Kwan 12
12
Imiyo Miriam gir'acula
1Munyo fodi jonitie i Hazeroth, Miriam kodi Aron joluwo marac kwoŋ Musa ro dhako Jaethopiya m'oyido go onywomo (kole oyido go adieri onywomo dhako Jaethopiya). 2Jowaco ni, “Rwoth otieko luwo gi Musa kende? Go fodi k'oluwo gi wan bende?” To Rwoth winjo. 3Musa oyido obedo jal mamwol swa, loyo dhano moro je ma piny ka. 4To Rwoth waco abwap ri Musa, Aron kodi Miriam ni, “Wok win woko, wi jadek, i Wema ma romo.” Ameno to jadek no jowok woko. 5Kenyo to Rwoth loro piny i siro ma pondeponde, to cungo i dhiot ma kayindi, to lwoŋo Aron kodi Miriam; to joje jobino yuwiye. 6To waco rijo ni,
“Mondo winji win wac paran:
Ka nitie jatuci wac Were i dier win,
An a Rwoth, amiyo ŋeyirok paran rijo i menyirok;
aluwo gi jo i lek.
7 #
Ebu 3:2
K'ameno gi ŋeca paran Musa;
go ama amiyo go kuro ji paran je Isiraili.
8Aluwo gi go awaŋ g'awaŋ i lero, makiweno i sikoiyiko;
to go neno paka Rwoth cale.
Raŋo ma wikilworo luwo marac kwoŋ ŋeca paran Musa?”
9To nge pa Rwoth gaga kwoŋ jo, to go kadho.
10Munyo pondeponde oleny woko i wi kayindi, Miriam oyido otieko lokere jadhowo, matar pa pe. Aron owire bongi Miriam to neno ni go oyido obedo jadhowo. 11Kenyo to Aron waco ri Musa ni, “Awi jadwoŋ paran, ikir'imiy wan gir'acula ri reco ma watimo amiŋa. 12Mondo ikir'iwey go wocale gi ŋat'otho, ma del pere adec ocamere woko gi iy min.” 13To Musa ywak ri Rwoth ni, “Awi Were bothi go.” 14#Kwan 5:2-3To Rwoth waco ri Musa ni, “Bedi bamere ŋul law i waŋe, di go k'onyalo bielo wickwot pere ma ndelo abirio? Weyi wocegi go woko ma kambi ma ndelo abirio, aka k'orumo inyalo kelo go i iye kendo. 15Ameno t'icego Miriam woko ma kambi ma ndelo abirio; aka ji jok'onyalo ay woth cuka orwaki Miriam i iye kendo. 16Rumacen to ji joay wok Hazeroth, to joketho kambi i thim ma Paran.”
נבחרו כעת:
Kwan 12: DHOPE
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
Dhopadhola DC Bible © Bible Society of Uganda, 2018.