीयै उसी आखया, “तन्न ऐ ओ जेड़ा परमेसर दे राज बेच रुट्टी खाग। 16ओनें उसी आखया, कुसे मनुक्ख ने एक बड़ी धाम रखी ते मते सारे लोकें गी बुलाया। 17जेलै रुट्टी त्यार ओई गेई तां ओनें अपने दासें अथ्थ लोकें गी बुलाई पेजया, आओ, ऊन रुट्टी त्यार ऐ।” 18पर ओ सारे दे सारे माफी मंगने लगे। पैले आले उसी आखया, “आऊँ खेत्र मुल्लें लिया ऐ, ते जरुरी ऐ के उसी दिखां; आऊँ तेरे अगें अर्ज करना मिगी माफ़ करी ओड़। 19दुए आखया, मैं पंज जोड़ी बैल खरीदे न, मिगी उनेंगी परखन लेई जाना ऐ; आऊँ तेरे अगें अर्ज करना मिगी माफ़ करी ओड़। 20एक ओर ने आखया, मैं ऊन गै ब्याह कित्ता ऐ, ‘एसकरी आऊँ नेई आई सकदा।’ 21ओस दास ने आईयै अपने मालक गी सारी गल्ल सनाई। ते कर दे मालक ने गुस्सै च आईयै अपने दास गी आखया, शैर दे गलीयें ते बजारें च जल्दी जाओ ते गरीबें, ढूणडें, अन्नें, ते लंगडें गी इत्थैं लेई आओ।” 22दास ने पी आखया, “ए मालक, जियां तो गलाया हा, उयांगै कित्ता गीया ऐ; तां बी पी जगा ऐ।” 23मालक ने दास गी आखया, “सड़कें उपर ते बड़ी सेडकें आली बखी जा ते लोकें गी मजबूर करियै लेई आ तां जे मेरा कर परी जा। 24किके आऊँ तुसेंगी आखना ऐं के उनै बुलाए गेदे लोकें बिचा कोई मेरी रुट्टी गी नेई चखघंन।”
कोन यीशु दा चेला ओई सकदा?
25ते जेसलै बड़ी पीड यीशु दे कन्ने जा दी ही, तां ओनें पिछें गी मुड़ीयै उनेंगी आखया, 26“जेड़ा कोई मेरे पिछें अवै, ते अपने पिता ते मां ते जनांनी ते बच्चे ते प्रा ते पैना मतबल अपने प्राण कन्ने बी बैर नेई करै, तां ओ मेरा चेला नेई ओई सकदा; 27ते जेड़ा कोई अपनी सूली नेई चुकै, ते मेरे पिछें नेई अवै, ओ बी मेरा चेला नेई ओई सकदा। 28थुआड़े बिचा कोन ऐ जेड़ा गढ़ बनाना चांदा उवै, ते पैलैं बैठिऐ खर्च किनां लगनायै नेई जोड़े के पूरा बनाने लेई खर्चा मेरे कोल ऐ के नेई? 29कुतै ऐसा नेई उवै के जेलै मकाने दी मनैद पाई लै लेकन त्यार नेई करी सकै, ते सारे दिखने आले ए बोलियै ओसदा मजाक करन लगन, 30ए मनुक्ख बनाना तां लगया लेकन त्यार नेई करी सकया?” 31या कोन ऐसा राजा ऐ जेड़ा दुए राजा कन्ने योद्द करने जानदा ऐ, ते पैलैं बैठिऐ सोच वचार नेई करी लै के जेड़ा बी जार सपाई लेईयै मेरे उपर चढ़ांई करने गी आवा दा ऐ, के आऊँ दस जार सपाई लेईयै ओसदा मकाबला करी सकना ऐं, जां नेई? 32नेई तां ओदे दूर रैंदे गै ओ अपने दूतें गी पेजीयै मेल मलाप करना चाग। 33एस चाली थुआड़े च कोई मेरा चेला नेई ओई सकदा जेलै तकर कि ओ अपना सारा केछ त्यागी नेई देग।
बे सुआदा लूंन
34“लून तां छैल ऐ, लेकन जिसलै लून दा सुआद बिगड़ी जा, तां ओ केस चीज कन्ने लुनका कित्ता जाग। 35नेई तां ओ जमीन दे ते न गै ऐल दे कम औन्दा ऐ, उसी लोक बार सुट्टी ओड़दे ने। अगर तोस समझना चांदे ओ, तां त्यांन कन्ने सुनो, जेड़ा केछ आऊँ आखना ऐं।”
נבחרו כעת:
लूका 14: DOG
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
This work is licensed under Creative Commons Attribution-ShareAlike 4.0 License.
