Acts 6
6
Ne Tsiátak Niháti Rontsniénons
1Kwáh kén náhe onakènʼke, tsi wahonatiokowánaʼne ne thonetakwen, okʼtsíro tsi natehóntere nehne Sitaeró꞉nons neh ne ronhrónkʼkhas ne Greek ó꞉ni ne Sitaeró꞉nons neh ne ronhrónkʼkhas ne Hebrew. Neh ne ronhrónkʼkhas ne Greek wahonʼníron neh rahononkwetaʼsónhas ne ionatereʼons iáh tekontiʼienas tsi natehonreniata nowísta ne ionateréʼons ahotiriwáke. 2Sók kíʼ ne tékeni iawénre niháti ne ratikweʼkónʼne hiahonwatinónkon kwáh kanenrakwékon ne thonʼnetákwens tánon wahonʼníron, “Iáh tetʼkariwaiéri naiontʼkénraʼte nahonteriwanótake ne Rawení꞉io rahowén꞉na kék neh kén nakaiéren nowístas. 3Éhʼthoh káti, tewatenrosónhas, tsiátak niháti ietʼtsiʼiataráko tsi naʼtesewátere nehne kwáh ronwatiʼientéri nahatiʼhiatananónhake ne Ronikonratokénti ó꞉ni kanikonraienthátsera, tánon ronónha enʼhiakhihiatakweʼní꞉iosʼte kíʼ nahorihótens. 4Nonkwátsiaks, neh káti, hiatenʼiakwatatʼtiáhate tsi nókwa ne aterénnaient ó꞉ni ne ateriwanothátsera ahohioténsera.”
5Kwáh kentiokwakwékon wahakaweʼrientí꞉io tsi nahatítaʼte ne ratikweʼkónʼne, sók kíʼ Stephen wahonwahiataráko, thóh rónkwe kwáh íken tsi tawetákwen, ó꞉ni ne Ronikonratokénti, tánon Philip, Prochorus, Nicanor, Timon, Parmenas, ó꞉ni Nicolaus, tánon ne iáh teʼasitaerónon ne Antioch nithawénon neh꞉ne iáh wahónʼnise tsi néhe Judaism non nishotsiátare. 6Ne kentiókwa watonwanateróseron ne ratikweʼkónʼne, wahonterénʼnaien tánon wathonwananisnónsaren.
7Tánon káti ne Rawení꞉io rahowénʼna ionsontasónteren tonsonʼréni. Ne ronteriwanótha ne Jerusalem nónwe takanenrakwátaʼne tsi nahonatiokowánaʼne, ó꞉ni kwáh éhʼtho tsi niháti ne ratiʼtsihénstatsis wahatiʼiéna ne tewetákwen.
Tsi Wahonwaiéna Ne Stephen
8Ne Stephen, thóh rónkwe kwáh íken tsi iawethowánen ne Rawení꞉io tsi rohiatateríston ó꞉ni kwáh rasatstenseranáh꞉non, iorihowánens tsi nihoieránions ne ioriwanerakwathénions nonkwé꞉ne. 9Nók ótiakes ne ronónkwe ronwariwakweníhaʼkwe nononsatokentíke ratiʼiátare ó꞉ni neh Freedmen ronwatinathónkwa, ó꞉ni ne Cyreneró꞉nons tánon ne Alexandria. Rononha tánon ne ronátiakes ne Sitaeró꞉nons ne Cilicia nón nihatinákere tánon ne Asia tahontásawen wathatiriwakéna ne Stephen. 10Nók ne Ronikonratokénti tsi nikowánen natʼthokhátsera taháwen ne Stephen nónen enhatáti, iáh tehatikwéniensʼkwe ne tahontahonwahwennóko. 11Sók kíʼ tohkára niháti ne ronʼnónkwes wahonteriwaserón꞉ni nahonʼníron, “Wahonkwathónteʼne rotkónte ne Mahís ó꞉ni ne Rawení꞉io!” 12Neh wakarihón꞉ni wahtionnikonráren nonkwesónha, ne rotikstenhokónhas, ó꞉ni ne sakotirihonʼnién꞉nis ne kaianerénsera. Wahonwahiéna ne Stephen tánon rahotihénton ne ratitsiénhaiens niahonwahiaténhaʼwe. 13Ehʼthóhʼne iahonwatiʼiatínionte ronónkwes nahonwanowénthase. “Ki꞉ken rónkwe,” wahonʼníron, “tiotʼkonhónwe rakenrenserón꞉nis nonkwanonsatokénti ó꞉ni ne Mahís rahohianerénseras. 14Ionkwatʼthontéʼon tsi ráwen nètho kí꞉ken Ié꞉sos ne Nazarethʼronon tsi enhanonsarí꞉shion nononsatokénti tánon akwékon tenhatáton tsi nitionkwarennahón꞉ne tsi nitesonkwáwi ne Mahís!” 15Ratikwékon ne thóh ratikskótonkwe ne ratitsiénhaiens hiatonwatʼkáneren ne Stephen tánon wahontʼkátho kwáh thóh nihakonshó꞉ten tsi ní꞉ioht ne raronhiakerónon.
נבחרו כעת:
Acts 6: MHK
הדגשה
שתפו
השווה
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.