2 Yoane 1
1
1Ĩngye mukulu ngakusakira, uwe mugole mwanze nʼabana bawe, abo nyanzĩre kwenene. Butsira ĩngyowene, nĩkwa abosĩ abasĩ ekwenene, babanziĩre. 2Kusangwa omwatsi wʼekwenene amatikene netu, kandi asyabya haguma netu kera na kera.
3Nyamuhanga Tata, na Yesu Kristo, Omugala wa Tata, atuhe olukogo, nʼeriganyira, nʼobuholo. Ebi bibye byetu omo kwenene nʼomo lwanzo.
Ekwenene nʼolwanzo
4Monatsema kutsibu erieya abandi bʼoko bana bawe ibanemukwama ekwenene, ngoko Tata atuhana. 5Neryo lino, uwe mugole, ngakulemba-lemba nyiti, ĩtwe bosĩ twanzane. Sindisaka ekihano kihya-kihya, nĩkwa ekihano ekyo twabya nakyo erĩtsũka erĩmbere. 6Kandi olwanzo lolũ: tukwame ebihano biwe. Ekihano ekyo kya kino: ngoko mwowa erĩtsũka erĩmbere, kiti twanzane.
7Kusangwa abatebya bangi babiriya omo kihugo. Aba ni bandu abaterĩga ko Yesu Kristo asa omo mubiri wʼomundu. Abo ni batebya, kandi ni nzĩgũ sya Kristo. 8Neryo mũyĩtegaye, mũkasyatalya ebyo mwabirikolera, nĩkwa mubane oluhembo olũhikene.
9Nikwa oyutesiba omwʼĩkangĩrĩrya lya Kristo, nĩkwa akatomeka kulyo kwʼebindi, omundu oyo siamatikene na Nyamuhanga. Nĩkwa Oyukasiba omwʼĩkangirirya lya Kristo, omundu oyũ amatikene na Tata nʼomugala. 10Omundu amabahĩkako, atereta erĩkangĩrĩrya erĩ, sĩmũmũkokaye omo nyũmba yenyũ, kutse simumuhe Obuholo. 11Kusangwa oyũkamũkeraya iniamasangira oko mĩbĩrĩ yiwe mibi.
Ebĩnywa byʼeribuga ebarua
12Nyiwite ebĩnywa bingi byʼerĩbatũlĩra, nikwa sĩnyanzĩre erisakabyo omo karatasi nʼobwĩno. Nĩkwa ngwite amaha erĩbahĩkako nʼerĩkanĩa nenyũ obũsũ oko bũsũ, obutseme bwetu bũhĩkane.
13Abana ba mwali wenyũ oyo wayisogawa, bakakũkeraya.
נבחרו כעת:
2 Yoane 1: KB80
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
Bible in Kinandi © Bible Society of the Democratic Republic of Congo, and Bible Society of Uganda, 1980.